وڭىردىڭ ءوندىرىس مەكەمەلەرى پاندەميامەن كۇرەستە قولداۋ كورسەتۋدە

وڭىردە كوروناۆيرۋستىق ينفەكسيا ىندەتىنىڭ تارالۋى باستالعالى وعان قارسى كۇرەستە ءوندىرىس مەكەمەلەرى قول ۇشىن بەرىپ كەلەدى. «؛ەرساي»؛ كومپانياسى دا ەل ءۇشىن قيىن ساتتە قاراپ قالمادى. ءساۋىر ايىندا كومپانيا قاراقيا اۋداندىق اۋرۋحاناعا تەپلوۆيزورلار, جەكە قورعانىش كيىمدەرى مەن دارى-دارمەكتەر تابىس ەتتى. سونداي اق, جۋىردا ماڭعىستاۋ وبلىستىق جانە قاراقيا اۋداندىق اۋرۋحانالارىنا بارلىعى 6 وتتەگى كونسەنتراتورى, 2 ەكگ اپپاراتى, 130 پۋلسوكسيمەتر, 10 وتتەگى جاستىقشاسى, 900 قورعانىش كيىمدەر, 7500 مەديسينالىق قولعاپتار, 1800 ءبىر رەتتىك مەديسينالىق بەتپەردەلەر, 1500 كن95 رەسپيراتور جەتكىزدى. سونداي-اق, كوروناۆيرۋس پەن پنەۆمونيانى ەمدەۋگە قاجەتتى 17 ءتۇرلى دارىدەن بارلىعى 9245 دانا ءدارى - دارمەك بەرىلدى.

تاپسىرىلعان مەديسينالىق زاتتار كوروناۆيرۋس پەن پنەۆمونيانىڭ اسقىنعان تۇرىمەن اۋىراتىن ناۋقاستار ءۇشىن ءبىرىنشى قاجەتتىلىكتەر. «؛بۇل ءبىز ءۇشىن ۇلكەن قولداۋ, سەبەبى اكەلىنگەن مەديسينالىق قۇرىلعىلار مەن دارى-دارمەكتەر كەز كەلگەن ۋاقىتتا ناۋقاس ازاماتتاردىڭ ءومىرىن ساقتاپ قالا الادى»؛ - دەدى قاراقيا اۋداندىق ورتالىق اۋرۋحانانىڭ باس دارىگەرى گۇلشارا بەگنياز.
سونىمەن قاتار, «؛ەرساي»؛ كومپانياسى بيزنەستىڭ الەۋمەتتىك جاۋاپكەرشىلىگى اياسىندا «؛وليمپ»؛ پتر تەست لابوراتورياسىنىڭ قۋاتتىلىعىن ارتتىرۋ ماقساتىندا قاجەتتى اۆتوماتتى جابدىقتى ساتىپ الۋ ءۇشىن قارجىلاي كومەك كورسەتۋ جونىندە شەشىم قابىلداپ, حالىقتىڭ الەۋمەتتىك تۇرعىدان وسال توپتارىن تەستىلەۋ ءۇشىن وتەۋسىز 10000 پتر تەست سىناماسىن بەردى. كومپانيا وكىلى ب.چينياەۆ الداعى ۋاقىتتا دا ىندەتپەن كۇرەسۋدە ءوڭىر تۇرعىندارى مەن مەديسينالىق مەكەمەلەرگە كومەك كورسەتۋدى جالعاستىراتىنىن جەتكىزدى.