"؛ماڭگىلىك قازاقستان"؛ قوعامدىق قورى تۇزەۋ مەكەمەسىندەگى ازاماتتارمەن ونلاين كەزدەسۋ وتكىزدى

الماتى قالاسى قوعامدىق دامۋ باسقارماسىنىڭ قولداۋى اياسىندا "ماڭگىلىك قازاقستان" قوعامدىق قورى قىلمىستىق-اتقارۋ جۇيەسىندە مەرزىمىن وتەپ جاتقان سوتتالعاندارعا "باس بوستاندىعىنان ايىرۋ ورنىنان شىققان ادامداردى الەۋمەتتىك بەيىمدەۋدەگى ماسەلەلەردى شەشۋگە باعىتتالعان جوبانى" ونلاين تۇردە ۇيىمداستىرىپ بەردى.

3 جانە 6 تامىز ؛ كۇنى "ماڭگىلىك قازاقستان" قوعامدىق قورى الماتى قالاسىنىڭ قىلمىستىق-اتقارۋ جۇيەسى دەپارتامەنتىنە قاراستى ؛ لا 155/6 (كامەلەت جاسقا تولماعان سوتتالعاندار) مەكەمەسىندە جانە لا 155/8 مەكەمەسىندە ونلاين رەجيمدە ءىس-شارا وتكىزدى. اتالعان قوس شاراعا پسيحولوگ سەيىلبەك مىرزاباەۆ جانە زاڭگەر شىنتەكوۆا كامشات قاتىستى.

3 تامىز كۇنى وتكەن ونلاين ءىس-شارا كەزىندە پسيحولوگ سەيىلبەك مىرزاباەۆ سوتتالعاندارعا تۇزەۋ مەكەمەسىنەن بوساتىلعاننان كەيىن, قوعامعا بەيىمدەلۋ ءۇشىن پسيحولوگيالىق كومەك كورەستىلەتىنىن جەتكىزىپ, ولارعا پسيحولوگيا تۋرالى شاعىن تۇسىنىكتەمەلەر بەردى. ول جيىن بارىسىندا سوتتالعان جاسوسپىرىمدەرگە ارنايى دايارلاعان پرەزەنتاسياسىن كورسەتتى.

سول كۇنگى جيىندا زاڭگەر كامشات شىنتەكوۆا كامەلەت جاسقا تولماعان سوتتالعاندارعا بوساپ شىققاننان كەيىن قانداي قۇقىقتارعا يە بولاتىنى تۋرالى ايتتى.

"اتا زاڭدا سىزدەردىڭ ادام رەتىندەگى قۇقىقتارىڭىزدى قورعايدى. ادام ءومىرى بارىنەن قىمبات, ولاردىڭ قۇقىعىن شەكتەۋگە بولمايدى. وسىنىڭ بارلىعى كونستيتۋسيادا جازىلعان. ؛ سىزدەردىڭ ءومىر سۇرۋگە, ءبىلىم الۋعا جانە قوعامدا بەيىمدەلۋگە قۇقىقتارىڭىز بار. ەرتەڭ بوساپ شىققان سوڭ الدىعا ماقسات قويىڭىزدار. سول كەزدە قاتەلىك جاسامايسىزدار" دەدى زاڭگەر.

6 تامىز كۇنى بولعان ونلاين ءىس-شارا لا 155/8 مەكەمەسىمەن بىرلەسە وتىرىپ ءوتتى. باس بوستاندىعىنان ايىرىلعان ازاماتتارعا پسيحولوگ سەيىلبەك مىرزاباەۆ جانە زاڭگەر كامشات شىنتەكوۆا ءدارىس وقىدى.

تۇزەۋ مەكەمەسىندە مەرزىمىن وتەپ جاتقاندارعا زاڭگەر كامشات ەسماحانبەتقىزى دا بوستاندىققا شىققاننان كەيىنگى ءومىر تۋرالى ؛ قازاق جانە ورىس تىلىندە تۇسىندىرمە جۇمىستارىن جۇرگىزدى.

"تۇرمەدەن شىققان ادام مىندەتتى تۇردە قوعامنان الشاقتاپ كەتەتىنى بەلگىلى الايدا سول كەزەڭنەن ءوتىپ قالىپتى كەزەڭگە بەيىمدەلۋ اسا ماڭىزدى. وسى ماقساتتا ءبىزدىڭ مەملەكەت ءبىرشاتار ءىس- شارالاردى اتقارىپ وتىر. جۇمىسپەن قامتۋ ورتالىقتارىنا ءسىز ارىز تاستاساڭىز سىزگە جاسىڭىز بەن وقىعان ماماندىعىڭىزعا ساي قىزمەت تاۋىپ بەرەدى. وقىماساڭىز ارنايى وقۋ كۋرستارىنان وتەسىز. ءبىزدىڭ ماقساتىمىز بۇرىس جولعا قايتا تۇسىرمەي ازاماتتار مەن ازاماتشالاردى قالىپتى ومىرگە بەيىمدەۋ" دەدى زاڭگەر.

پسيحولوگ سەيىلبەك مىرزاباەۆ تۇزەۋ ورىندارىنداعى ازاماتتاردى ەمىن-ەركىن اڭگىمەگە شاقىردى. ول تاريحتا بولعان وقيعالاردى ايتىپ كونفەرەنسياعا قاتىسۋشى سوتتالعانداردى قىزىقتىرا ءتۇستى.

"كەزىندە ءبىر تۇزەۋ مەكەمەسىندە وسىنداي جيىن بولىپتى, سوندا سوتتالۋشىلار تەك ءبىر پسيحولوگتىڭ تۇسىندىرمە جۇمىستارىن وتكىزگەنىنقالايدى ەكەن. سەبەبى ول پسيحولوگ ادامداردان نەگە تۇرمەدە وتىرسىڭ دەپ ەمەس, كەرىسىنشە قاشان شىعاسىڭ دەپ باستاپ سۇراعان. تۇزەۋ مەكەمەسىندە وتىرعان ادامدارعا اڭگىمەنى وسىلاي باستاۋ كەرەك, سوندا ولارعا ۇنايدى" دەدى پسيحولوگ اڭگىمە بارىسىندا.

سونىمەن قاتار پسيحولوگ سوتتالعاندارعا تۇزەۋ مەكەمەسىنەن شىققان سوڭ قوعامعا بەيىمدەلۋ ءۇشىن كوپ ۋاقىتتىڭ كەرەك ەمەستىگىن, تەك العا قويعان ماقسات بولسا جەتكىلىكتى ەكەنىن ايتتى. ؛

"ماڭگىلىك قازاقستان" قوعامدىق قورى الداعى ۋاقىتتا دا ونلاين ءىس-شارالار وتكىزىپ, سوتتالعان ازاماتتار مەن ازاماتشالارعا پسيحولوگيالىق جانە زاڭدى تۇرعىدان كومەك بەرەتىن بولادى.