فوتو: فوتوكوللاج
انشى تالعات كەنجەبولاتوۆقا (كەنتال) ءتورت جىل بۇرىن تۇسىرىلگەن ۆيدەو ءۇشىن 10 ميلليون تەڭگە كولەمىندە ايىپپۇل سالىندى. بۇل تۋرالى ءانشىنىڭ ءوزى الەۋمەتتىك جەلىدە حابارلادى.
كەنتالدىڭ ايتۋى بويىنشا, ءتورت جىل بۇرىن تۇسىرىلگەن ۆيدەو ءۇشىن ۇستىنەن ءىس قوزعالىپ, ءتورت سوت وتىرىسى وتكەن. سوت ءتوراعاسى د.م.الىباەۆ اكىمشىلىك قۇقىق بۇزۋشىلىقتىڭ 675-بابى ("ايىرىم بەلگىلەرى جانە (نەمەسە) نىشانى بار اسكەري كيىم نىسانىن, سونداي-اق نىساندى كيىم مەن ارناۋلى كيىم-كەشەكتى زاڭسىز كيىپ ءجۇرۋ (پايدالانۋ)") بويىنشا 5 اەك (13 889 تەڭگە) كولەمىندە ايىپپۇل سالعان.
&ndash؛ ؛بۇل ايىپپۇل ەشتەڭە ەمەس. الماتى قالالىق كريمينالدىق پوليسيا باسقارماسىنىڭ باسشىسى ەركىن ىڭكاروۆ مىرزادان حات كەلدى. مەنەن 10 ميلليون تەڭگە تالاپ ەتىپ وتىر. سونداي-اق مەنىڭ رەسمي تۇردە كەشىرىم سۇراۋىمدى جازعان. قۇرمەتتى ەركىن ىڭكاروۆ, مەن سىزدەن نە ءۇشىن كەشىرىم سۇراۋىم كەرەك؟! نە ءۇشىن سىزگە 10 ميلليون تەڭگەنى تولەۋىم كەرەك؟! مەنىڭ كونستيتۋسيالىق قۇقىعىمنىڭ تاپتالعانى مەن ءوز اتىما ايتىلعان بالاعات سوزدەر ءۇشىن بە؟ ءسىزدىڭ مەنى قورقىتىپ-ۇركىتكەنىڭىز ءۇشىن بە؟ نە ءۇشىن؟!, &ndash؛ دەدى ءانشى جەلىدەگى ۆيدەوسىندا.
"مەن كوروناۆيرۋسقا قاتىستى بىرنارسە ايتتىم با, الدە پوليسيا قىزمەتكەرلەرىنە ءتىل تيگىزدىم بە؟ ناقتى دالەلدەرى دە جوق. انا جەردە باسقا ءسوز, مىنا جەردە باسقا اقپارات.
سىزدەر, كريميناليستەر, ءوز جۇمىستارىڭىزبەن, مەن ءوز ونەرىممەن اينالىسايىن. سىزدەردىڭ مىندەتتەرىڭىز &ndash؛ ەلدى قورعاۋ, تىنىشتىقتى ساقتاۋ, ال بىزدىكى &ndash؛ كورشى ەلدەردىڭ مادەنيەتىمەن باسەكەلەستىك جاساۋ. مەنىڭ الەۋمەتتىك جەلىدە ايتقان ءار ءسوزىمدى اڭدىپ وتىرامىز دەگەندەرىڭىز &ndash؛ ماسقارا! بۇل مەنىڭ جەكە پاراقشام!" دەلىنگەن جازبادا.
انشى تالعات ءوزىن قولداعان بارلىق ادامعا العىسىن ايتىپ, ادىلدىك ورنايتىنىنا سەنەتىنىن جەتكىزدى. ؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر