getty
قىتايدىڭ ىشكى موڭعول پروۆينسياسىن بوبۋون وباسى شارپىپ, ەلدە ەكىنشى رەت كارانتين جاريالاندى. بۇل تۋرالى بريتانيالىق دەيلي ەكسپرەسس گازەتى جازدى.
پروۆينسيانىڭ بايانۋر قالاسىندا ەر ادام ولىمگە اكەلەتىن اۋرۋدى جۇقتىرعاننان كەيىن كوپتەگەن دەنە مۇشەلەرى جۇمىسىنىڭ بۇزىلۋىنان قايتىس بولعان. بيلىك ەر ادام قازا تاپقان سوڭ, اۋىل كارانتينگە جابىلعانىن مالىمدەگەن. بۇل سوڭعى بىرنەشە اپتا ىشىندە كارانتينگە الىنعان ەكىنشى اۋىل بولدى.
بايانۋرداعى بيلىك وكىلدەرى "قايتىس بولعان ادامنىڭ تۇرعىلىقتى جەرى جابىق, ال ەپيدەميولوگيالىق تەرگەۋ جۇرگىزىلىپ جاتىر. قازىرگى ۋاقىتتا ءبىزدىڭ قالامىزدا ادام وباسىنىڭ تارالۋ ءقاۋپى بار" دەپ مالىمدەدى.
وتكەن بەيسەنبىدە بۋبون وباسىنان تاعى ءبىر ادام قايتىس بولعان.
دەرەك ىرگەلەس باوتو قالاسىندا تىركەلگەن.
مامانداردىڭ تۇسىندىرۋىنشە, مۇنداي ەكسترەمالدى شارالاردىڭ سەبەبى ؛&ndash؛ بۋبون وباسى وتە جۇقپالى جانە ءجيى ءولىم كورسەتكىشى جوعارى.
قىتايدا تارالعان بۇل اۋرۋ جايلى دۇنيەجۇزىلىك دەنساۋلىق ساقتاۋ ۇيىمى (ددسۇ) "بۋبون وباسى ءولىم-جىتىمىنىڭ كوەففيسيەنتى 30 پايىزدان جوعارى, ەگەر ەمدەلمەگەن بولسا, 100 پايىزعا دەيىن بولادى" دەپ مالىمدەدى.
بۇعان دەيىن بۋبون وباسىنىڭ قىتاي مەن موڭعوليادا تارالىپ, ادامدار قايتىس بولعانى حابارلانعان. ورتا عاسىرلاردا 100 ميلليوننان استام ادامدى ومىرىنەن ايىرعان "قارا ءولىم" دەگەن اتپەن تانىمال بولعان بۋبون وباسى اقش-تىڭ كولورادو شتاتىندا دا ؛راستالعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر