كورنەكى سۋرەت
بىز بەلگىلى ادامداردىڭ ەسىمىن اتاعاندا لاۋازىمىمەن, العان اتاعىمەن اتاعاندى جاقسى كورەمىز. بۇل ءۇردىستىڭ ەرتەدەن بەرى جالعاسىپ كەلە جاتقانى بەلگىلى. راس, بۇكىل حالىققا تانىمال كىسىلەردى ولاي اتاۋدىڭ ەشقانداي ابەستىگى جوق. ءبىراق ءبىزدى ويلاندىراتىنى &ndash؛ «؛شىنىمەن بارلىعى سول اتاققا لايىق پا؟»؛ دەگەن سۇراق.
بۇقارالىق اقپارات قۇرالدارىندا بولسىن, ادەتتەگى اۋىزەكى سوزدە بولسىن سول «؛مارتەبەلى اتاقتاردى»؛ ورىندى قولدانىپ ءجۇرمىز بە؟ ءجوندى-جونسىز, وڭدى-سولدى ارتىعىراق سىلتەپ جىبەرەتىن كەزدەرىمىز بولعان جوق پا؟ ويلاناتىن جاعداي!
«؛جۇلدىزدار»؛
وسى اتاۋ ايتىلعاندا ەسىمىزگە الدىمەن انشىلەر مەن اكتёرلەر ورالا كەتەتىنى شىندىق. «؛دۇرىس قوي, تىڭدارماندار مەن كورەرمەننىڭ رۋحاني الەمىنە ولشەۋسىز ءلاززات باعىشتاعان جاسامپازدار مەن ونەرپازداردى سولاي اتاعاننىڭ نەسى ايىپ؟»؛ &ndash؛ دەيتىن شىعارسىزدار. ءيا, سىزدەردىڭ بۇل پىكىرلەرىڭىزبەن تالاسسىز كەلىسەمىز. ءبىزدىڭ ايتايىق دەگەنىمىز &ndash؛ «؛جۇلدىزدار»؛ دەگەن اتاۋدى تەك انشىلەر مەن اكتёرلەرگە عانا مەنشىكتەپ بەرۋ اقيقاتقا قانشالىقتى جاقىن كەلەدى؟»؛ دەگەن وي عوي. سوندا ۇلتىمىزدىڭ رۋحانياتىنا تاۋسىلماس قازىنا قوسقان جازۋشىلارىمىز, حالىقتىڭ ساناسىنا نۇر بولىپ قۇيىلاتىن جاقۇت جىرلار جازعان اقىندارىمىز, كەرەمەت جاڭالىقتاردى جالپاق جۇرتقا جاريالاپ, ساياسي ساراپتامالار مەن قوعامدىق زەرتتەۋلەردى حالىق پەن بيلىككە قاتار جەتكىزىپ جۇرگەن مايتالمان جۋرناليستەرىمىز, الەمدى تامساندىرىپ مويىنداتقان, ەلىمىزدىڭ نامىس تۋىن اسقاقتاتا جەلبىرەتكەن ساڭلاق سپورتشىلارىمىز «؛جۇلدىز»؛ اتانۋعا لايىق ەمەس پە؟
«؛قوعام قايراتكەرى»؛
كەشەگى كەڭەستىك كەزەڭدە «؛مەملەكەت جانە پارتيا قايراتكەرى»؛ دەگەن مارتەبەلى اتاق تاۋەلسىز قازاقستان كەزىنەن باستاپ «؛مەملەكەت جانە قوعام قايراتكەرى»؛ دەگەن اتاۋعا وزگەرتىلگەنى بارىمىزگە ايان. ءيا, ەل ءۇشىن ايتا قالسىن ەڭبەك سىڭىرگەن جانە سول جولدى ومىرلىك ۇستانىمى ەتكەن, بۇكىل حالىق قۇرمەتتەگەن اسا ءىرى تۇلعالاردى «؛قوعام قايراتكەرى»؛ اتاۋدىڭ دۇرىس ەكەندىگىن ءبىز دە بىلەمىز.
دەيتۇرعانمەن, قانشا بيىك ورىنداردا لاۋازىم يەسى اتانسا دا, تۋىستارى مەن جەرلەستەرىنەن باسقا ەشكىم تانىمايتىنداردى «؛قوعام قايراتكەرى»؛ دەپ اسپەتتەي بەرگەن قانشالىقتى دۇرىس؟ ءتىپتى قازىرگى پارلامەنتىمىزدىڭ ماجىلىسىندە وتىرعان 107 دەپۋتتاتىڭ, 47سەناتوردىڭ, ءۇش قالا مەن 14 وبلىستى باسقارعان 17 اكىمنىڭ, 17 ءمينيستردىڭ, ۇكىمەتتىڭ جالپى قۇرامىنداعى 22 مانساپتىنىڭ, ت.ت. ساناپ ۇلگەرە المايتىن اگەنتتىك, كوميتەت, كورپوراسيا, ۇلتتىق كومپانيا باسشىلارىنىڭ بارلىعىن ايتەۋ مانساپتى بولدى عوي دەپ «؛قوعام قايراتكەرى»؛ اتاي بەرۋ قيسىنعا سىيا قويار ما ەكەن؟
شىركىن, بيلىك باسىندا جۇرگەن تۋىستارىمىزدىڭ تۇگەلگە جۋىعى «؛قايراتكەر»؛ بولا السا, قازاقتىڭ باقىتى اسپانداپ كەتەر ەدى عوي! ساليقالى جينالىستاردا ۇيىقتاپ كەتەتىندەر, مانداتى اياقتالعانشا ء«؛ماۋ»؛ دەمەيتىندەر, ورىنباسارلارى مەن قىزمەتكەرلەرى ءىستى بولىپ ۇستالىپ جاتسا دا ءمىز باقپاي وتىرا بەرەتىندەر, ءوزى تۋعان حالقىنىڭ تىرلىك تىنىسىنان مۇلدە بەيحابارلار, وزدەرىن «؛كىشى قۇداي»؛ سانايتىندار «؛قايراتكەر»؛ اتانۋعا لايىق پا؟
كۇندىز-تۇنى كىرپىك ىلمەي قاجىرلى ەڭبەك ەتىپ جۇرگەن ديقان-مالشىلارىمىزدى, مەملەكەتكە, حالىققا تولاعاي تابىستار سىيلاعان كەنىشتى كەنشىلەرىمىزدى, زاۋىت-فابريكالار مەن كەشەندى, كەمەلدى جوبالار جاساپ حالىقتىڭ يگىلىگىنە جاراتقان ساۋلەت-قۇرىلىستىڭ مايتالمان ماماندارىن نەگە «؛قوعام قايراتكەرلەرى»؛ دەپ اتاي المايمىز؟!
«؛زيالى قاۋىم وكىلدەرى»؛
ۇرپاقتار ساناسىنا ولشەۋسىز ءبىلىمنىڭ شۋاعىن توككەن جانكەشتى پەداگوكتار, اۋرۋعا مەدەت, اجالعا اراشا بولعان بىلىكتى دارىگەرلەر, اقيقاتتىڭ اق تۋىن جەلبىرەتىپ, قارا قىلدى قاق جارعان قۇقىق قورعاۋشىلار (سوت, پروكۋراتۋرا, ادىلەت, پوليسيا قىزمەتكەرلەرى), قارۋلى كۇشتەر سالاسىنداعى ەڭبەگى ەرەن اسكەريلەر, قورشاعان ورتا مەن تابيعات جاناشىرلارى, ادال كاسىپپەن شۇعىلدانىپ ەل قازىناسىنا قىرۋار سالىق تولەپ, مەملەكەت پەن حالىقتىڭ وركەندەۋىنە ۇزدىك ۇلەستەر قوسىپ كەلە جاتقان ارى تازا, قولى تازا كاسىپكەرلەرىمىز نەگە «؛زيالى قاۋىم وكىلدەرى»؛ بولا المايدى؟ اكادەميالىق ءبىلىم قابىلەتىن دۇنيەجۇزىنىڭ ۇزدىك ماماندارى مويىنداعان ءار سالانىڭ عالىمدارى ناعىز «؛زيالى قاۋىم وكىلدەرى»؛ ەمەس پە؟!
«؛اكادەميكتەر»؛
«؛اكادەميك»؛ اتاۋى &ndash؛ عىلىم مەن ءبىلىمنىڭ ەڭ شىرقاۋ شىڭى. ول دەڭگەيگە جەتەتىندەردىڭ سانى دا ونشا كوپ بولمايدى. وسى مارتەبەلى اتاق ادامزات عىلىمىنا تاڭعاجايىپ جاڭالىق اكەلگەن الەم مويىنداعان كەمەڭگەرلەرگە عانا بەرىلەدى. ال, ءقازىر شە؟
بىزدىڭ ەلدە پروفەسسورلار مەن دوكتورلاردىڭ قاتارى از ەمەس, كوپ ەكەن. كەيدە تەلەديداردى قاراپ وتىرساق, ەشكىم بىلمەيتىن عىلىمي اتاق يەلەرىن بايقاپ قالامىز. «؛بۇل كىسى ۇلكەن عالىم بولعانىمەن ءوزىن-وزى جارنامالاي بەرمەيتىن, تەك قانا عىلىمي زەرتتەۋمەن اينالىسقان ءبىرتوعا كىسى بولعان شىعار»؛ دەپ ينتەرنەتتەن ىزدەي باستاساق, الىپ بارا جاتقان عالىم ەمەستىگىن بىلگەندە قايران قالامىز.
دال قازىرگى كەزدە بەلگىلى توپتار, ورتالىقتار, قوعامدىق بىرلەستىكتەر مەن ۇيىمدار دا ءتۇرلى اتاقتاردى قارشا بوراتىپ ۇلەستىرىپ جاتىر. اتاۋلارىنىڭ ءوزى قانداي؟ كەيدە مەملەكەتتىك ناگرادالاردىڭ ءوزىن تاسادا قالدىرىپ كەتەتىندەي. قانداي اتاق كەرەك, ءبارى بار. تەك جارناسىن (اقىسىن) تولەسەڭىز بولعانى. ءبىراق بۇل جاساندى مارتەبەلەرىڭىزدىڭ بارلىعىن مەملەكەت مويىندامايدى. تەك قانا كۋالىك پەن توسبەلگىڭىزدى قاناعات تۇتاسىز, ەلگە ماقتانا كورسەتۋگە جاراپ تۇر, بار بولعانى سول.
بىر عانا دالەل كەلتىرەيىك. بىرنەشە جىلدىڭ الدىندا موڭعولدىڭ ءبىر پىسىق جىگىتى «؛حالىقارالىق شىڭعىسحان اكادەمياسىنىڭ»؛ ليسەنزياسىن العان كورىنەدى. كەڭسەسى موڭعوليا استاناسى &ndash؛ ۇلانباتىردىڭ شەتىندەگى ەكى جارىم بولمەلى ءۇي, ازىراق جالاقىمەن ساۋاتتى قىزمەتكەر كەزەكشى بولىپ وتىرادى. ءسىز وسى اتاقتى قاتتى قاجەت ەتسەڭىز ءومىربايانىڭىز بەن قوسا 2000 اقش دوللارىن جىبەرسەڭىز بولعانى, «؛حالىقارالىق شىڭعىسحان اكادەمياسىنىڭ اكادەميگى»؛ بولىپ شىعا كەلەسىز. ءبىر قىزىعى ءبىزدىڭ ءبىراز ازاماتتارىمىز وسى جالعان اتاقتى مالدانىپ ءجۇر. بىلەتىندەر كۇلەدى, بىلمەيتىندەر الدانىپ جۇرەدى. مۇنداي ءۇردىس حالىقارالىق ۇيىمدار مەن ەلىمىزدەگى قوعامداردىڭ تابىس جولىنا اينالىپ كەتكەن. ءبىزدىڭ ايتايىق دەگەنىمىز &ndash؛ ناعىز مارتەبە مەن جالعان اتاقتى شاتاستىرىپ الماڭىز دەگەن شاعىن اڭداتپا.
p.s. ءبىز ەشكىمنىڭ اتاق-مارتەبەسىن, مانساپ-لاۋزىمىن قىزعانۋدان مۇلدە اۋلاقپىز جانە ول ءبىزدىڭ ارمان-مۇراتىمىز دا ەمەس. باياعىداعى بابالارىمىز ايتقانداي «؛جالعان دۇنيەگە»؛ بوي ۇرا بەرمەيىك دەگەن ىزگى نيەت قانا.
قۇرمەتتى وقىرمان! ارتىعىراق كەتكەن جەرىمىز بولسا كەشىرىڭىزدەر! ولقى تۇستارىمىزدى تولىقتىرىپ جىبەرەرسىزدەر دەگەن ۇمىتتەمىز...
تورتكەن قىزىلجار
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر