ەكونوميست ماقسات حالىق: نەسيە كەشىرىلسىن دەۋ – قيسىنعا كەلمەيتىن تالاپ

4 تامىزدا قوعام بەلسەندىسى جانبولات ماماي اقورداعا نەسيە امنيستياسىن قولداعان 100 مىڭعا تارتا ادامنىڭ قولىن وتكىزگەن. 5 تامىزدا قامشى پورتالىندا جاريالانعان "قازاقستاندا كرەديتتى كەشىرۋدى قولدايسىز با؟" ساۋالناماسىنا داۋىس بەرىپ جاتقانداردىڭ سانى 150 مىڭنان استى. ولاردىڭ 98 پايىزى كرەديتىنىڭ كەشىرىلگەنىن قالايدى. الايدا قامشى تىلشىسىمەن سويلەسكەن ؛gsb uib بيزنەستى تالداۋ ورتالىعىنىڭ ساراپشىسى, ەكونوميست ماقسات حالىق كرەديتتى كەشىرۋ نارىقتىق ەكونوميكا زاڭدىلىعىنا قايشى ەكەنىن ايتتى.

&ndash؛ نەسيە كەشىرىلسىن دەۋ &ndash؛ قيسىنعا كەلمەيتىن تالاپ. بىرىنشىدەن, بۇل &ndash؛ نارىقتىق ەكونوميكا زاڭدارىنا ساي ەمەس. ءار ازامات نەسيە العاندا, ونى وتەۋدى دە جاۋاپكەرشىلىگىنە الادى. العان قارجى مىندەتتى تۇردە قايتارىلۋى كەرەكتىگىن ءبىلىپ, كەلىسىم-شارت جاسايدى. ياعني, قارىزدى الۋ بار جەردە, قايتارۋ دا بار, &ndash؛ دەيدى ول.

قارجىگەر امنيستيا جاريالاۋ ۇسىنىلىپ وتىرعان 4 ترلن تەڭگە كولەمىندەگى تۇتىنۋشىلىق نەسيە سوماسى قازاقستان ءۇشىن قوماقتى قاراجات ەكەنىن جەتكىزدى.

&ndash؛ بۇل ؛&ndash؛ وتە قوماقتى قاراجات. ماسەلەن, بىلتىر ۇكىمەت 500 مىڭنان استام ازاماتتىڭ 300 مىڭ تەڭگەگە دەيىنگى نەسيەسىن جاۋىپ بەردى. سول كەزدە 105 ملرد تەڭگەگە جۋىق قارجى جۇمسالدى. "جىل سوڭىنا دەيىن تاعى جابامىز" دەگەن. سونىڭ وزىندە بۇل ماقساتقا كەتەتىن قاراجات كولەمى 200 ملرد تەڭگەدەن اسپايدى. ەندى 200 ملرد تەڭگە مەن 4 ترلن تەڭگەنى سالىستىرىپ كورىڭىز.

تاعى ءبىر مىسال كەلتىرەيىن, ەلدە كوروناۆيرۋسپەن, كوروناۆيرۋس سالدارىنان بولىپ جاتقان داعدارىسپەن كۇرەسكە بيلىك 5,9 ترلن تەڭگە ءبولىپ وتىر. بۇعان ەل قازىناسىنا كاسىپكەرلەردەن تۇسۋگە ءتيىس سالىقتىق تولەمدەردىڭ سوماسى دا كىرگەن. كاسىپكەرلەر ەڭبەكاقى قورىنا اۋدارىلاتىن سالىقتان, جەكە تابىس سالىعىنان, باسقا دا الەۋمەتتىك اۋدارىلىمداردان قازان ايىنا دەيىن بوساتىلدى. قوسىمشا قۇن سالىعى مەن كورپوراتيۆتىك تابىس سالىعىن تولەۋ 3 ايعا شەگەرىلدى. سونداي-اق شاعىن جانە ورتا بيزنەستى قولداۋعا 1 ترلن تەڭگە ءبولىندى. سوندا تۇتىنۋشىلىق كرەديتتىڭ كولەمى داعدارىسقا قارسى كۇرەسكە بولىنگەن قاراجاتتىڭ جارتىسىنان اسىپ تۇر. بۇل اتالعان سومانىڭ وتە ۇلكەن ەكەنىن بىلدىرەدى.

ەل بيۋدجەتىنىڭ بيىلعى جالپى شىعىنى 14 ترلن تەڭگەنى قۇرايدى. ال امنيستيا جاريالاۋعا سۇرالعان سوما بيۋدجەتتىڭ ۇشتەن ءبىر بولىگىنە جۋىقتايدى. ەگەر ازاماتتاردىڭ نەسيەسى كەشىرىلەتىن بولسا, وندا الەۋمەتتىك تولەمدى جاساۋعا, زەينەتاقى تولەۋگە, قورعانىس, ءبىلىم, دەنساۋلىق سالالارىن قارجىلاندىرۋعا قارجى تاپشى بولۋى مۇمكىن, ؛&ndash؛ دەيدى ەكونوميست.

ماقسات حالىق كرەديتتى كەشىرۋ الەۋمەتتىك الالاۋدى تۋدىرۋى مۇمكىن دەپ سانايدى.

&ndash؛ بىلتىر كرەديتتى كەشىرگەندە "مەنىڭ ءۇش بالام بار, جاعدايىم قيىن, نەگە 4 بالاسى بارلاردىڭ كرەديتى كەشىرىلەدى دە, مەنىڭ كرەديتىم كەشىرىلمەيدى" دەگەنگە ساياتىن پىكىر كوپ بولدى. بۇل الەۋمەتتىك الالاۋدى, كەلىسپەۋشىلىكتى تۋدىرادى. نەسيەسىن جاۋىپ تاستاعان ازاماتتار "نەگە ءبىز نەسيەسىن تولەي الماعاندار ءۇشىن سالىق تولەۋىمىز كەرەك, ولار عانا قيىن جاعدايدا ما" دەۋى دە مۇمكىن. سونداي-اق بۇل قوعام ىشىندەگى اۋىزبىرشىلىكتىڭ سەتىنەۋىنە, نارازى توپتىڭ پايدا بولۋىنا اكەلىپ سوعۋى دا ىقتيمال, &ndash؛ دەپ اتاپ ءوتتى ەكونوميست.

ساراپشى نەسيەلىك بورىشى بار ازاماتتارعا كومەكتەسۋدىڭ ەڭ ءتيىمدى ءتاسىلى &ndash؛ ولاردىڭ تابىسىن ارتتىرۋ, سوندىقتان جۇمىسسىزدارعا ەكى قولعا ءبىر كۇرەك تاۋىپ بەرۋ كەرەك دەگەن پىكىردە.

&ndash؛ پروبلەمالىق كرەديتتەردىڭ كوبەيۋى ازاماتتار جالاقىسىنىڭ تومەن بولۋىمەن بايلانىستى. 2015 جىلدان بەرى قازاقستاندىقتاردىڭ تابىسى ازايعانى بايقالادى. سونىڭ سالدارىنان حالىقتىڭ ءومىر ءسۇرۋ دەڭگەيى ءتۇسىپ كەتتى دە حالىق تابىسىنىڭ كوپ بولىگىن ازىق-تۇلىككە جۇمسايدى. جەتپەگەن سوڭ بانكتەن, ميكروقارجى ۇيىمدارىنان قارىز الادى. سوندىقتان ەڭ ءبىرىنشى كەزەكتە مەملەكەت ازاماتتاردىڭ تابىسىن ارتتىرۋعا كۇش سالۋى كەرەك. قازىرگى جاعدايدا قازاقستانداعى ەڭ تومەنگى جالاقى 42 مىڭ 500 تەڭگە ەمەس, 70 مىڭ تەڭگە بولعانى ءجون. كەلەسى جىلى ونى 100 مىڭ تەڭگەگە دەيىن كوتەرگەن دۇرىس دەپ سانايمىن. سول كەزدە عانا حالىقتىڭ ءال-اۋقاتى جاقسارادى.

سونداي-اق مەملەكەت ؛بۇگىنگىدەي جاعدايدا قوسىمشا جۇمىس ورىندارىن اشىپ, جۇمىسسىز قالعان ازاماتتاردى باسقا ماماندىقتارعا قايتا وقىتۋ باعدارلامالارىن قولعا الۋى كەرەك. ال ازاماتتار قازىرگى جۇمىسىنان ايىرىلىپ قالماۋعا تىرىسقانى دۇرىس.

مۇنداي شاقتا كرەديتتى كەشىرۋ ۋاقىتشا ەففەكت بەرەدى. كرەديتى كەشىرىلگەن ازامات قولىنداعى قاراجاتپەن زات ساتىپ الىپ, ەكونوميكاداعى اينالىمعا ۇلەس قوسۋى مۇمكىن, ءبىراق بۇل ؛&ndash؛ ۋاقىتشا قۇبىلىس. ەرتەڭ ول ازاماتتار اقشاسى بىتكەندە تاعى نەسيەگە جۇگىنۋى عاجاپ ەمەس. سوندىقتان ۇكىمەت تابىسىنان ايىرىلىپ, قيىن جاعدايعا قالعان ازاماتتاردى الدىمەن جۇمىسپەن قامتىپ, سوسىن جۇمىس ونىمدىلىگىن ارتتىرۋعا كۇش سالۋى كەرك. ءار ازامات &ndash؛ ادامي كاپيتالدى قۇرايدى. ماماننىڭ ەڭبەك ونىمدىلىگى ارتقان سايىن ەكونوميكا وسەدى. سوندىقتان مەملەكەت ماماننىڭ بىلىكتىلىگىن ارتتىرۋعا جۇمىس ىستەۋى كەرەك. پروفەسسيونال ماماننىڭ تابىسى دا ارتادى, سايكەسىنشە الەۋمەتتىك جاعدايى دا كوتەرىلەدى.

بۇل تۇستا حالىقتىڭ قارجىلىق ساۋاتتىلىعىن ارتتىرۋ دا اسا ماڭىزدى. قارجىلىق تۇرعىدا وڭ-سولىن بىلەتىن ازامات ارتىق پايىز سالاتىن, الدايتىن مەكەمەلەردەن اۋلاق جۇرەدى. ءبىراق مۇنى مەملەكەتتىك دەڭگەيدە قولعا الىپ, قارجىلىق ساۋاتتىلىقتى ارتتىراتىن ۇلتتىق باعدارلاما ازىرلەۋ قاجەت. ول مەكتەپ باعدارلاماسىنا ەنگىزىلگەنى ءجون. بۇل رەتتە مالايزيانىڭ تاجىريبەسىنە سۇيەنۋگە بولادى, ؛&ndash؛ دەيدى ەكونوميست.