• usd 468.56

  • eur 497.56

  • rub 7.3

  • cny 67.18

29 ناۋرىز, 09:12:28
الماتى
+35°

قازاقستان قوعامىندا ءجيى رەزونانس تۋعىزاتىن وقيعالاردىڭ ءبىرى ؛&ndash؛ كامەلەت جاسىنا تولماعانداردىڭ سەكسۋالدى زورلىق-زومبىلىققا ۇشىراۋى. سوڭعى رەت ؛23 شىلدەدە قاراعاندى وبلىسى ساتباەۆ قالاسىندا 5 جاسار بالانىڭ جوعالىپ, بىرنەشە ساعاتتان سوڭ ەرەسەك ەر ادامنىڭ پاتەرىنەن تابىلعانى قوعامدا شۋ تۋعىزدى. ؛infopublic.pravstat.kz ؛سايتىنداعى دەرەك بويىنشا, ەلدە 2020 جىلدىڭ العاشقى التى ايىندا كامەلەتكە تولماعاندارعا سەكسۋالدى زورلىق جاساعانى ءۇشىن 197 ادام سوتتالعان. ال 2015 جىلدان بەرى ەسەپتەگەندە 1868 ادام قىلمىستىق جاۋاپكەرشىلىككە تارتىلعان. ؛

قوعامدا ؛كامەلەت جاسىنا تولماعاندارعا جىنىستىق زورلىق جاساعانداردى پەدوفيل دەپ اتايدى. قامشى ءتىلشىسى "پەدوفيل دەگەن كىم؟", "پەدوفيليانى قالاي توقتاۋعا بولادى؟" دەگەن سۇراقتاردىڭ جاۋابىن ىزدەپ كوردى. ؛

"ناعىز پەدوفيل زورلىق جاسامايدى"

پسيحواناليتيك, ورتالىق ازيا پسيحواناليز ينستيتۋتىنىڭ ديرەكتورى اننا قۇدياروۆانىڭ ايتۋىنشا, بالالاردى جىنىستىق قاتىنىسقا زورلىق-زومبىلىق كورسەتۋ ارقىلى تارتاتىندار ؛&ndash؛ پەدوفيل ەمەس, جىنىستىق زورلاۋشى. ؛

&ndash؛ ءقازىر قوعام كامەلەتكە تولماعانداردى جىنىستىق قاتىناسقا تارتقانداردىڭ ءبارىن جاپپاي پەدوفيل دەپ اتاپ ءجۇر. بۇل ؛&ndash؛ دۇرىس ەمەس تۇسىنىك. نەگىزى پەدوفيليا ءسوزىنىڭ ەكى ماعىناسى بار. تار ماعىناسى &ndash؛ پسيحيكالىق اۋىتقۋ. ؛ونداي اۋرۋمەن اۋىراتىن ادامداردا اگرەسسيا بولمايدى. ولار ءوز ويىن جۇزەگە اسىرۋ ءۇشىن ەشقاشان زورلىق-زومبىلىققا جۇگىنبەيدى, ءبىراق كىشكەنتاي بالانى الداپ-سۋلاپ ماقساتىنا جەتەدى. قوعام پەدوفيل دەپ جۇرگەندەردىڭ كوبى جىنىستىق زورلاۋشى, &ndash؛ دەيدى پسيحواناليتيك. ؛

ونىڭ ايتۋىنشا, پسيحواناليتيكا تۇرعىسىنان العاندا پەدوفيل دە, جىنىستىق زورلاۋشى دا ءوز قوعامىنىڭ قۇربانى سانالادى. ؛

&ndash؛ زەرتتەۋ جۇرگىزدىك, ولار دا كىشكەنتاي كەزىندە زورلىق كورگەندەر. ءقازىر كوپتەگەن اتا-انا اگرەسسور. سوندىقتان كىشكەنتاي ۇل دا, قىز دا پسيحولوگيالىق زورلىق كورىپ جاتىر. بەس-التى جاسار بالا ول زورلىقتى تۇسىنبەيدى. ءبىراق وسكەندە ءوزى اگرەسسياعا ءتۇسىپ, پسيحولوگيالىق اۋىتقۋعا ۇشىراۋى ابدەن مۇمكىن. پەدوفيليا سودان باستالادى, ؛&ndash؛ دەيدى اننا قۇدياروۆا. ؛

"ولىم جازاسى پەدوفيلياعا توسقاۋىل بولا المايدى"

قازاقستاندا بالا زورلاۋ وقيعاسى بولعان كەزدە "پەدوفيلدەر ءولىم جازاسىنا كەسىلسىن" دەگەن ۇران ءجيى ايتىلادى. ماسەلەن, بىرنەشە كۇن بۇرىن ساتباەۆ قالاسىندا بولعان وقيعادان كەيىن دە ؛جۇزدەن استام تۇرعىن "بالا ۇرلادى, زورلادى" دەپ كۇدىككە ىلىنگەن ادامنىڭ پاتەرى ماڭىنا جينالىپ, كۇدىكتىنى جازالاۋ ءۇشىن وزدەرىنە بەرۋدى تالاپ ەتتى. وسى كەزدە الەۋمەتتىك جەلى قولدانۋشىلارىڭ پىكىرى ەكىگە جارىلدى. ءبىرى پەدوفيلدى ءولىم جازاسىنا كەسسىن دەسە, ەندى ءبىرى ءبارىن زاڭ بويىنشا شەشۋدى قۇپتادى. ؛

سەنات دەپۋتاتى نۇرتورە ءجۇسىپ facebook پاراقشاسىندا ؛ "ايۋاندى اتۋعا بولادى! ازعىندىق جولعا ءتۇسىپ, ادامدىق قاسيەتىنەن ايرىلعان ادامدى ءبىزدىڭ قازاق "ايۋان" دەيتىن... جالعىز ساتباەۆ قالاسىندا عانا ەمەس, رەسپۋبليكا كولەمىندە پەدوفيل كوبەيدى. بۇل ؛ايۋاندار كوبەيگەنىن اڭعارتادى. قۇتىرعان ءيتتىڭ ءوزىن اتىپ تاستايمىز! ادامنان ايۋانعا اينالعانداردى نەگە اتۋعا بولمايدى؟! ايۋانعا ادام قۇقىعى دەگەن مۇسىركەۋمەن قاراۋعا بولمايدى!" دەپ جازدى. ؛

قامشى ءتىلشىسى ساراپشىلاردان ء"ولىم جازاسى ەلدەگى پەدوفيليا ماسەلەسىن شەشە الا ما؟" دەپ سۇراپ كوردى. ؛

زاڭگەر ابزال قۇسپان ء"ولىم جازاسى &ndash؛ پەدوفيلياعا توسقاۋىل بولا المايدى" دەپ ەسەپتەيدى. ونىڭ سوزىنشە, ءولىم جازاسى تۋرالى باستاما كوتەرگەندەر "قۇر ەموسياعا بەرىلىپ" وتىر. ؛ ؛

&ndash؛ پەدوفيل &ndash؛ ەڭ ءبىرىنشى كەزەكتە پسيحيكالىق اۋىتقۋى بار ادام. ولار &ndash؛ ەمدەۋگە مۇقتاج جاندار. اقىل-ەسى دۇرىس ادام كىشكەنتاي بالاعا زورلىق-زومبىلىق جاسامايدى. ءقازىر كەيبىر ادامدار زاڭعا ءولىم  ؛جازاسىن ەنگىزسە, بۇكىل پەدوفيلدەر ساپ تىيىلاتىنداي شۋلاپ جاتىر. بۇل &ndash؛ دۇرىس ەمەس. جالپى ەشبىر ادام قىلمىس جاسايتىن ساتتە "بۇل ءۇشىن قانداي جازا بار ەدى؟" دەپ ويلانبايدى. قىلمىستى "ۇستالمايمىن" دەپ جاسايدى. پەدوفيلدەر دە بالا زورلاۋعا قىلمىستىق كودەكستى وقىپ, سانالى تۇردە بارمايدى. سوندىقتان اتۋ جازاسىنا كەسىپ, دارعا اسۋ &ndash؛ بۇل ماسەلەنى تىيمايدى, &ndash؛ دەيدى زاڭگەر. ؛ ؛

ابزال قۇسپان "زاڭعا ءولىم جازاسىن ەنگىزەيىك" دەگەن ورتا عاسىرعا جەتەلەيتىن تۇسىنىك دەپ ەسەپتەيدى. ايتۋىنشا, كەي ادامدار ؛شۋلادى ەكەن دەپ زاڭعا وزگەرىس ەنگىزۋ دۇرىس ەمەس. ءبىرىنشى كەزەكتە قىلمىستىق ىستەن حابارى بار قۇقىقتانۋشى عالىمدار پىكىرىن نەگىزگە العان ءجون.

ونىڭ ويىنشا, پەدوفيلدەردى ەمدەگەن نەمەسە قازىرگى زاڭ بويىنشا ۇزاق جىلعا قاماپ, حيميالىق كاستراسيا جاساعان دۇرىس. ؛

&ndash؛ الدىڭعى قاتارلى ەۋروپا ەلدەرى پەدوفيلدەرگە حيميلىق كاستراسيا جازاسىن قولدانادى. بىزدە دە 2018 جىلدان حيميالىق كاستراسيا جازاسى بار. بۇنداي ۇكىمگە تولىقتاي كەلىسەمىن. ءبىراق حيميالىق كاستراسيانى قولدانعان كەزدە دە اسا مۇقيات بولعان ءجون. ەڭ باستىسى, سوتتالعان ادام تۇرمەدە ءبىر جىل ؛وتىرعان سوڭ عانا حيميالىق كاستراسيا جاساعان ءجون. ويتكەنى بىزدەگى سوت جۇيەسى دۇرىس ەمەس. قىلمىسى دالەلدەنبەي سوتتالىپ جاتقاندار كوپ. سوتتالعان سوڭ ءبىر جىل ىشىندە جوعارعى سوتقا دەيىن شاعىم ءتۇسىرىپ, ءوزىنىڭ كىناسىز ەكەنىن دالەلدەۋى مۇمكىن. سوندىقتان ؛حيميلىق كاستراسيانى قىلمىسى جان-جاقتى تەكسەرىلىپ بولعان سوڭ عانا قولدانعان دۇرىس, ؛&ndash؛ دەيدى زاڭگەر. ؛

ابزال قۇسپاننىڭ ءولىم جازاسى تۋرالى پىكىرىن پسيحواناليتيك اننا قۇدياروۆا دا قۇپتاپ وتىر. قۇدياروۆانىڭ سوزىنشە, پەدوفيلدى ەمدەگەن دۇرىس. ؛

&ndash؛ ؛ پەدوفيليا ؛&ndash؛ ؛ۇلكەن ماسەلە. ءيا, ناعىز پەدوفيليا &ndash؛ اۋرۋ. ونى ەمدەۋ كەرەك. ال سەكسۋالدى زورلىق جاساپ جاتقاندار &ndash؛ قىلمىسكەر. ولاردى جازالاۋ كەرەك. ءالايدا ؛"بارىن اتامىز, ولتىرەمىز" دەگەن بولمايدى. ؛زورلىقتى ەشقاشان زورلىقپەن توقتاتا المايمىز. جاقسى ءسوز ؛&ndash؛ جارىم ىرىس. بۇل ماسەلەنى تۇبىمەن زەرتتەۋ كەرەك, &ndash؛ دەيدى پسيحواناليتيك. ؛

ونىڭ ايتۋىنشا, پەدوفيلگە ۇكىم شىعاراردا ءوز بالاسىن قاراۋسىز قالدىرعان اتا-انانى دا جازاسىز قالدىرۋعا بولمايدى. ؛

&ndash؛ اتا-اناعا تۋعان بالاسىن 18 جاسقا دەيىن امان-ەسەن جەتكىزۋ زاڭ جۇزىندە مىندەتتەلۋى كەرەك. ءوز بالاسىن قاراۋسىز قالدىرعان اتا-انا مىندەتتى تۇردە جازالانۋعا ءتيىس. جالپى بىزدە جاس جۇبايلار ۇيلەنگەن سوڭ كەم دەگەندە 10-15 كۇن احاج (زاكس) جانىنداعى پسيحولوگيالىق مەكتەپتەن ءوتۋى كەرەك. ودان كەيىن بالالى بولامىز دەسە, تاعى دا ارنايى مەكتەپتەن وتكەنى ءجون. بىزدە ءقازىر پسيحولوگيالىق مەكتەپ جەتىسپەي جاتىر. بارىنە بىردەي توپىراق شاشا المايمىن. ءبىراق كەي جۇپتاردىڭ اتا-انا بولۋعا ءبىلىمى جەتە بەرمەيدى. جاۋاپسىزدار دا بار. سوندىقتان اتا-انا مەكتەبى دەگەن ارنايى زاڭ قابىلداۋ كەرەك شىعار. سوسىن "سەن وسى مەكتەپتەن وتپەسەڭ, ساعان بالالى بولۋعا رۇقسات جوق" دەگەن تالاپ قويۋ كەرەك, &ndash؛ دەيدى قۇدياروۆا. ؛

زاڭدا پەدوفيلياعا قانداي جازا قاراستىرىلعان؟

قازاقستان زاڭدارىندا پەدوفيليا دەگەن ناقتى ءسوز جوق. دەگەنمەن كامەلەت جاسىنا تولماعاندارعا سەكسۋالدى زورلىق جاساعاندار قىلمىستىق كودەكستىڭ "زورلاۋ", "سەكسۋالدىق سيپاتتاعى زورلىق-زومبىلىق ارەكەتتەرى", "ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ" جانە تاعى دا باسقا باپتار بويىنشا جازالانادى. ؛

وتكەن جىلدىڭ سوڭىندا قازاقستان پرەزيدەنتى قاسىم-جومارت توقاەۆ زورلاۋ قىلمىسىن جاساعاندارعا جازانى كۇشەيتۋ تۋرالى زاڭعا قول قويعان. سوعان سايكەس, كامەلەت جاسىنا تولماعان بالالارعا قارسى جاسالعان سەكسۋالدى سيپاتتاعى ىس-ارەكەت اسا اۋىر قىلمىس تۇرىنە جاتقىزىلىپ, قىلمىسى دالەلدەنگەن ادامعا 20 جىل نەمەسە ءومىر بويى بوستاندىعىنان ايىرۋ جازاسى ەنگىزىلدى. ؛

بۇدان بولەك, ەلدە 2018 جىلدىڭ قاڭتارىنان باستاپ حيميالىق كاستراسيا جاساۋ تۋرالى زاڭ كۇشىنە ەنگەن.​ قىلمىستىق كودەكسكە سايكەس, حيميالىق كاستراسيا "كامەلەتكە تولماعانداردى زورلادى" دەگەن ايىپ تاعىلىپ, قىلمىسى دالەلدەنگەن 18 جاستان اسقان ادامدارعا قولدانىلادى.

وتكەن جىلى جەلتوقسان ايىندا قازاقستان ىشكى ىستەر مينيسترلىگى قىلمىستىق-اتقارۋ جۇيەسى كوميتەتى ەلدە "زورلاۋ" بابىمەن سوتتالعان ءتورت ازاماتقا حيميالىق كاستراسيا قولدانۋ ۇكىمى ورىندالىپ جاتقانىن حابارلانعان. ولاردىڭ مالىمەتىنشە, پروسەدۋرا جارتى جىل ۋاقىت الادى. بۇدان بولەك, وتكەن جىلدىڭ شىلدەسىندە دە "زورلاۋ" بابى بويىنشا سوتتالعان ءبىر ادامعا حيميالىق كاستراسيا ۇكىمى كەسىلگەن.

ميات كاشىباي

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر