• usd 468.56

  • eur 497.56

  • rub 7.3

  • cny 67.18

29 ناۋرىز, 13:08:37
الماتى
+35°

ينتەرناتۋرا جانە رەزيدەنتۋرا ءبىتىرىپ كەلگەن 55 مامان اتىراۋ قالاسىنداعى جانە اۋداندارداعى ەمدەۋ مەكەمەلەرىنە جۇمىسقا كىرىستى. بۇل تۋرالى اتىراۋ وبلىستىق كوممۋنيكاسيالار قىزمەتى حابارلادى.

جاس ماماندارمەن كەزدەسۋ بارىسىندا ايماق باسشىسى ماحامبەت دوسمۇحامبەتوۆ مەديسينا سالاسىنىڭ اۋىر كەزەڭدى باستان وتكەرىپ جاتقاندىعىن اتاپ ءوتتى.

&ndash؛ قازىرگى ۋاقىتتا وبلىستا 9000 مەديسينا قىزمەتكەرى بولسا, ونىڭ ىشىندە 2000 مەديسينا مامانى پاندەميامەن كۇرەسكە جۇمىلدىرىلىپ وتىر. ونىڭ ۇستىنە, وڭىردە 278 دارىگەر جەتپەيدى.

بۇگىنگى تاڭدا جىلىوي, قۇرمانعازى اۋداندارىندا اۋرۋحانالار سالىنۋدا. سونىمەن بىرگە, اتىراۋ كارديوورتالىعىنا جاپسارلاس عيمارات اشىلادى. "مەديسينا جانە ءبىلىم سالاسى ماماندارىن دايىنداۋعا قاشان دا باسىمدىق بەرەمىز, ؛&ndash؛ دەگەن اتىراۋ وبلىسىنىڭ اكىمى ماحامبەت دوسمۇحامبەتوۆ جاس مامانداردى الەۋمەتتىك قولداۋ جالعاساتىنىن ايتتى.

جاس دارىگەرلەر

اتىراۋ وبلىسىنىڭ دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ بۇعان دەيىن حابارلاعانداي, ايماققا جالپى سانى 122 جاس مامان كەلەتىنىن ايتتى. قازىرگى كەزدە ولاردىڭ الدى جۇمىسقا كىرىسىپ كەتكەن.

&ndash؛ كوروناۆيرۋس ىندەتىنە بايلانىستى, جاس مامانداردان قوسىمشا كومەك بولادى دەپ كۇتىلۋدە. مامانداردىڭ جالاقىسى زاڭ شەڭبەرىندە كورسەتىلگەن دەڭگەيدە تولەنەدى. ەگەر ينفەكسيالىق نەمەسە پروۆيزورلىق ستاسيونارعا جۇمىسقا كىرىسسە, مينيسترلىك بۇيرىعىنا سايكەس ۇستەمەاقى بولىنەدى. ؛ەمدەۋ مەكەمەلەرى باسشىلارىنان تۇسكەن سۇرانىسقا ساي, ماماندار ۇيمەن قامتاماسىز ەتىلەدى, &ndash؛ دەدى اتىراۋ وبلىسىنىڭ دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ.

ناسىر مەن البينا وڭعارباەۆتار قىزىل ايماقتا جۇمىس ىستەپ جاتقان وتباسىلىق جۇپ. دارىگەرلىكتى تاڭداعان جاس ماماندار اقتوبەنىڭ تۋمالارى.

&ndash؛ جۇمىسقا 20 شىلدە كۇنى كىرىستىك. اتىراۋ وبلىستىق اۋرۋحاناسى جانىنداعى پروۆيزورلىق ستاسيوناردامىز. ناۋقاستاردى قابىلداپ, جاعدايلارىن باقىلايمىز. اۋرۋ تاريحىنا قاتىستى قۇجاتتار تولتىرامىز. قازىرگى ۋاقىتتا وبلىستىق اكىمدىك جالداپ بەرگەن "دوستىق" قوناق ۇيىندە تۇرامىز. اۋرۋحاناعا اۆتوبۋس تاسىمالى ۇيىمداستىرىلعان. ؛بۇگىندە احۋال تۇراقتالىپ, ناۋقاستار سانى ازايۋدا. دەسە دە, وسىنداي قيىن جاعدايدا حالىققا كومەك كورسەتىپ جاتقانىمىزعا قۋانىشتىمىز, &ndash؛ دەيدى ناسىر مەن البينا وڭعارباەۆتار.

وبلىستىق اۋرۋحانانىڭ پروۆيزورلىق اۋرۋحاناسىندا جۇمىس ىستەپ جاتقان ماماننىڭ تاعى ءبىرى &ndash؛ دميتريي لي. حيرۋرگ ماماندىعىن بىتىرگەن دميتريي لي جاتاقحاناعا ورنالاستىرعانىن ايتادى.

&ndash؛ ءۇش مەزگىل اس-اۋقاتپەن, قاجەتتى قورعانىس كيىم-كەشەكتەرمەن قامتاماسىز ەتىلدىك. تاجىريبەمىز بولماعاندىقتان, تالىمگەرلەرمەن كەڭەسە وتىرىپ, ەم-شاراسىن تاعايىندايمىز, &ndash؛ دەيدى دميتريي لي.

قازىرگى ۋاقىتتا اقتوبە مەديسينالىق اكادەمياسىن اياقتاعان 53 ماماننىڭ ء11-ى ستاسيونارلىق اۋرۋحاناعا, ء27-سى باستاپقى مەديسينالىق كومەك كورسەتەتىن ەمحانالارعا جۇمىسقا كىرىستى. قالعان 15 مامان اۋداندارعا جىبەرىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر