10 تامىز, 2020 شىعىس قازاقستان وبلىسى
اشىق دەرەككوز
سەمەيلىك بەس جاسار ءبۇلدىرشىن بوتا تالعات اباي قۇنانبايۇلىنىڭ ولەڭدەرىن جاتقا ايتىپ, اندەرىن ناقىشىنا كەلتىرىپ ورىندايدى.
جاس تالانت "بولاشاققا باعىت", "اسەمپاز بولما ارنەگە", "ونەرگە قانات قاققاندار" سياقتى رەسپۋبليكالىق بايقاۋلاردا مانەرلەپ وقۋدان توپ جارىپ, جەڭىمپاز اتاندى. ءسويتىپ, كورەرمەندەردىڭ قوشەمەتىنە بولەندى.
بوتانىڭ اناسى مەيىرىمنىڭ ايتۋىنشا, ؛قىزى ءۇش جاستان باستاپ ولەڭدەردى جاتقا ايتادى جانە ونىڭ كوركەم ادەبيەتكە دەگەن قىزىعۋشىلىعى جوعارى.
&ndash؛ بالام, العاش رەت اباي ەسكەرتكىشىن كورگەندە ۇلى اقىننىڭ كىم بولعانىن, حالىقتىڭ قۇرمەتىنە نەلىكتەن ەرەكشە بولەنگەنى تۋرالى سۇراپ, قىزىعۋشىلىق تانىتتى. "ول كىسى دە مەن سياقتى ولەڭدەردى جاتقا ايتتى ما؟" دەپ وزىمەن بىرگە ۇقساستىق ىزدەدى. بۇگىندە اقىننىڭ جيىرمادان استام ولەڭىن مانەرلەپ وقىپ, اندەرىن ورىندايدى. كۇندە ءبىر ولەڭىن جاتتاپ الادى, - دەدى مەيىرىم.
جاس تالانتتىڭ العا قويعان ماقساتتارى جەتەرلىك. ول بولاشاقتا انشىلىككە بەت بۇرعىسى كەلەدى. سونىمەن قاتار دارىگەر بولۋدى دا ارماندايدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر