ەرجان قىپشاقباەۆ &ndash؛ قىزىلوردا وبلىسى ارال قالاسىنىڭ تۋماسى. جاسى 25-تە. وسى ۋاقىتقا دەيىن ءار جۇمىستىڭ باسىن شالعان ول ءقازىر الماتىدا "glovo" جەتكىزۋ سەرۆيسىنىڭ سەرىكتەسى, ياعني كۋرەر بولىپ جۇمىس ىستەيدى.
ەرجان 9-سىنىپتى بىتىرگەن سوڭ اقتوبە قالاسىنا وقۋعا ءتۇستى. ءتورت جىل كوللەدجدە وقىدى. ونى ءتامامداعان سوڭ الماتىداعى قازاق باس ساۋلەت-قۇرىلىس اكادەمياسىنىڭ ستۋدەنتى اتاندى. الايدا قىزىعۋشىلىعى بولماي, وقۋدى ورتا جولدان تاستاپ كەتكەن.
؛
&ndash؛ قازاق باس ساۋلەت-قۇرىلىس اكادەمياسىندا ساۋلەتشى ماماندىعىنىڭ اقىلى بولىمىندە وقىدىم. جالپى ءوزىم ۇناتقان دۇنيەمەن اينالىسۋعا تىرىسامىن. سوندا ءىستى بار ىنتامەن جاسايسىڭ. اكادەمياداعى وقۋ ۋاقىت وتە جالىقتىرا باستادى. جالعاستىرۋعا ىنتام بولماي, 1-كۋرستان كەيىن وقۋدان شىعىپ كەتتىم. مۇنىما وقىتۋشىلارىم تاڭىرقاي قارادى. ويتكەنى مەن توپتاعى جاقسى وقيتىن ستۋدەنتتەردىڭ ءبىرى ەدىم, &ndash؛ دەيدى ول.
وقۋدان شىعىپ قالعان ەرجان كەزدەسكەن كەز كەلگەن جۇمىستى ىستەگەن. ءوزىنىڭ سوزىنشە, جۇمىس تالعامايدى.
&ndash؛ وسىعان دەيىن مەيرامحانالاردا داياشى بولدىم. kfs-دە ىستەدىم. قۇرىلىسقا ارالاسقان كەزدەر دە بار. ەشقانداي جۇمىستان قاشپايمىن, كەرىسىنشە الدىمنان شىققان تىرلىكتىڭ بارلىعىنا ىستەپ كورگىم كەلەدى. ال glovo-دا ىستەپ جاتقانىما 7-8 اي بولدى. بۇل جاقتا اقشانى كۇندەلىكتى بەرىپ وتىرادى. سول جاعى ءتيىمدى. باسقا سەرۆيستەردى تاڭداماۋ سەبەبىم دە سول. كۇنىنە ەڭ كوبى 11 ساعات ىستەۋگە بولادى. جۇمىس كەستەسىن ءوزىڭ تاڭدايسىڭ. مەن ىستەپ جاتقان كومپانيا ءبىر جىلدىڭ ىشىندە "chocofood", "ياندەكس ەدا" سەكىلدى جەتكىزۋ سەرۆيستەرىن باسىپ وزدى. بۇل ماقتانارلىقتاي دۇنيە, &ndash؛ دەيدى كۋرەر.
ەرجان الەۋمەتتىك جەلىدە وتە بەلسەندى. ءوزىنىڭ جۇمىسى مەن قىزىقتى ساتتەرىن ۇزدىكسىز instagram پاراقشاسىنا سالىپ وتىرادى. كۋرەر قىزمەتىنىڭ قانشالىقتى قىزىقتى ەكەنىن بارلىعى بىلگەنىن قالايدى.
؛
&ndash؛ ءقازىر مەندە ەكى پاراقشا بار. بىرىنشىسىنە ماعىنالى ۆيدەولاردى, تاربيەلىك ءمانى بار دۇنيەلەردى جۇكتەپ وتىرامىن. ەكىنشىسى ءوزىمنىڭ جەكە پاراقشام. ول جەردە جۇمىس تۋرالى جازام. نەگە ەكەنىن كوپ ادام ءوزىنىڭ كۋرەر بولىپ جۇمىس ىستەيتىنىن اشىپ ايتا بەرمەيدى. مەن "ەگەر قانداي دا ءبىر جۇمىسقا كىرەتىن بولسام, instagram جەلىسىندە سول تۋرالى ايتىپ وتىرامىن" دەپ بۇرىننان ويلاپ ءجۇرتىنمىن. الەۋمەتتىك جەلىدە جۇمىسىن كورسەتە وتىرىپ تانىمال بولىپ كەتكەن قاساپشىلار بار. مەن دە سول سەكىلدى وزىمە قىزىق دۇنيەنى جەلىدەگى پاراقشامدا ءبولىسىپ وتىرامىن. كۋرەردىڭ جۇمىسى قىزىقتى ەكەنىن باسقالار دا بىلسە دەيمىن. قىستا تاپسىرىستى جاياۋ ورىندايتىنمىن. تاماقتى سۋىتىپ الماۋ ءۇشىن تەزىرەك جۇرۋگە تۋرا كەلەدى. جۇمىس بارىسىندا كوپتەگەن تانىمال ادامدارمەن جولىعامىز. بىردە ساكەن مايعازيەۆ اعامىزبەن كورىسىپ قالدىم. ول كىسى سونداي قاراپايىم ەكەن. ەكەۋىمىز ءبىراز اڭگىمەلەستىك. مەن قانداي دا ءبىر بەلگىلى ادامدى كورسەم, بىردەن سويلەسىپ كورەمىن. ماعان اداممەن ارالاسقان ۇنايدى. بۇل ارەكەتىم ءۇشىن ۇيالمايمىن, &ndash؛ دەيدى ول.
؛
ەرجاننىڭ سوزىنشە, كارانتين كەزىندە, ەلدىڭ ءبارى ۇيدە وتىرعاندا جەتكىزۋشىلەردىڭ جۇمىسى قىزا تۇسكەن.
&ndash؛ باسىندا جاياۋ جۇرسەم, ارتىنان ەكى ۆەلوسيپەد ساتىپ الدىم. كەيىنىرەك موپەدكە كوشتىم. ءقازىر سونىمەن جۇمىس ىستەيمىن. العاشقى كەزدە ەكى اپتادا 60 مىڭ تەڭگە تاپقانمىن. كەيىن الدىما "ودان دا كوپ تابام" دەگەن ماقسات قويدىم. كارانتين كەزىندە بارلىق كۋرەرلەر جاقسى اقشا تاپتى. مەن دە توقتاماي جۇمىس ىستەدىم. ايىنا 500-600 مىڭ تەڭگە تاپتىم. ءقازىر بۇل جۇمىس مەنىڭ باستى تابىس كوزىمە اينالدى ودان بولەك موپەد مايلارىن كوتەرمە باعامەن الىپ, ساتامىن. بۇيىرتسا قاراجات باسىن بىرىكتىرىپ, كولىك ساتىپ الماق وي بار, &ndash؛ دەيدى قىپشاقباەۆ.
ەرجان ارالدا جۇرگەندە قايىرىمدىلىقپەن اينالىسىپ, مۇقتاج جاندارعا قول ۇشىن سوزعان.
&ndash؛ قىزىلوردادا جۇرگەنىمدە الەۋمەتتىك جەلىدەن پاراقشا اشىپ, ماعىنالى ۆيدەولار سالا باستادىم. ۋاعىزدار, قاناتتى سوزدەر دەگەندەي. كەيىننەن سول ۆيدەولاردى بولىسەتىن ادامداردىڭ سانى ارتىپ, وقىرمان جينالا باستادى. ءقازىر پاراقشامدا 100 مىڭداي وقىرمان بار. ارال قالاسىندا جۇرگەنىمدە جاعدايى جوق وتباسىلار پاراقشاما جازىپ كومەك سۇرايتىن. مۇقتاج جانداردىڭ ۇيىنە بارىپ, كومەككە ءزارۋ ەكەنىنە كوز جەتكىزسەك, وقىرمانمەن بىرگە قاراجات جيناپ بەرەتىنبىز. ارىس قالاسىندا جارىلىس بولعان كەزدە دە قولدان كەلگەنشە كومەكتەسۋگە تىرىستىق. ءقازىر پاراقشا جۇمىسى توقتاپ تۇر. بار ويىم جۇمىستا بولعان سوڭ الەۋمەتتىك جەلىگە قاراۋعا ۋاقىت تاپشى, &ndash؛ دەيدى ەرجان.
پىكىر قالدىرۋ
پىكىر