الماتى قالاسىندا باعدارشامنىڭ قىزىل تۇسىنە توقتاعان كولىكتەردىڭ فاراسىن ءسۇرتىپ, ءناپاقا تاباتىن جاسوسپىرىمدەر بار. وسى ىسپەن اينالىساتىن ءۇش بالانى اڭگىمەگە تارتۋعا تىرىسقانىمىزدا باسىندا سويلەسۋگە نيەت بىلدىرمەدى. جۇمىستارى تۋرالى بايانداپ بەرسە, ءارقايسىسىنا 500 تەڭگە بەرگىمىز كەلەتىنىن ايتقاندا عانا كەلىسىپ, ؛وزدەرىنە 500 ەمەس, 400 تەڭگە دە جەتەتىنىن جەتكىزىپ, "كاسىپتەرى" تۋرالى كوسىلە سويلەي باستادى.
13 جاستاعى ماكسيم, يان, يسماد ەسىمدى ءۇش بالا قالاداعى اباي داڭعىلىنىڭ روزىباكيەۆ پەن گاگارين كوشەلەرىمەن قيىلىساتىن جەرىندە كولىك فاراسىن ءسۇرتىپ اقشا تاۋىپ جۇرگەنىنە بىرنەشە اي بولدى. ولار بۇل جۇمىستى وزدەرى سەكىلدى بالالاردىڭ ينتەرنەتتەگى ۆيدەوسىن كورگەننەن كەيىن ىستەي باستاعان. ؛
&ndash؛ مەن youtube جەلىسىنەن ؛رەسەيلىك بلوگەر تۇسىرگەن "كولىك سۇرتەتىن بالالار ايىنا قانشا تابادى" دەگەن ۆيدەوروليك كوردىم. بۇل وسىدان ەكى اي ۋاقىت بۇرىن مامىر ايىندا, ءبىز وقۋدى ءتامامداعان كەزدە بولعان ەدى. ۆيدەونى كورگەن سوڭ وسى ىسپەن اينالىسىپ كورۋگە بەل بايلادىم. سەرىكتەس بولۋعا دوستارىمدى تارتتىم. قاجەتتى زاتتاردى الىپ, جۇمىس ىستەۋگە شىقتىق. ءبىرىنشى كۇنى 2000 تەڭگە تاۋىپ, قۋانىشىمىز قوينىمىزعا سىيمادى. كەيىن تاعى ءبىر رەت كورەيىك دەدىك, وسىلاي تۇراقتى تۇردە اينالىسىپ كەتتىك. باسىندا شىققان كەزدە كولىكتەر اراسىندا ءجۇرۋ ءقاۋىپتى كورىنگەن. ءقازىر بارلىق ەرەجەلەردى ساقتاپ, باعدارشامنىڭ قىزىل ءتۇسى جانعان سوڭ جۇمىسقا كىرىسەمىز. ءبىر فارانى بەس سەكۋندتىڭ ىشىندە سۇرتەمىز, ؛&ndash؛ دەدى 13 جاستاعى ماكسيم. ؛
ولاردىڭ ايتۋىنشا, اتا-انالارى بۇل ؛كاسىپپەن اينالىسقاندارىنا قارسى بولماعان.
&ndash؛ كۇنىنە قانشا تەڭگە تاپساق تا, اقشامىزدىڭ جارتىسىن اتا-انامىزعا بەرەمىز. وتباسىمىزدا ەشقانداي قيىندىق جوق. ءبىراق ءبىز ولارمەن بولىسكىمىز كەلەدى. كەيدە ۇيگە ازىق-تۇلىك الىپ بارامىز. قالعانىن وزىمىزگە الىپ قالامىز. ۇيدە باۋىرلارىمىز بار, ولارعا دا ءتاتتى الا بارامىز, ؛&ndash؛ دەيدى يان. ؛
جەتىنشى جانە سەگىزىنشى سىنىپ وقۋشىلارى وزدەرى تاپقان اقشانى ۆەلوسيپەد, جاڭا سمارتفون, ساموكات الۋ ءۇشىن جيناپ جاتقاندارىن ايتتى.
&ndash؛ يان ۆەلوسيپەدكە جيناپ جاتىر, يسمەد وسى كۇنگە دەيىن جيناعان اقشاسىنا samsung a10s سمارتفونىن ساتىپ الدى. ال مەن ءوزىمنىڭ تريۋك جاسايتىن ساموكاتىما قوسالقى بولشەكتەر الىپ جاتىرمىن. مەنىڭ بار قىزىعۋشىلىعىم سول, ؛&ndash؛ دەيدى بالالاردىڭ اراسىنداعى پىسىقتاۋ كەلگەن ماكسيم.
باسىندا قانشا اقشا تاباتىنىن ايتقىسى كەلمەگەن بالالار اڭگىمە بارىسىندا تابىستارىنىڭ جاقسى ەكەنىن جاسىرمادى.
&ndash؛ وسى ايدىڭ باسىنان بەرى شامامەن 100 مىڭ تەڭگەدەي تاپتىق. بۇل ەندى جولىمىزدىڭ بولعانىنا بايلانىستى. كەيدە ءبىر كولىكتىڭ ءوزى 5 مىڭ تەڭگە بەرىپ كەتەدى, كەيدە فارالارىن سۇرتكىزىپ بولعان سوڭ اقشاسىن بەرمەي كەتەتىندەر دە بار. مىسالى, بۇگىن ءبىر كىسى فاراسىن ءسۇرتىپ بەرۋىن سۇرادى, مەن ءسۇرتىپ بەردىم. ال ول مەنىڭ بەتىمە قاراپ تۇرىپ تەرەزەسىن جاۋىپ الدى. سونداي ساتتەردە كوڭىلىمىز ءتۇسىپ كەتەدى. اراسىندا ؛ 5 تەڭگە بەرىپ كەتەتىن ادامدار دا بار. كوپ اقشا بەرگەن سايىن جۇمىس ىستەگىمىز كەلەدى. جۇما جانە سەيسەنبى كۇنى تىرلىك جاقسى جۇرەدى. نەگە ەكەنى بەلگىسىز ءبىراق وسى كۇندەرى ءبىز اقشانى كوبىرەك تابامىز, ؛&ndash؛ دەدى يسمەد.
بالالاردىڭ سوزىنشە, ءبىر كۇندە يسمەد ەڭ كوبى 10 مىڭ تەڭگە, يان 15 مىڭ تەڭگە, ماكسيم 26 مىڭ تەڭگە پايداعا كەنەلگەن. ءبىر كۇندىك ەڭ تومەنگى تابىستارى ؛&ndash؛ 5 مىڭ تەڭگە. "دەمالىس كۇندەرى اقشا از تابامىز. ونىڭ بارلىعى ادامداردىڭ كوڭىل-كۇيىنە بايلانىستى" دەيدى وزدەرى.
&ndash؛ ءبىر كولىكتىڭ ءوزى كەيدە وتە كوپ اقشا ۇسىنادى. مىسالى كەشە يسمادقا ءبىر ادام 5 مىڭ تەڭگە بەردى, ال يان 1000 تەڭگە الدى. مەن بولسام, بۇگىن ءبىر ايەل كىسىدەن 10 مىڭ تەڭگە الدىم. قىمبات كولىك مىنگەن كىسىلەر ساراڭداۋ كەلەدى. قاراپايىم كولىك يەلەرى قولىمىزدى قايتارعان ەمەس. كەيبىر تاۋار تاسىمالدايتىن جۇرگىزۋشىلەردىڭ بالمۇزداق, سۋشي, پيسسا بەرگەن ساتتەرى دە بولدى, &ndash؛ دەيدى ماكسيم.
كىشكەنتاي كاسىپكەرلەر تۇسكى استى ۋاقىت جوعالتپاۋ ءۇشىن جاقىن جەردەگى كافەلەردەن ىشەدى نەمەسە فاستفۋد ساتاتىن دۇڭگىرشەكتەردەن دونەر, بۋرگەر الىپ جەيدى.
تاڭنان كەشكە دەيىن كوشەدە جۇرەتىن بالالار كەلەسى جىلى دا جۇمىس ىستەگىسى كەلەدى. قازىرگى تاڭدا بۇكىل الماتى بويىنشا ولارعا باقتالاس بولىپ جۇرگەن 20 شاقتى بالا بار ەكەن. ءبىراق ءبىر كاسىپپەن اينالىسىپ جۇرگەندىكتەن قارىم-قاتىناستارى جاقسى.
&ndash؛ ءبىز سياقتى جۇمىس ىستەپ جۇرگەن 20-25 بالا بار شىعار. ولارمەن دوس بولىپ ارالاسامىز. كەيبىرەۋلەرىن جاقتىرا بەرمەيتىنىمىز دە راس. ەگەر ءبىزدىڭ جۇمىس ىستەپ جۇرگەن اۋماققا كەلەتىن بولسا, ءبىز ولاردى باسقا جاققا جىبەرەمىز, ءبىراق وسى كۇنگە دەيىن توبەلەسىپ كورمەپپىز. ۇرىس بولدى, ال توبەلەس جوق, ؛&ndash؛ دەيدى جەتكىنشەكتەر.
كامەلەت جاسقا تولماعاندارى ءۇشىن كوپ جاعدايدا پوليسيا قىزمەتكەرلەرى جۇمىس ىستەۋگە رۇقسات بەرمەي, قايتارىپ جىبەرەدى. ال كەيبىر پوليسەيلەر بوقتاپ, ايقايلاپ وزدەرىمەن بىرگە الىپ كەتەدى ەكەن.
&ndash؛ پوليسيا قىزمەتكەرلەرى ءبىزدى قۋىپ جىبەرەدى يا بولماسا وزدەرىمەن بىرگە الىپ كەتەدى. ول ەندى قانداي قىزمەتكەر جولىققانىنا بايلانىستى. كەيبىرەۋلەرى بايقاماي قالادى, ال بايقاپ قويسا, الىپ كەتۋى مۇمكىن. بۇگىن مىسالى پوليسەيلەر وتىرعان كولىككە جاقىنداپ فارالارىن ءسۇرتىپ بەرسەم بولادى ما دەدىم. ولار جۇمىس كولىگىمەن بولعان جوق. ءبىراق مەنىڭ ءوتىنىشىمدى قابىلداپ, مەن كولىگىنىڭ فاراسىن تازالاپ بەردىم. ەڭبەگىم ءۇشىن 200 تەڭگە بەردى. ارتىق ەشتەڭە ايتپادى, ؛&ndash؛ دەيدى يسمەت. ؛
"كوشەدە قايىر تىلەپ جۇرگەننەن گورى جۇمىس ىستەگەن جاقسى" دەپ سانايتىن بالالار جاعدايى جوق ادامداردى كورگەندە قولدان كەلگەنشە كومەكتەسىپ تۇرادى ەكەن. 13 جاسىنان باستاپ كاسىپپەن اينالىسىپ جۇرگەن وقۋشىلاردىڭ بولاشاققا قۇرعان جوسپارلارى دا بار. ەر جەتكەن سوڭ ماكسيم &ndash؛ اسپاز, يسمەد ؛&ndash؛ اۆتومەحانيك, ال يان ءوزىنىڭ كلينيكاسىن اشىپ, ءتىس دارىگەرى بولعىسى كەلەدى.
پىكىر قالدىرۋ
پىكىر