14 تامىز, 2020 بارلىق ايماقتار
فوتوكوللاج
قازاقستان رەسپۋبليكاسىنىڭ دەنساۋلىق ساقتاۋ مينيسترى ؛الەكسەي سوي ۆلاديميروۆيچكە
امانات
قۇرمەتتى الەكسەي ۆلاديميرۇلى!
سىزگە كومەك بولسىن دەگەن نيەتتە, ءبىراز ۇسىنىستارىمدى ۇسىنامىن. قابىلداۋ نەمەسە قابىلداماۋ ءسىزدىڭ قۇزىرىڭىزدا. سونىمەن ەڭ ءبىرىنشى, نەگە كوڭىل اۋدارعان ءجون, دەپ سانايسىز؟
بىرىنشىدەن, قازىرگى قازاق دارىگەرلەرىنە مەيىرىم جەتپەيدى. كوبىنىڭ راديكۋليتى بار. بەلدەرى بۇگىلمەيدى. مەيىرىمسىز دارىگەرلەر مەن شالا-پۇلا مەدبيكەلەر قاپتاپ كەتتى. بۇل جەردە ايتارىم, اۋىرعان ادامعا الدىمەن ۋكول مەن ءدارى ەمەس, باس دارىگەردىڭ, ونىڭ ورىنباسارلارىنىڭ, ەمدەۋشى دارىگەردىڭ, اعا مەدبيكەنىڭ جىلى قاباعى مەن مەيىرىمى جانە "جازىلىپ كەتەسىز" دەگەن جىلى ءسوزى اۋاداي قاجەت.
سوندىقتان بۇكىل قازاقستان دارىگەرلەرىنە وسى قاعيدانى ايتىپ, سانالارىنا جەتكىزىڭىز. كەزەك كۇتتىرمەيتىن ماسەلە.
ەكىنشىدەن, كسرو كەزىمەن سالىستىرعاندا ءبىزدىڭ ەلدىڭ دارىگەرلەرىنىڭ كاسىپتىك بىلىكتىلىگى مەن ءبىلىمى كوپ تومەندەگەن. ءۇش كۇندە ءۇش دارىگەر اۋىسسا, ۇشەۋى ءۇش بولەك ەم-دوم جاسايدى. ءالى ەكپە سالا المايتىن دارىگەرلەر كەزدەسەدى. بۇل نە سۇمدىق! وسى جاعدايدى دا قاتاڭ باقىلاۋعا الۋ كەرەك. مەديسينا ماماندارىن دايارلايتىن بارلىق جوعارى وقۋ ورىندارى مەن مەدكوللەدجدەردىڭ پروفەسسورلارى مەن دوسەنتتەرىن اتتەستاسيادان وتكىزىپ الۋدى ۇسىنامىن. كاسىبي ءبىلىمدى جەتىلدىرۋ كۋرستارىنىڭ ساباقتارىن وتكىزۋدى مينيسترلىك قاتتى باقىلاۋعا العانى ءجون. بىزگە, تۇتىنۋشىلارعا ماماندىقتارىن جاقسى بىلەتىن, ناعىز پروفەسسيونال, مىقتى دارىگەرلەر مەن مەدقىزمەتكەر كەرەك. نادان, ساۋاتسىز دارىگەرلەردىڭ جۇمىس ىستەگەنىنەن ىستەمەگەنى دۇرىس. ءبىر سوزبەن ايتقاندا, تازالاڭىز. جۇيرىك دارىگەرلەردى قالدىرىپ, كىسى ولتىرەتىندەردى مەديسيناعا جولاتپاڭىز.
ۇشىنشىدەن, بۇرىنعى كەڭەس وداعى كەزەڭىندەي دارىگەرلىك "وبحود" جاساۋ پراكتيكاسىن بارلىق اۋرۋحانالار مەن گوسپيتالداردا ەنگىزۋ قاجەت. وعان مىندەتتى تۇردە, باس دارىگەرمەن ونىڭ ورىنباسارلارى قاتىسۋى قاجەت. "وبحودتىڭ" ورنى وتە زور.
تورتىنشىدەن, مەديسيناداعى جەمقورلىققا ؛باسا نازار اۋدارۋىڭىز كەرەك. ءبىرتانوۆ باسىندا باستادى دا, كەيىن تاستاپ كەتتى. ول ۇلكەن قاتەلىك بولدى. ءسىز سونى قايتالاماڭىز. ەڭ الدىمەن كەيبىر باس دارىگەرلەر مەن حيرۋرگتەردىڭ ءىس-قيمىلىنا مۇقيات تەكسەرۋ جۇرگىزۋ كەرەك.
بەسىنشىدەن, كۇزدە پاندەميانىڭ "ەكىنشى تولقىنى" بولادى دەگەن اڭگىمە ءجيى ايتىلۋدا. ءبىزدىڭ ۇسىنىسىمىز, تەز ارادا "مەديسينالىق موبيليزاسيا" وتكىزىپ, ۇلكەن كادرلىق رەزەرۆ جاساڭىز!
قۇرمەتپەن, ؛سادىبەك تۇگەل
"ۇلى دالا قىراندارى" حالىقتىق قوزعالىستىڭ ءتوراعاسى,
نۇر-سۇلتان قالالىق "انتيكور ورتالىعىنىڭ" اقپاراتتىق اعارتۋ شتابىنىڭ باسشىسى, ؛جازۋشى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر