22 شىلدە, 2020 سۇحبات وزگەرتۋ

"؛ەلدى ساعىندىق, ءبىراق ..."؛. افريكادا ءومىر ءسۇرىپ جاتقان قازاق وتباسىنىڭ اڭگىمەسى

كەيىپكەر جىبەرگەن فوتو

ايمان مامەداليەۆا 2019 جىلدان بەرى وتباسىمەن بىرگە ورتالىق افريكا رەسپۋبليكاسىندا (وار) تۇرادى. جەرگىلىكتى مەكتەپتە ءتىل مامانى. قامشى ءتىلشىسى مامەداليەۆامەن الەۋمەتتىك جەلى ارقىلى سويلەسىپ, وار-داعى ءومىر تۋرالى سۇرادى. ؛

سۋرەتتە ايمان مامەداليەۆا

ايمان مامەداليەۆا ورتالىق افريكا رەسپۋبليكاسىنىڭ استاناسى بانگي قالاسىندا تۇرىپ جاتىر. ءوزىنىڭ سوزىنشە, شەتەلگە شىعىپ تاجىريبە الماسۋ ؛&ndash؛ جولداسىنىڭ ارمانى بولعان. ؛

&ndash؛ قازىرگى ۋاقىتتا شەت ەلدە جۇمىس ىستەپ, ءبىلىم الۋ, تاجىريبە جيناۋ, ەل كورۋ, جەر كورۋ كەڭىنەن ەتەك جايدى. بىزگە دە سونداي ۇسىنىس تۇسكەن سوڭ, مۇمكىندىكتى جىبەرىپ المايىق دەپ بىردەن قابىلدادىق. شەت ەلگە شىعىپ تاجىريبە الماسۋ اۋەلدەن جولداسىمنىڭ ارمانى بولاتىن. سول ارمانىمىز بۇگىندە ورىندالدى. كوشىپ كەتۋگە ەشتەڭە تۇرتكى بولعان جوق, ءوز قالاۋىمىزبەن كەلدىك. بولاشاقتا ەلىمىزگە پايدامىز تيەرىنە كۇمانىم جوق, ؛&ndash؛ دەيدى ول. ؛

مامەداليەۆانىڭ پىكىرىنشە, ەكى ەلدى سالىستىرۋعا مۇلدە كەلمەيدى.

&ndash؛ بىرىنشىدەن, مۇندا قازاقستانداعىداي ءزاۋلىم عيماراتتار جوق. سونداي-اق بالالارعا ارنالعان ويىن ورتالىقتارىن دا تاپپايسىز. مادەنيەت وشاقتارى (كينوزال, تەاتر, ت.ب.) دا جوقتىڭ قاسى. ەكىنشىدەن, تاعامداردا ۇلكەن ايىرماشىلىق بار. ءوندىرىس سەحتارىنىڭ جوقتىعىنان بارلىق ءونىم سىرتتان ەكسپورتتالادى. ۇشىنشىدەن, ينتەرنەت قىمبات, بايلانىس ناشار. تورتىنشىدەن, بۇل ەل حالقى كەدەي. الەمدەگى ەڭ كەدەي ەلدەردىڭ قاتارىندا بولعاندىقتان, حالىق تۇرمىسى اۋىر ءارى ايانىشتى. بەسىنشىدەن, بۇل ەلدىڭ تابيعاتتى قازاقستاندىكىنەن ەرەكشە. ءقازىر قىس ماۋسىمى سانالاتىندىقتان, اۋا سالقىن, جاۋىن كوپ جاۋادى. ءبىز ءتورت مەزگىلدى ءبىلىپ وستىك, ال مۇندا مەزگىل التاۋ, ؛&ndash؛ ؛ دەيدى ايمان. ؛

بانگي قالاسىنىڭ بالالارى

"بىزگە بەيمالىم بانگي"

افريكا تۋرالى ؛instagram پاراقشاسىندا قىزىقتى جازبالار جازىپ جۇرگەن قازاق قىزى جاقىندا "بىزگە بەيمالىم بانگي" اتتى كىتاپ جازىپ, 8 شىلدە كۇنى تۇساۋكەسەرىن وتكىزدى. ءوزىنىڭ ايتۋىنشا, كىتاپتى وقىعان وقىرمان وار-عا ساياحات جاساپ قايتقانداي بولادى. ؛

&ndash؛ كىتاپ وقۋعا وتە جەڭىل. بارشا وقىرمانعا ارنالادى. مەنىڭ كىتابىمدى وقۋ ارقىلى الىستاعى افريكا ومىرىنە ساياحات جاسايسىز. جات ەلدىڭ تۇرمىس-تىرشىلىگىمەن جاقىننان تانىسىپ, قولدا باردىڭ ءقادىرىن تۇسىنۋگە شاقىرادى. وقىرمان ەڭبەگىمدى وقي وتىرىپ, تۋعان جەر مەن ءتىلدىڭ قۇندىلىعىن سەزىنە تۇسەدى دەپ ويلايمىن, ؛&ndash؛ دەيدى ايمان. ؛

ونىڭ ايتۋىنشا, ءوزى تۇرىپ جاتقان بانگي قالاسىنىڭ ادامدارى ناسىلگە بولىنبەيدى. ؛

&ndash؛ بانگي قالاسىنىڭ جەرگىلىكتى تۇرعىندارى ناسىلگە نەمەسە ۇلتقا بولىنبەيدى. كەرىسىنشە, سىرتتان كەلگەن ادامعا قىزىعۋشىلىق تانىتادى. مۇنداعى يتاليالىقتار, فرانسۋزدار, قىتايلار ءبارى دە قالا تۇرعىنى بولىپ سانالادى, ؛&ndash؛ دەيدى ول. ؛

افريكانىڭ كىشكەنتاي تۇرعىندارى

كوروناۆيرۋس سالقىنى

جىل باسىنان بەرى دۇنيەجۇزىن دۇربەلەڭگە سالعان كوروناۆيرۋس ىندەتى ايمان تۇراتىن وار-دى دا ؛ اينالىپ وتپەگەن. ؛ ؛

&ndash؛ ءقازىر الەمدە ىندەت ءورشىپ تۇر. قازاق ەلىنىڭ باسىنا تۇسكەن اۋىرتپالىققا جۇرەگىم اۋىردى. كوروناۆيرۋستان قايتىس بولعان ادامداردىڭ وتباسىنا قايعىرا كوڭىل ايتامىن. الەمدى جايلاپ جاتقان پاندەميا بۇل جاقتى دا اينالىپ وتپەدى. ءبىراق بۇل ەلگە پاندەميا كەش جەتتى. ءقازىر ۆيرۋستان ولگەندەر سانى 50 ادام. جۇقتىرعاندار 4000-نىڭ شاماسى. كارانتين قاراپايىم حالىققا ونشا اسەر ەتپەدى. بارلىق ادام ءوز شارۋاسىمەن كوشەدە ءجۇر. مەكتەپتەر ازىرگە جابىق. الداعى اپتادا تەك ەمتيحان تاپسىراتىن سىنىپتار وقىتىلادى. الايدا دايىندىق شارالارىن بايقامادىم. كۇندەلىكتى ءومىر سۇرەتىن ادامدار بولعاندىقتان كارانتين شارالارىن قاتاڭداتا قويمادى. اركىم ءوز تىرشىلىگىن قامداپ ءجۇر, ؛&ndash؛ دەيدى ايمان. ؛

ول قازاقستاندى, تۋعان-تۋىستارىن ساعىنعانىن, ءبىراق پاندەميا سالدارىنان ەلگە جەتە الماي وتىرعاندارىن ايتتى. ؛

؛&ndash؛ ءار ەلدىڭ سالتى باسقا, يتتەرى قارا قاسقا دەمەكشى, جەرگىلىكتى ادامداردىڭ ءوز ءسالت-داستۇرى مەن ءومىر ءسۇرۋ داعدىلارى بار. ءبىزدىڭ ءومىر ءسۇرۋ داعدىمىزعا ۇقسامايدى. ؛ەلگە بارىپ تۋعان-تۋىستى كورىپ, ارقا-جارقا بولعانعا نە جەتسىن. بالالار دا اۋىلدى ساعىنىپ قالدى. الەمدە ءورشىپ تۇرعان پاندەميانىڭ سالدارىنان اۋە جولدارى توقتاپ تۇرعاندىقتان, ازىرشە ساعىنىشىمىزدى باسىپ, شىداپ ءجۇرمىز, ؛&ndash؛ دەدى ايمان اڭگىمە سوڭىندا. ؛