17 تامىز, 2020 بارلىق ايماقتار
فوتو: kaztag.kz
قاۋىپسىزدىك كەڭەسى مەن ؛"نۇر وتان" پارتياسىنىڭ ءتوراعاسى نۇرسۇلتان نازارباەۆ قازاقستاندىقتارعا ۇندەۋ جولدادى, دەپ حابارلادى elbasy.kz ؛سايتى ؛.
"قۇرمەتتى وتانداستار!
پاندەميا سالدارىنان قازاقستان بۇكىل الەم ەلدەرىمەن بىرگە كۇتپەگەن قيىندىقتارعا تاپ بولىپ, جاھاندىق داعدارىستىڭ ەڭ قيىن كەزەڭىن باستان وتكەرۋدە.
الەۋمەتتىك-ەكونوميكالىق احۋالدىڭ كۇرت ناشارلاۋى ناتيجەسىندە دامىعان مەملەكەتتەر دە داعدارىسپەن كۇرەسۋدە.
مۇنداي جاعدايدا كەز كەلگەن ۇكىمەتتىڭ الدىندا تۇرعان ەڭ وزەكتى ماسەلە &ndash؛ ەكونوميكانىڭ دامۋى جانە ەل ازاماتتارىنىڭ دەنساۋلىعى.
بىزگە حالىقتىڭ قاۋىپسىزدىگى مەن اماندىعى ءۇشىن بار كۇش-جىگەرىمىزدى سالۋ ماڭىزدى.
سوندىقتان پرەزيدەنتىمىز, ۇكىمەتىمىز كوپ شارالاردى قولعا الىپ جاتقانىن بىلەسىزدەر.
وسى ورايدا مەديسينا قىزمەتكەرلەرىنە ەرەكشە العىسىمدى بىلدىرەمىن.
ولار پاندەميانىڭ العاشقى كۇندەرىنەن باستاپ كوروناۆيرۋسقا قارسى كۇرەستىڭ الدىڭعى شەبىندە ءجۇر.
ەرىكتىلەرگە دە العىسىم شەكسىز.
"بىز بىرگەمىز!" اكسياسى اياسىندا عانا "jas otan" بارلىق مۇقتاج جاندارعا قولداۋ كورسەتكەن 5 مىڭ ەرىكتىنىڭ باسىن بىرىكتىردى.
ارينە, كەمشىلىكتەر دە بولدى.
كوروناۆيرۋس داعدارىسى مەملەكەتتىك باسقارۋدىڭ كەيبىر سالالارىندا ولقى تۇستار بار ەكەنىن دە كورسەتتى.
جەدەل ارەكەت ەتۋ جاعى جەتىسپەي جاتتى, ماسەلەنىڭ شەشىلۋى بيۋروكراتيالىق كەدەرگىلەرگە كەپ تىرەلدى.
مەملەكەتتىك ورگاندار مەن كەيبىر باسشىلار حالىقتىڭ ناقتى پروبلەمالارىن جەتە سەزىنبەيدى دەگەن سىن ايتىلىپ جۇرگەنىن مەن جاقسى بىلەمىن.
بۇل بارلىق دەڭگەيدەگى دەپۋتاتتاردىڭ دا جۇمىسىنا قاتىستى.
ونى كوبىنە ورىندى سىن دەپ ەسەپتەيمىن.
دەپۋتاتتار حالىقتىڭ ورتاسىندا بولىپ, ەلدىڭ مۇڭ-مۇقتاجىن جەتكىزۋگە ءتيىس.
دەپۋتاتتاردىڭ مىندەتى &ndash؛ ءاردايىم ەل مۇددەسىن قورعاۋ. وسىنى ۇمىتپاۋىمىز كەرەك" دەلىنگەن رەسمي سايت جاريالاعان حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر