"؛پتر تەست جاساتۋ – كوروناۆيرۋستى انىقتاۋدىڭ ءتيىمدى ءتاسىلى ەمەس"؛. فارماكولوگپەن سۇحبات

قازاقستاندا كوروناۆيرۋستى انىقتايتىن پتر تەست ناتيجەسىن نەگىزگە الا وتىرىپ قويىلعان "پنەۆمونيا" دياگنوزى ەلدى حالىقارالىق داۋعا قالدىردى. كەيبىر مەديسينا ماماندارىنىڭ ؛ايتۋىنشا, ەلدەگى پتر تەستەرىنىڭ دۇرىستىعى 20 پايىزدان دا تومەن. ولار كوروناۆيرۋستى انىقتاۋدىڭ بۇل جولىن قولداماي وتىر.

ال 21 شىلدە كۇنى ەلدىڭ دەنساۋلىق ساقتاۋ ءمينيسترى الەكسەي سوي پتر تەست سانىن ارتتىرۋ ءۇشىن مەملەكەتتىك بيۋدجەتتەن تاعى 42 ملرد تەڭگە سۇرادى. ونىڭ ايتۋىنشا, بۇل "قوسىمشا" قاراجات جىل سوڭىنا دەيىنگى ەپيدەميولوگيا جاعدايىن بولجاۋعا جانە پتر زەرتحانالاردىڭ سانىن ارتتىرۋ ءۇشىن قاجەت.

قامشى ءتىلشىسى كوروناۆيرۋستى انىقتاۋ ءۇشىن پتر تەست ناتيجەسى قانشالىقتى ماڭىزدى دەگەن سۇراقتى نەگىزگە الا وتىرىپ, الماتى قالالىق كارديولوگيا ورتالىعىندا كلينيكالىق فارماكولوگ بولىپ جۇمىس ىستەيتىن جادىرا جالعاسبايدان سۇحبات الدى.  ؛

كلينيكالىق فارماكولوگتىڭ ايتۋىنشا, پتر تەست كورسەتكەن ناتيجەنىڭ ءبارى دۇرىس بولا بەرمەۋى مۇمكىن. ؛

&ndash؛ پتر تەست اۋرۋى اسقىنعان ناۋقاستاردىڭ اعزاسىندا ۆيرۋستىڭ بولعان-بولماعانىن انىقتاي المايدى. ويتكەنى ۆيرۋس ادام بويىندا بىرنەشە كۇن جۇرەدى. ودان سوڭ ول ۆيرۋس تەست ارقىلى بايقالماۋى مۇمكىن, ءبىراق اعزاداعى ۆيرۋس كەيىننەن اسقىنادى. ەڭ كۇردەلى اسقىنۋ &ndash؛ پنەۆمونيا, ياعني وكپەنىڭ قابىنۋى. ناۋقاس جاعدايىن انىقتاۋدىڭ پتر تەستىنەن بولەك بىرنەشە جولى بار. رەنتگەن, كت (كومپيۋتەرلىك توموگرافيا) ارقىلى ناۋقاس وكپەسىندەگى وزگەرىستەردى, ال جالپى قان ءاناليزى ارقىلى لەيكوزيتوزدى (لەيكوسيتتىڭ كوبەيۋى) بىلە الامىز. ەگەر لەيكوزيتوز كۇرت تومەندەسە, يممۋنيتەتتىڭ السىرەگەنى,&ndash؛ دەيدى جادىرا جالعاسباي. ؛

مامان قاراپايىم حالىقتىڭ پتر تەستىن ەمەس, جالپى قان ءاناليزىن تاپسىرعانىن قۇپ كورەدى.

&ndash؛ پتر تەستىنىڭ ەڭ ارزانى 8500 تەڭگە تۇرادى. ال جالپى قان ءاناليزىنىڭ ەڭ ارزانى &ndash؛ 600 تەڭگە. وسى تۇرعىدا قاراپايىم حالىققا قاراجات جاعىنان دا ەڭ ءتيىمدىسى جالپى قان ءاناليزى بولىپ تۇر. ەگەر وسى اناليزگە قاراپ ەمدى باستاساق, ۋاقىتتى دا, قاراجاتتى دا ۇنەمدەر ەدىك. دەگەنمەن پتر تەستى كەرەك ەمەس دەپ تە ناقتى ايتا المايمىن. كوروناۆيرۋستىڭ 2100-دەن استام ءتۇرى بار. سونشا ۆيرۋستىڭ قايسىسى اعزاعا بارىپ تۇسەتىنىن ەشكىم ناقتى ايتا المايدى. ءبىراق جالپى قان ءاناليزى ارقىلى ليمفوسيتتەردىڭ كۇرت ءتۇسىپ كەتكەنىنەن اعزادا ۆيرۋس پايدا ؛ بولعانىن بولجاۋعا بولادى, ؛ &ndash؛ دەيدى ول.

فارماكولوگ مامان پتر تەستىنىڭ تيىمسىزدىگىن ءوز تاجىريبەسىندە دە بايقاپ كورىپتى.

&ndash؛ ماعان حابارلاساتىن 10 ادامنىڭ ەكەۋىندە عانا covid-19 وڭ ناتيجە كورسەتەدى. قالعانىنىڭ تەست ناتيجەسى تەرىس بولسا دا وكپەسىندە پنەۆمونيا بار. ءبىز ولاردى ەمدەمەي, قاراپ وتىرا المايمىز عوي. سول ءۇشىن ناقتى زەرتتەۋلەرگە سۇيەنە وتىرىپ, ۆيرۋستان قالعان وزگەرىستەردى ەمدەگەن دۇرىس. پتر-دىڭ تەرىس ناتيجەسىنە قۋانىپ وتىرا بەرمەۋ كەرەك, &ndash؛ دەيدى ول. ؛

دارىگەردىڭ ايتۋىنشا, كارديولوگيالىق ورتالىقتا جۇمىس ىستەگەنىمەن, وعان پنەۆمونيا مەن كوروناۆيرۋس جۇقتىرعان تانىستارى, دوستارى, سونداي-اق الەۋمەتتىك جەلىدەگى وقىرماندارى دا كەڭەس سۇراپ كەلگەن. ول ىندەت باستالعالى بەرى 100-گە جۋىق ناۋقاستى اۋرۋىنان ايىقتىرعان.

كلينيكالىق فارماكولوگ ؛ جادىرا جالعاسباي

&ndash؛ ؛اقپان ايىنان باستاپ مەن ەمدەگەن ناۋقاستاردىڭ اراسىندا تەك ءبىر ادام عانا قايتىس بولدى. وكىنىشكە قاراي, ول كىسىنىڭ ليمفوگرانۋلەماتوز دەگەن اۋرۋى بولعان. سونداي-اق ول ماعان وتە كەش حابارلاستى. مەن ەندى ەمدەۋدى باستاعاندا, ەكى كۇننەن سوڭ اۋرۋى اسقىنىپ قايتىس بولدى. قالعان ەمدەگەن ناۋقاستارىم 3-5 كۇننىڭ ىشىندە ساۋىعىپ كەتتى, ؛&ndash؛ دەيدى ول. ؛

دارىگەر سۇحبات سوڭىندا كوروناۆيرۋسپەن ءبىر رەت اۋىرعان ناۋقاستار ەكىنشى قايتارا اۋىرۋى مۇمكىن ەكەنىن ايتىپ, ادامداردى ساقتانىپ جۇرۋگە شاقىردى. ؛

&ndash؛ ادامدار ءبىر رەت اۋىرعان سوڭ دا دەنساۋلىعىنا اسا ءمان بەرۋى كەرەك. سەبەبى "تاعى اۋىرىپ جاتىرمىن" دەپ حابارلاسىپ جاتقاندار بار. ولاردىڭ اعزاسىندا دا اۋرۋ بەلگىسى بىر-بىرىنە ۇقسايتىن ەكى ءتۇرلى ۆيرۋس ءجۇرۋى مۇمكىن. ؛

2012 جىلى وڭتۇستىك كورەيادا, 2015 جىلى بىرىككەن اراب امىرلىگىندە كوروناۆيرۋستىڭ باسقا ءتۇرى بولدى. عالىمداردىڭ زەرتتەۋىنشە, سول ءتۇر كەزىندە مىقتى يممۋنيتەت پايدا بولعان. بۇل دەگەنىمىز, سول ۆيرۋسپەن اۋىرعاندار قايتالاپ اۋىرمايدى دەگەن ءسوز. قازىرگى covid-19-دىڭ جاڭا ءتۇرى يممۋنيتەتتى قاتتى السىرەتەدى. سول سەبەپتى ءبىر رەت اۋىرعان ناۋقاستار ەكىنشى رەت اۋىرۋى ابدەن مۇمكىن, &ndash؛ دەپ ەسكەرتتى دارىگەر.