تۇرمەدەن شىققان ەر ادام ايەلىن ۇرىپ, بالاسىن تۇنشىقتىرعان

الماتى وبلىسىندا ەر ادام ايەلىنە قول جۇمساپ, بالاسىن دارەتحانا سۋىنا تۇنشىقتىرعان. بۇل تۋرالى "نە مولچي" ۇيىمى ؛facebook جەلىسىندە حابارلادى.

ۇيىم مالىمەتىنشە, ەر ادام بىرنەشە كۇن بويى ايەلى مەن بالاسىنا ءجابىر كورسەتكەن. ول ايەلىمەن ءبىر جىلدان اسا ۋاقىت بىرگە تۇرعان. ءقازىر ءۇش ايلىق ۇلى بار. ايەلدىڭ ءبىرىنشى نەكەسىنەن 9 جانە 4 جاسار ۇلى بار. ؛

"3 تامىز كۇنى جابىرلەنۋشىنىڭ اناسى بىزگە قوڭىراۋ شالدى. نەمەرەسى اكەسىنىڭ ۇرعانىن ايتىپ, اناسىنىڭ سۋرەتىن جىبەرگەن. ؛ كۇيەۋى بالا-شاعاسىنىڭ ۇيالى تەلەفونىن تارتىپ الىپ, ۇيىنە ەشكىمدى كىرگىزبەي قويعان. ءتىپتى بالاسى ابايسىزدا پاتەردەگى كراندى سىندىرىپ العانى ءۇشىن سوققىعا جىققان. ول ايەلىن قورقىتۋ ۇشىن ؛كىشى بالاسىن دارەتحانا سۋىنا باتىرۋدان تايىنباعان. ايەلىنىڭ جانە ؛ۇلىنىڭ قابىرعالارى سىنعان, ميى شايقالعان. قازىرگى ۋاقىتتا ەكەۋى اۋرۋحاناعا جاتقىزىلدى" دەلىنگەن جەلىدەگى جازبادا.

جابىرلەنۋشىنىڭ ايتۋىنشا, مۇنداي كەلەڭسىز ءجايتتار بۇرىن دا قايتالانعان.

"ايەلى مەن بالا-شاعاسىن قانشا قورقىتسا دا وعان كەشىرىممەن قاراعان. بۇعان دەيىن كۇدىكتى ادام ءولتىرۋ فاكتىسىمەن 20 جىلداي تۇرمەدە وتىرعان. سودان ول ەشتەڭەدەن تايىنبايتىنىن جانە قورىقپايتىنىن جەتكىزدى" دەلىنگەن ۇيىم جازباسىندا.

اجەسىنىڭ ايتۋىنشا, 4 جاسار ۇلىنا وگەي اكەسى زورلىق-زومبىلىق كورسەتكەن. ءقازىر ودان اناليز ساراپتامالارى الىنۋدا. ؛

اتالعان وقيعا جايلى الماتى وبلىستىق پوليسيا دەپارتامەنتى "نە مولچي" ۇيىمى قىزمەتكەرلەرىنەن بىلگەن. بۇرىن جابىرلەنۋشى پوليسياعا ارىزدانباعان.

دەپارتامەنتتىڭ حابارلاۋىنشا, ؛1976 جىلى تۋعان كۇدىكتى ۇستالىپ, ۋاقىتشا ۇستاۋ يزولياتورىنا قامالعان. وعان قاتىستى قر قىلمىستىق كودەكسىنىڭ 110 بابى (كامەلەتكە تولماعان ادامعا قاتىستى ازاپتاۋ) بويىنشا سوتقا دەيىنگى تەرگەۋ جۇمىستارىن باستادى.