02 تامىز, 2020 ساياسات

دەنساۋلىق ساقتاۋ ۆيسە-مينيسترى ولجاس ابىشەۆ قاماۋعا الىندى

فوتو: kapital.kz

ەكس-دەنساۋلىق ساقتاۋ ۆيسە-مينيسترى ولجاس ابىشەۆ بيۋدجەت اقشاسىن جىمقىردى دەگەن كۇدىكپەن قاماۋعا الىندى. بۇل تۋرالى قارجى مونيتورينگى كوميتەتى حابارلادى.

"قر قارجى مينتيسترلىگى قارجى مونيتورينگى كوميتەتىنىڭ ەكونوميكالىق تەرگەۋ قىزمەتكەرلەرى دەنساۋلىق ساقتاۋ ۆيسە-مينيسترى ولجاس ابىشەۆتى ۇستاعانىن راستايدى. ول بيۋدجەت قارجىسىن جىمقىردى دەگەن كۇدىككە الىنعان. قىلمىستىق-پروسەستىك كودەكستىڭ 201-بابىنا سايكەس, سوتقا دەيىنگى تەرگەپ-تەكسەرۋ دەرەكتەرi جاريا ەتىلمەيدى" دەلىنگەن كوميتەت تاراتقان اقپاراتتىق حابارلامادا.

بۇعان دەيىن بەيسەنبىدە ولجاس ابىشەۆ دەنساۋلىق ساقتاۋ ۆيسە-مينيسترى قىزمەتىنەن بوساتىلعان.

ۇزاماي ؛yedilov online تەلەگرام كانالىندا "ولجاس ابىشەۆ ۇستالدى" دەلىنگەن ۆيدەو تاراعان.

شەنەۋنىك مينيسترلىكتە سيفرلاندىرۋ جانە اقپاراتتىق قاۋىپسىزدىك ماسەلەلەرىنە جاۋاپتى بولعان.

ىلمەك سوزدەر: ولجاس ابىشەۆ قامالدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر