• usd 468.56

  • eur 497.56

  • rub 7.3

  • cny 67.18

29 ناۋرىز, 19:35:38
الماتى
+35°

تارتىپ ساقشىلارى قوعامدىق ورىنداردا مەديسينالىق ماسكا تاعۋ مىندەتتى ەكەنىن ەسكەرتەدى, دەپ حابارلايدى نۇر-سۇلتان اكىمدىگىنىڭ رەسمي سايتى.

ەلوردانىڭ باس مەملەكەتتىك سانيتار دارىگەرىنىڭ بۇيرىعىنا سايكەس, ۇيدەن شىققاندا مەديسينالىق ماسكا تاعۋ مىندەتتى. بۇل اۋرۋدىڭ الدىن الۋ ءۇشىن جاسالادى. قۇقىق بۇزۋشىلارعا 30 اەك نەمەسە 79 530 تەڭگە ايىپپۇل سالىنادى.

&ndash؛ ءبىرىنشى كەزەكتە پوليسيا الدىن-الۋ جۇمىستارىنا كوڭىل بولەدى. ادام كوپ جەرلەردە, ساياباقتاردا, سكۆەرلەردە, قوعامدىق كولىكتەردە ءتۇسىندىرۋ جۇمىستارىن جۇرگىزىپ, ازاماتتارعا ماسكا تاعۋدى ۇسىنامىز. ەگەر ادام كوپ ورىنداردا ماسكا تاقپاسا اكىمشىلىك جاۋاپكەرشىلىككە تارتىلادى. ءبىرىنشى كەزەكتە ءبىز ءتارتىپ بۇزۋشىلارعا قاتىستى الدىن-الۋ شارالارىن قولدانامىز, &ndash؛ دەيدى قالالىق پوليسيا دەپارتامەنتىنىڭ رەسمي وكىلى دانيار ورالوۆ.

سوندىقتان حالىقتىڭ دەنساۋلىعىن ساقتاۋ, كوروناۆيرۋس ينفەكسياسىنىڭ الدىن الۋ جانە بولدىرماۋ ءۇشىن ازاماتتار مەديسينالىق ماسكا تاعۋى كەرەك.

وز كەزەگىندە, ەلوردا تۇرعىندارىنا بليس-ساۋالناما كورسەتكەندەي, رەسپوندەنتتەردىڭ كوپشىلىگى ماسكا قورعانىس رەتىندە قاجەت ەكەنىنە جانە ونى جابىق عيمارات ىشىندە كيۋ كەرەك ەكەنىنە سەنىمدى.

&ndash؛ مەنىڭشە, سىرتتا ماسكا تاعۋ قاجەت ەمەس, ويتكەنى تازا اۋا ودان دا ماڭىزدى. ءيا, جابىق عيمارات ىشىندە الەۋمەتتىك قاشىقتىق ساقتاۋ, ماسكا تاعۋ كەرەك, ءبىراق كوشەدە مىندەتتى ەمەس, &ndash؛ دەيدى قالا تۇرعىنى.

&ndash؛ مەن جاعالاۋدا, ادام كوپ ەمەس جەردە تازا اۋامەن دەم الۋ ءۇشىن ماسكانى شەشەمىن. مەندە ۆيرۋس بولۋى مۇمكىن عوي, سوندىقتان ادامدار اراسىندا ماسكا تاعىپ جۇرەمىن, ؛&ndash؛ دەيدى تاعى ءبىر ەلوردا تۇرعىنى.

ەستەرىڭىزگە سالا كەتەيىك, جابىق, قوعامدىق ورىنداردا, حالىققا قىزمەت كورسەتۋ ورتالىقتارىندا, دۇكەندەر مەن ءدارىحانالاردا, مەديسينالىق مەكەمەلەردە ماسكا تاعۋ مىندەتتى.

&ndash؛ ماسكا تاعۋ covid-19 ينفەكسياسىنىڭ الدىن الۋ ءۇشىن وتە ماڭىزدى. ماسكا تاعۋدىڭ دۇرىس ءتارتىبىن ساقتاۋ كەرەك جانە ءار ەكى ساعات سايىن اۋىستىرۋ قاجەت, &ndash؛ دەپ تۇسىندىرەدى تەراپەۆت ازيزا الدانباەۆا.

ەسكە سالايىق, قازاقستاندا كارانتين رەجيمى 17 تامىزعا دەيىن ۇزارتىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر