13 تامىز, 2020 news
فوتو: polisia.kz
الماتى قالاسى اۋەزوۆ اۋدانىنىڭ پوليسيا قىزمەتكەرلەرى "جالاقىسى جوعارى جۇمىسقا تۇرعىزامىن" دەپ ادامداردان قوماقتى اقشا العان الاياق ايەلدى ۇستادى. بۇل تۋرالى polisia.kz حابارلادى.
&ndash؛ 1985 جىلى تۋعان 35 جاستاعى س. ەسىمدى ايەل بۇرىن قىلمىستىق جاۋاپكەرشىلىككە تارتىلعان. ول شىلدە ايىنىڭ ورتاسىندا اباي داڭعىلى مەن ساين كوشەسىنىڭ قيىلىسىندا تۇرىپ, ادامدارعا جۇمىس ۇسىنعان. ايەل كارانتين كەزىندە كەيبىر ازاماتتاردىڭ جۇمىستان بوساتىلعانىن جانە ۋاقىتشا جۇمىس ىزدەپ جۇرگەنىن العا تارتقان. سەنگىش ادامداردى مۇناي كومپانياسىنا جۇمىسقا ورنالاسۋعا كومەك بەرە الاتىنىنا سەندىرىپ, ولاردان اقشا العان. ءبىراق كەيىننەن اقشا دا, جۇمىس تا جوق. قازىرگى ۋاقىتتا ءبىزدىڭ بولىمگە ەكى ادام وسى جاعداي بويىنشا جۇگىندى, &ndash؛ دەيدى اۋەزوۆ اۋداندىق پوليسيا باسقارماسىنىڭ باستىعى الىشەر تۇرسىنبەتوۆ.
سونىمەن قاتار, پوليسيا كۇدىكتىنىڭ قالا اۋماعىندا, باسقا اۋداندارىندا زاڭسىز ارەكەتتەر جاساعان بولۋى مۇمكىن ەكەنىن جوققا شىعارمايدى. وسىعان ۇقساس جاعداي باسىنان وتكەن ازاماتتار پوليسياعا مىنا نومىرلەر بويىنشا حابارلاسا الادى: 8-701-852-60-94, 8-707-515-47-35.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر