"؛كەش قالمانى"؛ ءتىرى قالۋ ءۇشىن جازدىم"؛. جازۋشى تورعىننىڭ ەكىنشى كىتابى شىقتى

تورعىن جولداسبەكقىزى &ndash؛ جازۋشى, "اراشا", "كەش قالما" كىتاپتارىنىڭ اۆتورى. اۆتور قامشى تىلشىسىنە جاقىندا باسپادان شىققان "كەش قالما" كىتابى جايلى اڭگىمەلەپ بەردى.

جازۋشى روماندى وقىعاندار ءوز ومىرىنە اناليز جاسايتىنىن ايتتى.

&ndash؛ "كەش قالما" رومانىنىڭ ون شاقتى نەگىزگى كەيىپكەرى بار. 10 ءتۇرلى تاعدىر. 10 ءتۇرلى سەزىم. 10 ءتۇرلى كۇي, مىنەز. ءبىر عانا ماسەلەگە 10 ءتۇرلى كوزقاراس. ءار ادام سولاردىڭ بىرىنەن ءوزىن تابادى. سول كەيىپكەرمەن تانىسۋ ارقىلى وزىنە, ءوز ومىرىنە اناليز جاسايدى. مۇنى وسىدان ءتورت جىل بۇرىن شىعارمانى پاراقشامدا 25 بولىمگە ءبولىپ جاريالاعان كەزدە بايقادىم. رومان اركىمگە ءارقالاي اسەر ەتكەن. ءبىرى "شىعارما قايتپاس قايسارلىق جايلى, باسىما نە تۇسسە دە, جەڭىلمەۋىم كەرەك ەكەنىن ۇقتىم" دەيدى. ىلە-شالا ەكىنشىسى, ء"يا, ومىرمەن ارپالىسىپ, باقىتتان كەش قالعانشا, ءبىر ءسات جەڭىلە بىلگەن ءجون ەكەن" دەپ جاتادى. ءبىرى "ماحابباتتىڭ ءدامىن تاتتىم" دەسە, "ەكىنشىسى قىزعانىشتان ورتەندىم" دەيدى. ال كەي پىكىردى وقىپ, بەلگىلى ءبىر سيتۋاسياعا ءوزىمنىڭ ءبىر جاقتى عانا قاراپ كەلگەنىمدى ۇعامىن, &ndash؛ دەدى ول.

ونىڭ ايتۋىنشا, كىتاپتىڭ العاشقى نۇسقاسىندا قاتە كوپ بولىپتى.

&ndash؛ ءتورت جىل بۇرىن روماندى جازعان سوڭ رەداكتورعا اسىعىس تەكسەرۋگە جىبەردىم. رەداكتور شىعارمامدى العان سوڭ, ەكى ايداي جۇمىسقا كىرىسە الماي ءجۇردى. كۇتە الماي, كەرى قايتارىپ الدىم. سول كەزدە ول كىسى جاي عانا "نەگىزى, كىتابىڭنىڭ قاتەسى كوپ" دەپ قالدى. سول ءۇشىن العاشقى رەداكتورىما العىسىم شەكسىز. قازاق "باسى قاتتى بولسا, اياعى ءتاتتى بولادى" دەمەي مە؟ سوڭعى جىل شىعارمامدى قايتا-قايتا وقىپ, سول قاتەلەردى تاۋىپ, تۇزەۋمەن بولدىم, &ndash؛ دەيدى قالامگەر.

اۆتور كىتاپتى جازۋ بارىسىندا ەرەكشە كۇيدە بولعانىن جەتكىزدى.

&ndash؛ "كەش قالمانى" تەك ءتىرى قالۋ ءۇشىن, بويىمداعى قورقىنىش, وكىنىش پەن ۇرەيدەن ارىلۋ ءۇشىن جازا باستادىم. بىردە جىلاپ, بىردە كۇلىپ, بىردە قانىم قايناپ, بىردە سۇپ-سۋىق بوپ وزگەردىم. سول سەزىمدى كىتاپتىڭ ءون بويىندا قايتا ءسۇرىپ ءوتتىم. وسى ءساتتىڭ بارىندە ءوزىمنىڭ ءتىرى ەكەنىمدى ءبىلدىم. سول سەزىمدى وقىرمانىم دا تاتسا ەكەن دەگەن وي بولدى.

بىراز جىل بۇرىن بار جيعان قاراجاتىممەن كىتاپ شىعارماق بولىپ, سوڭىندا شىعىنعا ۇشىراعانمىن. قايتا مەنى قولداعان جاقىندار بولدى. ال وقىرماندارىم "سەن جاز, ءبىز وقيمىز" دەيتىن. وسىنداي التىن وقىرمانى بار مەن دە, "اراشا" مەن "كەش قالما" دا باقىتتى. سونداي-اق "كەش قالمانىڭ" شىعۋىنا ۇلكەن ۇلەس قوسقان ؛&ndash؛ قۇربىم ايكەرىم نۇقپاەۆا. باسپاعا قاتىستى بار شارۋانى ءوز موينىنا الىپ, كىتاپتىڭ ىشكى-سىرتقى ديزاينىن قۇرىپ جۇرگەن دە وسى قىز, &ndash؛ دەيدى ول.

اۆتور العاشقى كىتابى ءوز شىعىنىن ارتىعىمەن جاپقانىن, "كەش قالما" كىتابىنان دا ءۇمىتى زور ەكەنىن ايتتى.

&ndash؛ التى جىلدان بەرى الەۋمەتتىك جەلىلەردە اڭگىمەلەرىمدى تەگىن ءبولىستىم. ال ءبىر جىل بۇرىن قاراجاتىمدى جيناستىرىپ, دوستارىمنىڭ كومەگىمەن "اراشا" كىتابى شىقتى. قالامىم نانىما اينالعالى ءبىر جىل عانا بولدى. العاشقى كىتابىمنىڭ اقشاسى ءوز شىعىنىن جاپتى. تۇركيانىڭ ەكى قالاسىنا ەكى جاقىنىمدى ساياحاتقا جىبەرسەم دەگەن ارمانىم ورىندالدى. سونداي-اق "كەش قالمانى" شىعاراتىن قاراجاتتىڭ جارتىسىنا جۋىعىن جيناپ قويۋىما جەتتى. "كەش قالما" كىتابىنان دا ءۇمىتىم زور. جوسپارىم دا جوق ەمەس, &ndash؛ دەدى جازۋشى.

وقي وتىرىڭىز:

&diams؛ ؛تورعىن جولداسبەكقىزى: ادام اربادا وتىرسا دا مۇمكىندىگى شەكتەلمەيدى

 ؛