11 تامىز, 2020 news
azh.kz
گرەپپلينگتەن ازيا چەمپيونى اتىراۋلىق ەسەنبەك سيعۋاتوۆ جۇرەگىنەن وق جاراقاتىن الىپ, وقيعا ورنىندا جان تاپسىردى. بۇل تۋرالى ؛azh.kz حابارلادى.
وقيعا 9 تامىزعا قاراعان ءتۇنى قالا ماڭىنداعى دامبا مەن قۇرمانعازى اۋىلدارىنىڭ ماڭىندا بولعان.
وبلىستىق سپورت باسقارماسى الەۋمەتتىك جەلىدەگى پاراقشاسىندا مارقۇمنىڭ تۋىستارىنا كوڭىل ايتتى.
"تالانتتى جاس سپورتشى, گرەپپلينگ, قويان-قولتىق ۇرىس جانە دجيۋ-دجيتسۋ كۇرەستەرىنەن اتىراۋ وبلىسى قۇراما كومانداسىنىڭ مۇشەسى, جاسوسپىرىمدەر اراسىندا الەم جانە ازيا چەمپيوناتتارىنىڭ بىرنەشە دۇركىن جەڭىمپازى سيعۋاتوۆ ەسەنبەك توقسانبايۇلىنىڭ مەزگىلسىز قازا بولۋىنا بايلانىستى اتىراۋ وبلىسى سپورتتىق قوعامى اتىنان مارقۇمنىڭ وتباسى, تۋعان-تۋىستارىنا قايعىرىپ كوڭىل ايتامىز.
سالاۋاتتى ءومىر سالتىن بويىنا سەرىك ەتىپ, جاس تا بولسا الەمدىك دودالاردا وبلىسىمىزدىڭ, قالا بەردى ەلىمىزدىڭ نامىسىن ابىرويمەن قورعاعان ورەنىمىزدىڭ قازاسى تۋرالى قارالى حابار قابىرعامىزدى قايىستىردى. جاراتۋشى يەمىز اللا الدىنان جارىلقاسىن. سپورتشىمىزدىڭ جارقىن بەينەسى ەشقاشان ۇمىتىلمايدى" دەلىنگەن جەلىدەگى جازبادا.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر