14 تامىز, 2020 news

سوت زالىندا وزىنە قول جۇمساماق بولعان ازاماتتىڭ ايەلى توقاەۆقا ۆيدەوۇندەۋ جولدادى

فوتو: فوتوكوللاج

نۇر-سۇلتان قالاسىنىڭ تۇرعىنى ؛ ءجادىرا ؛جاپپاروۆا ؛وزىنىڭ كۇيەۋى دەپ تانىستىرعان ابدۋكايموۆ الجان حايىربەكۇلىنىڭ جازىقسىز سوتتالعانىن ايتىپ, پرەزيدەنت قاسىم-جومارت توقاەۆقا ۆيدەوۇندەۋ جولدادى.

الجان حايىربەكۇلى قىلمىستىق كودەكستىڭ 190-بابى 3-بولىگى 1, 4-تارماقتارى بويىنشا (الاياقتىق) 5 جىلعا باس بوستاندىعىنان ايىرىلعان.

"مەن ەكى بالانىڭ اناسىمىن. ۇلكەن قىزىم قازىرگى ۋاقىتتا دسپ-مەن اۋىرىپ جاتىر. جولداسىم الجاننىڭ اكەسى ينسۋلتپەن اۋىرادى جانە ءبىرىنشى توپتاعى مۇگەدەك. مەنىڭ جولداسىم ءقازىر تۇرمەدە وتىر. 25 تامىز كۇنى سوت بولادى. سىزدەن (پرەزيدەنت توقاەۆ &ndash؛ رەد.) سۇرايتىنىم, مەنىڭ كۇيەۋىمنىڭ ءىسىن ءوز باقىلاۋىڭىزعا الساڭىز. ول ءقازىر جازىقسىز تۇرمەدە وتىر. مەن ادىلدىكتىڭ بارىنا سەنەمىن. ادىلدىك ورنايدى دەپ ويلايمىز. كىناسىز ەكەنىن دالەلدەيمىز. بىزگە ءبىر مۇمكىندىك بەرسەڭىزدەر ەكەن. ايعاقتاردى كورسەتىپ, دالەلدەۋ ءۇشىن ءبىر مۇمكىندىك بەرسە جەتكىلىكتى. ءبىز سوتقا دا, پروكۋراتۋرانىڭ قىزمەتكەرلەرىنە دە سەنبەيمىز. ءبىزدىڭ ءىسىمىز قاراۋسىز قالدى. وسى ۆيدەوۇندەندەن باسقا ەشتەڭەگە ءۇمىت ارتا المايمىز. بىزگە ءبىر مۇمكىندىك بەرسەڭىزدەر, ءبىز دالەلدەپ شىعامىز " دەلىنگەن ۆيدەودا.

"قامشى" رەداكسياسىنا حابارلاسقان ەكى بالانىڭ اناسى 25 تامىز كۇنى بولاتىن سوت وتىرىسىندا جولداسىنىڭ كىناسىز ەكەنىن دالەلدەۋ ءۇشىن سوتتان ايعاقتاردى ۇسىنۋعا رۇقسات ەتۋىن سۇرايدى.

الجان ابدۋكايموۆتىڭ سوت زالىندا وز-وزىنە قول جۇمساۋعا تىرىسقان ۆيدەوسى.

ىسكە قاتىستى بارلىق دەرەكتەردى جادىرا جاپپاروۆانىڭ youtube ارناسىنان كورە الاسىزدار.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر