14 تامىز, 2020 news
getty
فرانسيا "قىزىل ايماق" كوروناۆيرۋستىق توتەنشە جاعدايىن جاريالادى. پاريج جانە بۋش-ديۋ-رونا ايماعى كوروناۆيرۋستىق جاعدايلاردىڭ كۇشەيۋىنە بايلانىستى كارانتينگە الىندى. ؛
فرانسيا ۇكىمەتى قالا مەن جەرورتا تەڭىزىنىڭ جاعالاۋىنداعى ايماقتى كوروناۆيرۋستى جۇقتىرۋ ءقاۋپى جوعارى "قىزىل ايماقتار" دەپ جاريالادى. قاۋلى جەرگىلىكتى بيلىك ورگاندارىنا ادامدار مەن كولىك قۇرالدارىنىڭ اينالىمىن شەكتەۋگە, قوعامدىق كولىكتەر مەن اۋە قوزعالىسىن شەكتەۋگە, قوعامدىق عيماراتتارعا كىرۋدى شەكتەۋگە جانە ينفەكسيا ءقاۋپى جوعارى كەيبىر مەكەمەلەردى جابۋعا وكىلەتتىك بەرەدى.
اقپاراتتارعا سايكەس, فرانسيادا سوڭعى اپتادا جاڭادان تىركەلگەن جاعدايلاردىڭ 66 پايىزعا ارتۋى جانە 100 000 تۇرعىنعا شاققانداعى اۋرۋدىڭ 52 پايىزعا ءوسۋى كوروناۆيرۋستىڭ كۇرت وسكەندىگىن كورسەتەدى.
جاعدايعا بايلانىستى ۇلىبريتانيا فرانسيادان كەلگەن ادامدار سەنبىدەن باستاپ 14 كۇندىك كارانتيندە بولۋى كەرەكتىگىن جاريالادى. بريتانيالىق باسىلىمدار بىرىككەن كورولدىكتىڭ دە بۇگىن كەشتە كارانتين جاريالاۋى مۇمكىندىگىن حابارلادى. ؛
بۇعان دەيىن ەۋروپا ەلدەرىندە كوروناۆيرۋستىڭ ەكىنشى تولقىنىنىڭ العاشقى بەلگىلەرى پايدا بولعانىن حابارلاعان بولاتىنبىز. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر