14 تامىز, 2020 news

18 جاسار سپورتشىنىڭ ولىمىنە پوليسيا قىزمەتكەرى كىنالى مە؟

فوتو: azh.kz

الەۋمەتتىك جەلىلەردە گرەپپلينگتەن ازيا چەمپيونى ەسەنبەك سيعۋاتوۆتى ولتىرگەن اتىراۋ وبلىسى پوليسيا دەپارتامەنتىنىڭ قىزمەتكەرى ەكەنى تۋرالى اقپارات پايدا بولدى, دەپ azh.kz ؛حابارلادى.

قايعىلى وقيعادان كەيىن دامبا اۋىلىنىڭ تۇرعىندارى وبلىس اكىمىنە اشىق حات جولداعان. ؛

"بىز بۇدان الدىن پوليسياعا جاستار اراسىندا اتىس, توبەلەس جاعدايلارى جيىلەپ كەتكەنىن ايتىپ, بىرنەشە رەت حابارلاعان بولاتىنبىز. ءبىراق قايعىلى وقيعا ورىن السا دا, قۇقىق قورعاۋ ورگاندارى تاراپىنان ەشقانداي دا شارا قولدانىلماعانى انىق. بۇل بالالارىمىزدىڭ قاۋىپسىزدىگى ءۇشىن وتە ءقاۋىپتى" دەلىنگەن حاتتا.

سونىمەن قاتار حاتتا ؛ازيا چەمپيونى ەسەنبەك سيعۋاتوۆقا اتىلعان تاپانشا ؛پوليسيا قىزمەتكەرىنە تيەسىلى ەكەنى ايتىلعان. الايدا پوليسيا دەپارتامەنتى مۇنى جوققا شىعارىپ وتىر.

قازىرگى ۋاقىتتا 26 جاستاعى كۇدىكتى تەرگەۋ يزولياتورىنا قامالدى.

9 تامىزعا قاراعان ءتۇنى اتىراۋدىڭ ازيا چەمپيونى ەسەنبەك سيعۋاتوۆ جۇرەگىنەن وق جاراقاتىن الىپ, وقيعا ورنىندا جان تاپسىرعان بولاتىن.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر