نەيروحيرۋرگ-دارىگەر اسەت قىدىروۆ
تۇركىستان وبلىسىندا مي تامىرى زاقىمدالعان جۇكتى ايەل امان قالدى. ناۋقاس كەلىنشەك وبلىستىق كلينيكالىق اۋرۋحاناعا يشەميالىق ينسۋلت دياگنوزىمەن اۋىر حالدە جەتكىزىلگەن بولاتىن.
تۇركىستان قالاسىنىڭ 36 جاستاعى تۇرعىنى ايجان سۇلەيمەنوۆا جۇكتىلىكتىڭ 10-شى اپتاسىندا. ميىنىڭ قان تامىرى زاقىمدالىپ, ومىرىنە ءقاۋىپ تونگەن ناۋقاسقا دارىگەرلەر شۇعىل تۇردە وتا جاساعان. ءقازىر جاس كەلىنشەك پەن قۇرساقتاعى بالانىڭ ومىرىنە تونگەن ءقاۋىپ سەيىلگەن. وعان ەكى ساعات بويى وتا نەيروحيرۋرگ-دارىگەر اسەت قىدىروۆ ومىرىنە اراشا بولىپ, كاسيبى بىلىكتىلىگىن دالەلدەدى.
دارىگەردىڭ ايتۋىنشا, ينسۋلت اۋرۋى قازىرگى تاڭدا جاستار اراسىندا دا ءجيى كەزدەسۋدە. باستىسى وتادان كەيىن دە دارىگەر نۇسقاۋلارىن بۇلجىتپاي ورىنداۋ قاجەت. ءوز كەزەگىندە جاس كەلىنشەكتىڭ اق حالاتتى جاندارعا العىسىن جاۋدىرۋدا.
«؛قول-اياعىم ىستەمەي, وتە اۋىر حالگە ءتۇسىپ قالدىم. وسى اۋرۋحاناعا كەلىپ, ەمىمە شيپا تاپتىم. دارىگەرلەرگە شەكسىز العىس ايتامىن»؛, - دەدى ايجان سۇلەيمەنوۆا.
ساتتى وتا اۋرۋحانانىڭ وسىدان ءۇش جىل بۇرىن اشىلعان رەنتگەندىك حيرۋرگيا بولىمىندە جاسالدى. اتالعان بولىمدە زاماناۋي مەديسينالىق رەنتگەن اپپاراتنى قولدانۋ ارقىلى باس مي تامىرلارىنىڭ زاقىمدالۋىندا, جۇرەك, قاتەرلى ىسىك پەن ۋرولوگيالىق جانە باسقا دا اۋرۋلارعا بايلانىستى 30-عا جۋىق وتا ءساتتى جۇزەگە اسىرىلعان
بيىلدان باستاپ ءتىپتى جۇرەك قان تامىرلارىندا كوروناگرافيا مەن ستەندتەۋ ادىسىمەن وتا جاساۋ قولعا الىنعان. جىل باسىنان بەرى بىلىكتى دارىگەرلەر قۇرامى 360 ءساتتى وتا جاساپ, تالاي جاننىڭ ءومىرىن ساقتاپ قالعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر