توقاەۆ ءوزى سىناعان ۇكىمەتتى قالاي جاساقتاۋى مۇمكىن؟

قازاقستاندا كەشە سيفرلىق دامۋ, يننوۆاسيالار جانە اەروعارىش ونەركاسىبى ءمينيسترى اسقار جۇماعاليەۆ قىزمەتىنەن بوساتىلدى. ونىڭ قىزمەتىن اتالعان ۆەدومستۆوعا ۆيسە-مينيستر بولىپ تاعايىندالعان باعدات مۋسين ۋاقىتشا اتقارماق. سوڭعىسى بۇعان دەيىن پرەزيدەنتتىڭ سيفرلاندىرۋ جانە يننوۆاسيالىق تەحنولوگيالار جونىندەگى كەڭەسشىسى بولعان. قوعام تاراپىنان دا, پرەزيدەنت تاراپىنان دا سىنعا ۇشىراپ جۇرگەن قازىرگى ۇكىمەت قايتا جاساقتالا ما؟ ؛ قامشى ءتىلشىسى وسى تۋرالى ساراپشىلار پىكىرىن سۇرادى.

ساياساتتانۋشى, ۇلتتىق قوعامدىق سەنىم كەڭەسىنىڭ مۇشەسى ەرلان سايروۆ مينيسترلەردى بىر-بىرتىندەپ ورنىنان الۋ ارقىلى ۇكىمەتتىڭ باسىم كوپشىلىگى اۋىستىرىلۋى ىقتيمال ەكەنىن ؛ايتتى.

&ndash؛ پاندەميا كەزىندە ۇكىمەت اشىق جۇمىس ىستەۋ, قوعاممەن قويان-قولتىق جۇمىس ىستەۋ, ازاماتتىق قوعاممەن ديالوگقا بارۋ ماسەلەسى جاعىنان كەندە بولىپ قالدى. كوپتەگەن شەشىم كۋلۋاردى تۇردە جاسالىپ جاتىر. جالپى, قوعاممەن ەشقانداي بايلانىس, ديالوگ جوق. سوندىقتان بۇگىنگى ۇكىمەتتىڭ جۇمىس ىستەۋ ءتاسىلى مەن ءستيلى ازاماتتىق قوعامدى دا, پرەزيدەنتتى دە قاناعاتتاندىرماي وتىر. جانە جۇمىسى اقساپ قالعان مينيسترلەر بويىنشا شەشىم قابىلداۋ جونىندە ورتاق پىكىرگە كەلگەن ءتارىزدى. پاندەميا باستالعاندا قازاقستاندا سيفرلاندىرۋ سالاسىندا شەشىلمەگەن ماسەلە كوپ ەكەنىن بەلگىلى بولدى. وسى سياقتى وزىنە جۇكتەلگەن مىندەتتى اتقارا الماي وتىرعان مينيستر, اكىمدەرگە قاتىستى ناقتى شەشىم قابىلدانۋى ىقتيمال. حالىق ۇكىمەتتىڭ قابىلداعان قارارلارى مەن شەشىمدەرىنە سەنىممەن قاراۋ كەرەك. ول ءۇشىن حالىق پەن ۇكىمەت تىكەلەي جۇمىس ىستەۋگە ءتيىس. ال بۇل ۇكىمەت ازىرشە قوعام بەلسەندىلەرىمەن, ازاماتتىق قوعام وكىلدەرىمەن بىرلەسىپ جۇمىس ىستەۋگە بارا الماي وتىر. مەنىڭشە, وسىلاي مينيسترلەردى بىر-بىرتىندەپ ورنىنان الۋ ارقىلى ۇكىمەتتىڭ باسىم كوپشىلىگى اۋىستىرىلۋى ىقتيمال, &ndash؛ دەيدى ساياساتتانۋشى.

"حاق" (حالىققا ادال قىزمەت) قوزعالىسىنىڭ جەتەكشىسى توعجان قوجاليەۆا "ەكس-مينيستر اسقار جۇماعاليەۆ جۇمىسىن قاي دەڭگەيدە اتقارعانىن پاندەميا كورسەتىپ بەردى" دەگەن پىكىردە.

&ndash؛ ءبىزدىڭ ەلدە بيلىكتە ءوزىنىڭ جۇمىسى ءۇشىن, جۇمىسىنىڭ ناتيجەسى مەن قورىتىندىسى ءۇشىن جاۋاپ بەرەر ءسات تۋعاندا ءارى قابىلدانعان شەشىمنىڭ تيىمسىزدىگىنە قاراي جازا بولاتىنىن بىلگەندە عانا بارلىق شەندىلەر جاۋاپتى بولىپ, ءونىمدى جۇمىس ىستەيدى. اسقار جۇماعاليەۆتى وسى كەتكەننەن مەملەكەتتىك قىزمەتكە قايتا كەلمەيتىندەي ەتىپ كەتىردى دەپ ۇمىتتەنەمىن. ويتكەنى جۇماعاليەۆ مينيستر كرەسلوسىندا ۇزاق ۋاقىت وتىردى. بۇل ارالىقتا ەلدى سيفرلاندىرۋعا ملرد-تاعان تەڭگە جۇمسالدى.

 ؛

سونىڭ سالدارىنان 42500 تەڭگە الاردا حالىق ءبىرىڭعاي جيىنتىق تولەمدى قالاي تولەرىن بىلمەدى, ازاماتتار "سون"-داردىڭ الدىندا ساعاتتاپ كەزەكتە تۇرىپ, ىندەت جۇقتىرىپ الىپ جاتتى. مەكتەپتەر ءۇش اپتا ونلاين وقىتۋعا وتە الماي اقىرىندا zoom مەن whatsapp-قا كوشىپ, ءبىلىم ساپاسى بىردەن تومەندەپ كەتتى. ستاتيستيكا بىرىكتىرىلمەگەندىكتەن, ىندەتتىڭ ناقتى كورسەتكىشىن بىلە الماي وتىرمىز. عارىش تۋرالى بىردەڭە دەۋدىڭ ءوزى ارتىق. بىزدە ول سالا مۇلدە كەنجەلەپ تۇر. بايقوڭىر رەسەيدىڭ باسىبايلى جەرى سياقتى. بۇل باعىتتا مەملەكەتتىك مۇددە قورعالمايدى. ءار اۋداندا ناۋقاستىڭ ەلەكتروندىق ءتولقۇجاتى بار, تەلەمەديسيناعا قوسىلۋعا مۇمكىندىك بار دەلىنگەن. ءىس جۇزىندە ونىڭ ءبىرى دە جوق بولىپ شىقتى. مۇنىڭ ءبارى تىرناقشانىڭ ىشىندە ايتقاندا "جۇماعاليەۆ جۇمىسىنىڭ جەمىسى". ال ودان دا كەڭ ماسشتابتا قارار بولساق, ەلدىڭ تۇتاس ەكونوميكاسى بيلىككە تامىر-تانىس ارقىلى كەلگەن ادامداردان, مەريتوكراتيا قاعيداتى مۇلدە ساقتالمايتىنىنان زارداپ شەگىپ وتىر, &ndash؛ دەيدى ول.

توعجان قوجاليەۆا "ۇكىمەتتى تولىق اۋىستىرۋ كەرەك, الايدا بيلىكتىڭ كادرلىق ساياساتىنا قاراعاندا مينيسترلەر كابينەتى بىرتىندەپ اۋىساتىن سياقتى" دەپ سانايدى.

&ndash؛ مامين ۇكىمەتى كوروناۆيرۋسقا قارسى كۇرەستە شاراسىزدىق تانىتتى. بۇل &ndash؛ ءبىر. ەكىنشىدەن, ەكونوميكالىق داعدارىسپەن كۇرەسە المايتىنىن كورسەتتى. ەلدى بۇل داعدارىستان الىپ شىعۋدىڭ ناقتى جولىن ءالى ۇسىنبادى. سوندىقتان مامين ۇكىمەتىن تولىقتاي اۋىستىرۋ كەرەك. بيلىككە ارى لايلانباعان, قولى بىلعانباعان جاڭا ادامدار كەرەك. الايدا سوڭعى ۋاقىتتا بولعان كادرلىق وزگەرىستەرگە قاراعاندا, ۇكىمەت بىرتىندەپ قانا وزگەرەتىن سياقتى. وندا دا ءىشىنارا عانا اۋىساتىن ءتۇرى بار. ەندىگى كەزەكتە جۇكتەلگەن مىندەتتى ورىنداي الماعان ۇلتتىق ەكونوميكا ءمينيسترى رۋسلان دالەنوۆ پەن قارجى ءمينيسترى ەرۇلان جاماۋباەۆ ورنىن بوساتۋى مۇمكىن, &ndash؛ دەدى قوزعالىس جەتەكشىسى.