12 تامىز, 2020 ەكونوميكا

كرەديتتى كەشىرۋدى قانشا ادام قولدادى؟ ساۋالناما قورىتىندىسى

كورنەكى سۋرەت

4 تامىزدا قوعام بەلسەندىسى جانبولات ماماي اقورداعا نەسيە امنيستياسىن قولداعان 100 مىڭعا تارتا ادامنىڭ قولىن وتكىزگەننەن كەيىن الەۋمەتتىك جەلى قولدانۋشىلارى كرەديتتى كەشىرۋدى قولدايتىندار جانە قولدامايتىندار بولىپ بولىنگەن. 5 تامىزدا قامشى پورتالى وقىرمان ويىن ءبىلۋ ماقساتىندا "قازاقستاندا كرەديتتى كەشىرۋدى قولدايسىز با؟" ساۋالناماسىن ىسكە قوسقان. بۇگىن سونىڭ قورىتىندىسى شىقتى.

ساۋالنامادا "قازاقستاندا كرەديتتى كەشىرۋدى قولدايسىز با؟" دەگەن ءبىر عانا سۇراق بولدى. وعان بارلىعى 197 مىڭ 672 قولدانۋشى قاتىسقان.

 ؛

ونىڭ ىشىندە 193 مىڭ 887 ادام (98,1%) ء"يا, قولدايمىن. بۇگىنگىدەي قيىن-قىستاۋ كەزدە كرەديتتى كەشىرۋ ازاماتتارعا ۇلكەن كومەك بولار ەدى" دەگەن جاۋاپ نۇسقاسىن تاڭداسا, 3785 ادام (1,9%) "جوق, قولدامايمىن. سالىق تولەۋشىلەردىڭ ەسەبىنەن الدەكىمنىڭ نەسيەسىن جابۋعا قارسىمىن" دەگەن نۇسقانى بەلگىلەگەن.

 ؛

ساۋالناما قورىتىندىسى

وقىرمان تاۋداۋى وسىلاي بولدى.

ال نەسيە امنيستياسى جاسالا ما, جوق پا ول جاعى بەلگىسىز.

باستامانى كوتەرىپ جۇرگەن بەلسەندى جانبولات ماماي 100 مىڭعا تارتا ادامنىڭ قولىن تاپسىرعاننان كەيىن بيلىكتىڭ جاۋابىن ءبىر اي توساتىنىن ايتقان.

بەلسەندىنىڭ بۇل باستاماسىن قاراپايىم ازاماتتاردىڭ باسىم كوپشىلىگى قولداپ جاتقانىمەن, ەكونوميستەر مەن ساياساتتانۋشىلار مۇنداي قادامدى قۇپتاي بەرمەيدى.

ەكونوميست ماقسات حالىق كرەديتتى كەشىرۋ نارىقتىق ەكونوميكا زاڭدىلىعىنا قايشى ەكەنىن ايتىپ, "كرەديت كەشىرىلسىن دەۋ &ndash؛ قيسىنعا كەلمەيتىن تالاپ" دەپ اتاپ ءوتتى. ونىڭ سوزىنشە, ءار ازامات نەسيە العاندا, ونى وتەۋدى دە جاۋاپكەرشىلىگىنە الاتىندىقتان, قارىزدى الۋ بار جەردە, قايتارۋ دا بار.

ساياساتتانۋشى راسۋل جۇمالى كرەديتتى كەشىرۋدى تالاپ ەتۋ &ndash؛ پوپۋليزمگە جاقىن تۇسىنىك ەكەنىن جەتكىزسە, ەۋرازيالىق ينتەگراسيا ينستيتۋتىنىڭ ساراپشىسى سامات نۇرتازا كرەديت الاردا ەشكىمدى ماجبۇرلەمەيتىندىكتەن, قارىز العان ادام بەرەشەگىن قايتارۋى كەرەك ەكەنىن, كرەديتتى كەشىرۋگە قارسى ەكەنىن ايتتى.

حالىققا ادال قىزمەت پارتياسىن قۇرۋ بويىنشا باستاماشىل توپ جەتەكشىسى توعجان قوجاليەۆا كرەديتتى كەشىرۋ ازاماتتاردىڭ بولاشاعىنا, ەل ؛ەكونوميكاسىنا كەرى اسەر ەتەدى دەگەن پىكىردە. ول مامايدىڭ تالابىن "الەۋمەتتىك-ساياسي پوپۋليزم" دەپ سانايدى.

"دات" وپپوزيسيالىق باسىلىمىنىڭ جەتەكشىسى, جۋرناليست ەرمۇرات باپي "ازاماتتاردىڭ كرەديتىن كەشىرۋ تالابى &ndash؛ ەشقانداي دا پوپۋليزم ەمەس" دەگەندى ايتتى. ول مۇنى داعدارىس جاعدايىندا ءال-اۋقاتى تومەن الەۋمەتتىك توپتىڭ جاعدايىن شەشۋگە ارنالعان ارەكەت ەكەنىن, كرەديتتى كەشىرۋ بيلىك پەن بۇقارانى جاقىنداتا تۇسەتىنىن جەتكىزدى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر