• usd 468.56

  • eur 497.56

  • rub 7.3

  • cny 67.18

29 ناۋرىز, 16:49:16
الماتى
+35°

ۇكىمەت ۇيىندەگى كەزدەسۋ

«؛شۇعىلا»؛ قورى ء«؛ومىر سىيلا»؛ اكسياسى بويىنشا جاساعان جۇمىستارى جايلى قورىتىندىلادى. بۇل شارا نۇر-سۇلتان قالاسىندا ۇكىمەت ۇيىندە ءوتتى. وعان قر پرەمەر-مينيسترىنىڭ ورىنباسارى ەرالى لۇقپانۇلى توعجانوۆ جانە قر دەنساۋلىق ساقتاۋ ءمينيسترى الەكسەي ۆلاديميروۆيچ سوي قاتىستى.

باسشىلىق اتقارىلعان ىستەرگە جوعارى باعا بەرىپ, قورعا العىس ءبىلدىردى. العا قويىپ وتىرعان جوسپارلار تۋرالى ءسوز بولدى. قوردىڭ قۇرىلتايشىسى مەيىرحان ابدراحمانوۆ, قامقورلىق كەڭەستىڭ مۇشەسى ازات تاپيشەۆ جانە سىرىمبەك تاۋ, «؛شۇعىلا»؛ قورىنىڭ پرەزيدەنتى سارسەنبەك يمانباەۆ باستاعان ازاماتتار ءوز كەزەگىندە مينيسترلىك تىزگىنىن ۇستاعان باسشىلارعا دەر كەزىندە بەرگەن كومەگى ءۇشىن راحمەت ايتتى.

ايتا كەتەيىك, ء«؛ومىر سىيلا»؛ اكسياسى باستالعاندا «؛شۇعىلا»؛ قورى جيناعان 450 ميلليون قارجىعا قىتايدان قازاقستانعا 4000 وتتەگى كونسەنتراتورىن جەتكىزۋ ماسەلەسى تۋىنداعان بولاتىن. سول كەزدە مينيسترلىك ءتورت ۇشاق رەيسىن ۇيىمداستىرىپ, كەدەندىك سالىقتاردان بوساتىپ, ءتۇرلى تەكسەرۋلەردى ازايتىپ, ءىستى جەڭىلدەتتى. سيان قالاسىنان تىكەلەي اتىراۋعا, سوسىن شىمكەنت قالاسىنا ۇشاقتىڭ قونىپ, جۇك تۇسىرۋىنە جاردەمدەستى. ناتيجەسىندە بارلىق قۇرىلعىلار قازاقستاننىڭ بارلىق نۇكتەسىنە ادىلەتتى تۇردە ءبولىنىپ, جەتكىزىلدى.

بۇل ءىستى جالعىز ادام جاساي الماس ەدى. ءبارى بىرىگىپ, جۇمىلىپ جۇدىرىق بولىپ, ءىستى سوڭىنا دەيىن جەتكىزدى. ستۋدەنتتەردەن باستاپ, مينيسترگە دەيىن ارالاستى. حالىق پەن بيلىكتىڭ اراسى قاشىق دەيمىز. ءبىراق وسى جولى بيلىك باسىنداعى ازاماتتار ۇلگى كورسەتىپ, قۋانتتى. شارۋانى تەز ىڭعايلايتىن, نيەتى ءتۇزۋ جانداردىڭ باسشىلىقتا وتىرعانىنا شۇكىر دەيسىڭ. ەرالى مىرزانىڭ كومەكشىسى نۇرسۇلتان, سوي مىرزانىڭ كومەكشىسى باتىر باۋىرلارىمىزدىڭ جاۋاپكەرشىلىكپەن جۇمىس جاسايتىنىنا كۋا بولدىق.

ەلىمىز اۋرۋدان ايىعىپ, سالاۋاتتى ءومىر سالتىن ۇستانعان حالىق بولسىن. ءبىر جانىمىز قالدى. ەندى ارى قاراي ماعىنالى عۇمىر كەشەيىك.

"قامشى" سىلتەيدى
ىلمەك سوزدەر: «شۇعىلا» قورى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر