10 تامىز, 2020 news

ارمان شوراەۆ: كولگىنوۆ جانە اتامقۇلوۆ, سەندەر پارازيتسىڭدەر (ۆيدەو)

فوتوكوللاج

مەدياكاسىپكەر, ۇلتتىق قوعامدىق سەنىم كەڭەسىنىڭ ەكس-مۇشەسى ارمان شوراەۆ facebook پاراقشاسىندا نۇر-سۇلتان قالاسىنداعى قابانباي باتىر كوشەسىن قايتا قۇرىلىمداۋعا جۇمسالاتىن 92 ملرد تەڭگە قارجىنىڭ تىم كوپ ەكەنىن, ول اقشاعا باسپاناسى جوق وتباسىلارعا ءۇي سالىپ بەرۋگە بولاتىنىن ايتتى. ونىڭ ايتۋىنشا, ەلوردا اكىمى التاي كولگىنوۆ پەن يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ اقشانى جەلگە شاشىپ وتىر.

شوراەۆ ءتورت جاتىن بولمە, اسحانا جانە تەراسسادان تۇراتىن جاڭا ءۇيدى تانىستىرىپ, بۇگىنگىدەي قيىن كەزدە جول قۇرىلىسىنا كەتەتىن اقشاعا شامامەن وسىنداي باسپانا سالىپ بەرگەن الدەقايتا دۇرىس بولاتىنىن جەتكىزدى.

ۇي قۇرىلىسىنا 33 مىڭ دوللار ياعني 13 ملن 860 مىڭ تەڭگەگە جۋىق قارجى كەتكەن.

ونىڭ سوزىنشە, ءۇيدى نەسيەگە بەرۋ ارقىلى مەملەكەت جۇمسالعان اقشانى ارتىعىمەن قايتارىپ الا الادى.

شوراەۆتىڭ دەرەگىن باسشىلىققا الساق, ەلورداداعى قابانباي باتىر كوشەسىن جوندەۋگە بولىنگەن 92 ملرد تەڭگەگە ءدال وسىنداي 6637 ءۇي سالۋعا بولادى ەكەن.

"قۇرمەتتى دوستارىم! وسى ءۇيدىڭ ءبىر شارشى مەترى 200 دوللار بولىپ شىقتى. سونىمەن, وسىنداي ءۇيدى باسىنان اياعىنا دەيىن سالۋ ءۇشىن, ءىشىن قاپتاۋ ءۇشىن 33 مىڭ دوللار قاراجات قاجەت. 92 ملرد تەڭگەنى كولگىنوۆ مىرزا, مينيستر اتامقۇلوۆ مىرزا ءبىر عانا الگى قوناقتارعا ارنالعان كوشەگە سالماقشى. ءبىزدىڭ ەلدە تاڭ قالاتىنىم بارلىعى قوناققا ارنالعان. قازبا بايلىقتى ءبىتىرىپ, ەندى جولدى دا قوناققا بەرەتىن بولدىق. كولگىنوۆ پەن اتامقۇلوۆ, سەندەر وڭباعان شوشقالارسىڭدار. ناعىز وسىنداي قيىن جاعدايدا قاراجاتتى ءبىر كوشەنى دۇرىستاۋ ءۇشىن جۇمساپ جاتىرسىڭدار. ودان قالدى ءلرت-نىڭ بيۋدجەتىن الساق, ءدال وسىنداي ۇيلەردەن قازاقستاننىڭ ءار وبلىسىنان 3000 ءۇي سالىپ, باسپاناسى جوق ادامداردى باسپانامەن قامتاماسىز ەتۋگە بولادى. سوندىقتان, اينالايىندار, ءبىلىپ جۇرىڭدەر. سەندەر پارازيتسىڭدەر, وڭباعان شوشقالارسىڭدار. كەزى كەلگەندە وسىنداي جوسىقسىز قيمىلدارىڭ ءۇشىن ادىلەتتى سوتتىڭ الدىندا ؛جاۋاپ بەرەسىڭدەر" دەلىنگەن ۆيدەودا.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر