فوتو: ۇلتتىق قاۋىپسىزدىك كوميتەتى ءباسپاسوز قىزمەتى
قازاقستاننىڭ ۇلتتىق قاۋىپسىزدىك كوميتەتى ەل تاريحىنداعى ءىرى ەسىرتكى زەرتحاناسىنىڭ جويىلعانىن حابارلادى.
كوميتەتتىڭ حابارلاۋىنشا, ؛ 2020 جىلى 27 شىلدەدە ؛ۇلتتىق قاۋىپسىزدىك كوميتەتى الماتى قالاسىندا زەرتحانا جاعدايىندا ەسىرتكى وندىرىسىمەن اينالىسقان ەكى قازاقستاندىق ازاماتتى ۇستادى.
زەرتحانا مەن ۇستالعانداردى ءتىنتۋ كەزىندە قۇنى 1,5 ميللياردتى قۇرايتىن 55 كيلوگرامنان ارتىق "مەفەدرون" ەسىرتكى زاتى, ءىرى سوماداعى شەتەل ۆاليۋتاسى مەن اتىس قارۋى انىقتالعان. سونداي-اق ەسىرتكىنى ساپالى وندىرەتىن زەرتحانا جابدىقتارى مەن 30 كيلوگرام ەسىرتكى جاساۋعا جەتەتىن ءبىر تونناعا جۋىق ؛پرەكۋرسور مەن حيميالىق رەاگەنتتەر تابىلعان.
"ۇستالعان ادامدار تەرگەۋ يزولياتورىنا قامالدى. ەسىرتكى جاساۋ جانە وتكىزۋ فاكتىسى بويىنشا مۇلىكتى تاركىلەۋمەن 15 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيتىن قازاقستان قىلمىستىق كودەكسىنىڭ 297-بابىنىڭ ("ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ") 3-بولىگى بويىنشا قىلمىستىق ءىس قوزعالدى" دەلىنگەن حابارلامادا.
كۇدىكتىلەر باستاپقىدا جاسىرىن تۇردە ەسىرتكى ساتۋمەن ۇيىمداستىرعان. كەيىننەن تۇسكەن اقشاعا "ىلە-الاتاۋ ۇلتتىق پاركى" اۋماعىندا كوتتەدج ساتىپ الىپ, ونى جاسىرىن زەرتحاناعا اينالدىرعان.
ولار ساۋداسىن "darknet" سەكىلدى قۇپيا جەلى ارقىلى ءىرى ەسىرتكى دۇكەندەرىنە ساتۋ ارقىلى جاساعان. ؛ ؛ ؛
ۇستالعانداردىڭ ايتۋى بويىنشا, وندىرىلگەن ەسىرتكى قازاقستاندا تازالىعى مەن ساپاسى بويىنشا ۇقساسى بولماعاندىقتان, ءىرى قالالاردىڭ ساتىپ الۋشىلارى اراسىندا جوعارى سۇرانىسقا يە بولعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر