الماتىدا زەينەتكەرگە پىشاقپەن شابۋىل جاسالدى

الماتىدا ەر ادام زەينەتكەرگە شابۋىل جاساعان. بۇل تۋرالى polisia.kz حابارلادى.

پورتالدىڭ حابارلاۋىنشا, وقيعا 13 تامىز كۇنى ساعات 13:00 شاماسىندا الماتىنىڭ المالى اۋدانىندا بولعان. تۇرعىن ءۇي عيماراتىنىڭ كىرەبەرىسىندە 28 جاستاعى ەر ادام ايەلگە شابۋىل جاساپ, سومكەسىن الۋعا تىرىسقان.

&ndash؛ مەن بانكوماتتان اقشا الىپ, ۇيگە قايتتىم. باسىندا كورشى ەكەن دەپ ويلادىم, ءسويتىپ ونى الدىعا جىبەرۋگە تىرىستىم. ول مەنىڭ سومكەمە جارماسىپ الدى. مەن سومكەمدى جىبەرمەدىم. ول پىشاقتى الىپ, سومكەنىڭ يىق بەلبەۋىن كەسىپ, قولدارىمدى ءتىلىپ تاستادى. مەن بىرەۋ ەستيتىن شىعار دەپ ايقايلاي بەردىم. ءبىراق ەشكىم كومەكتەسپەدى. ول جۇگىرە جونەلىپ ەدى, ارتىنان ەكى ادام قۋدى, &ndash؛ دەپ زەينەتكەر شابۋىلدىڭ ءمان-جايىن ايتتى.

&ndash؛ بوگەنباي باتىر مەن ايتيەۆ كوشەلەرىنىڭ قيىلىسىندا ءبىزدى جولاۋشىلار توقتاتىپ, جوعارعى كوشەدە توناۋعا قاتىستى توبەلەس بولىپ جاتقانىن حابارلادى. ءبىز دەرەۋ كورسەتىلگەن جەرگە جەتىپ, ءىستىڭ ناقتى مالىمەتتەرىن بىلدىك. وسى قىلمىستى جاسادى دەگەن كۇدىكپەن 1992 جىلى تۋعان ي ەسىمدى ازامات ۇستالدى. ودان پىشاق تاركىلەندى. ايەلدى تاۋىپ, وعان "جەدەل جاردەم" شاقىرىلدى, &ndash؛ دەدى الماتى قالالىق پوليسيا دەپارتامەنتى پاترۋلدىك پوليسيا پولكىنىڭ ينسپەكتورى, "بۋران-045" ەكيپاجىنىڭ اعا باستىعى سامات جۇمانوۆ.

زەينەتكەر وزىنە شابۋىل جاساعان ادامدى تانىدى. كۇدىكتى قىلمىسىن مويىندادى.

&ndash؛ ماعان اقشا كەرەك بولدى. ونى تولە بي كوشەسىندە كورىپ, سوڭىنان ەردىم. ىستەگەنىمە وكىنەمىن, &ndash؛ دەدى كۇدىكتى.

المالى اۋدانىنىڭ پوليسيا باسقارماسى حابارلاعانداي, اتالعان فاكتى بويىنشا قازاقستاننىڭ قىلمىستىق كودەكسىنىڭ 192-بابى ("قاراقشىلىق") 2-بولىگىندە كورسەتىلگەن قىلمىس نەگىزىندە سوتقا دەيىنگى تەرگەۋ باستالدى. كۇدىكتى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى.