پاندەميا كەزىندە دۇرىس تاماقتانۋ وتە ماڭىزدى. قامشى ءتىلشىسى بۇعان دەيىن دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) رەسمي سايتىنداعى ؛پايدالى جاتتىعۋلارعا ؛قاتىستى ؛اپقاراتتاردى ؛قازاق تىلىنە اۋدارىپ ۇسىنعان. ەندى ددسۇ-نىڭ دۇرىس تاماقتانۋعا ارنالعان نۇسقاۋىن بەرىپ وتىرمىز.

ال, covid-19 تۋرالى "كوپ سۋ ءىشۋ كوروناۆيرۋستى ەمدەۋگە كومكتەسە مە؟", الكوگول covid-19-دى ەمدەي مە؟" دەگەن سياقتى ساۋالدار ءۇشىن ؛"كوروناۆيرۋس سۇراق-جاۋاپتارىن" ؛وقۋعا كەڭەس بەرەمىز.

 ؛

كوروناۆيرۋس پاندەمياسى كەزدىندە ەرەسەكتەرگە ارنالعان تاماقتانۋ بويىنشا كەڭەستەر:

 ؛

دۇرىس تاماقتانۋ وتە ماڭىزدى. جاقسى بالانستى ديەتاسى بار ادامداردىڭ دەنساۋلىعى مىقتى ءارى يممۋندىق جۇيەلەرى كۇشتى بولادى. وعان قوسا, ولاردىڭ سوزىلمالى اۋرۋلار مەن جۇقپالى اۋرۋلارعا شالدىعۋ ءقاۋپى تومەندەيدى.

دەنەڭىزگە قاجەت دارۋمەندەر, مينەرالدار, ديەتالىق تالشىقتار, اقۋىز جانە انتيوكسيدانتتاردى الۋ ءۇشىن كۇن سايىن ءار ءتۇرلى جاڭا (سۆەجيي) ؛جانە وڭدەلمەگەن تاعامداردى جەۋ كەرەك. سۋدى جەتكىلىكتى مولشەردە ءىشىڭىز. ارتىق سالماق, سەمىزدىك, جۇرەك اۋرۋلارى, ينسۋلت, قانت ديابەتى جانە قاتەرلى ىسىك تۇرلەرىنىڭ پايدا بولۋ ءقاۋپىن ەداۋىر تومەندەتۋ ءۇشىن قانت, ماي جانە تۇزدان اۋلاق بولىڭىز.

كۇن سايىن جاڭا جانە وڭدەلمەگەن تاعامداردى جەڭىز

جەمىستەردى, كوكونىستەردى, بۇرشاقتى داقىلداردى (مىسالى, جاسىمىق, بۇرشاق), جاڭعاقتاردى جانە ءداندى داقىلداردى (مىسالى, وڭدەلمەگەن جۇگەرى, تارى, سۇلى, بيداي, قوڭىر كۇرىش نەمەسە كراحمالدى تۇينەكتەر نەمەسە كارتوپ, يام, تارو نەمەسە كاسسا سياقتى تامىرلار) جانە جانۋارلاردان الىناتىن تاعامداردى جەڭىز (مىسالى, ەت, بالىق, جۇمىرتقا جانە ءسۇت).

كۇن سايىن, تۇتىنۋعا: 2 كەسە جەمىس (4 پورسيا), 2,5 كەسە كوكونىس (5 پورسيا), 180گ ءدان, 160گ ەت پەن بۇرشاق (قىزىل ەتتى اپتاسىنا 1&ndash؛2 رەت تۇتىنۋعا بولادى, قۇس ەتى اپتاسىنا 2-3 رەت).

تاعامدار ۇشىن ؛شيكى كوكونىستەر مەن جاc جەمىستەردى تاڭداڭىز. قانت, ماي نەمەسە تۇزى كوپ تاعامداردان بارىنشا تيىلعان ءجون.

كوكونىستەر مەن جەمىستەردى اسىرا ءپىسىرىپ جىبەرمەڭىز, سەبەبى بۇل ماڭىزدى دارۋمەندەردى جوعالتۋى مۇمكىن.

كونسەرۆىلەنگەن نەمەسە كەپتىرىلگەن كوكونىستەر مەن جەمىستەردى پايدالانعان كەزدە تۇز بەن قانتسىز سورتتاردى تاڭداڭىز.

كۇن سايىن جەتكىلىكتى مولشەردە سۋ ءىشىڭىز

سۋ ءومىر ءۇشىن قاجەت. ول قانداعى قورەكتىك زاتتار مەن قوسىلىستاردى تاسىمالدايدى, ءسىزدىڭ دەنە تەمپەراتۋراڭىزدى رەتتەيدى, قالدىقتاردان ارىلتادى, بۋىنداردى مايلاعىش جانە جاستىقشالارمەن قامتاماسىز ەتەدى.

كۇنىنە 8-10 كەسە سۋ ءىشىڭىز.

سۋ - بۇل ەڭ جاقسى تاڭداۋ, ءبىراق سونىمەن بىرگە قۇرامىندا سۋ بار باسقا سۋسىنداردى, جەمىستەر مەن كوكونىستەردى, مىسالى, ليمون شىرىنى (سۋدا سۇيىلتىلعان جانە تاتتىلىگىن جوعالتقان), شاي جانە كوفە ىشۋگە بولادى. ءبىراق كوفەيندى كوپ ىشپەڭىز جانە ءتاتتى جەمىس شىرىندارىن, سيروپتاردى, جەمىس شىرىنىن كونسەنتراتتارىنان اۋلاق بولىڭىز, ويتكەنى ولاردىڭ قۇرامىندا قانت بار. ؛

ورتاشا مولشەردەگى مايلى تاعام تۇتىنىڭىز

قانىققان مايلاردى (مىسالى, مايلى ەت, ماي, كوكوس مايى, كىلەگەي, ىرىمشىك) ەمەس, قانىقپاعان مايلاردى (مىسالى, بالىق, اۆوكادو, جاڭعاقتار, ءزايتۇن مايى, سويا, راپس, كۇنباعىس جانە جۇگەرى مايلارىنان) قولدانىڭىز.

مايى از اق ەت (مىسالى, قۇس ەتى) پەن بالىقتى تاڭداڭىز( سەبەبى ولاردا قىزىل ەتتەن گورى مايى از). ؛

وڭدەلگەن ەتتەردەن اۋلاق بولىڭىز, ويتكەنى ولاردىڭ قۇرامىندا ماي مەن تۇز كوپ.

مۇمكىندىگىنشە, ءسۇت جانە ءسۇت ونىمدەرىنىڭ مايلى قۇرامى تومەن نۇسقالارىن تاڭداڭىز.

ونەركاسىپتە وندىرىلەتىن ترانس مايلاردان اۋلاق بولىڭىز. بۇل كوبىنەسە وڭدەلگەن تاماق, فاستفۋد, جەڭىل تاعامدار, قۋىرىلعان تاعام, مۇزداتىلعان پيسسا, بالىشتەر, پەچەنە, مارگاريندەر مەن سپرەدتەردە كەزدەسەدى.

تۇز بەن قانتتى از قولدانىڭىز

تاعام دايىنداۋ دايىنداۋ كەزىندە تۇز بەن جوعارى ناتريي قوسپالارىن (مىسالى, سويا سوۋسى مەن بالىق تۇزدىعى) شەكتەڭىز.

كۇندەلىكتى تۇزدى قابىلداۋ مولشەرىن 5 گ-دان از (شامامەن 1 شاي قاسىق) شەكتەڭىز جانە يودتالعان تۇزدى قولدانىڭىز.

تۇز بەن قانت كوپ بولاتىن تاعامداردان (مىسالى, جەڭىل تاعامداردان) اۋلاق بولىڭىز.

گازدالعان سۋسىنداردان جانە قانت مولشەرى جوعارى باسقا سۋسىنداردان (مىسالى, جەمىس شىرىندارى, جەمىس شىرىنى كونسەنتراتتارى مەن سيروپتار, حوش ءيىستى ءسۇت پەن يوگۋرت سۋسىندارى) شەكتەلىڭىز.

پەچەنە, تورت جانە شوكولاد سياقتى ءتاتتى تاعامداردىڭ ورنىنا جاڭا پىسكەن جەمىستەردى تاڭداڭىز.

سىرتتا تاماقتانۋدان اۋلاق بولىڭىز

باسقا ادامدارمەن قارىم-قاتىناس جىلدامدىعىن ازايتۋ جانە covid-19 اسەرىنە ۇشىراۋ مۇمكىندىگىن ازايتۋ ءۇشىن ۇيدە تاماقتانعان دۇرىس. ءوزىڭىز بەن جوتەلگەن نەمەسە تۇشكىرگەن ادام اراسىندا كەمىندە 1 مەتر قاشىقتىقتى ساقتاۋدى ۇسىنامىز. مەيرامحانالار مەن كافەلەر سياقتى الەۋمەتتىك ورىنداردا بۇل (1 مەتر قاشىقتىقتى ساقتاۋ) كوبىندە مۇمكىن بولمايدى. ۆيرۋس جۇقتىرعان ادامداردىڭ نيفەكسيالى تامشى تۇيىرشىكتەرى باسقالاردىڭ بەتىنە جانە قولىنا جۇعۋى مۇمكىن (مىسالى, تۇتىنۋشىلار مەن قىزمەتكەرلەردىڭ), كوپتەگەن ادامدار كەلىپ-كەتىپ جاتقاندىقتان, ولاردىڭ قولدارىن ۇنەمى جۋىپ جاتقانىن, بەتتەرىن ۋاعىندا تازارتىپ, زالالسىزداندىرىلىپ جاتقاندىعىنا ەشكىم كەپىلدىك بەرە المايدى. ؛

كەڭەس بەرۋ جانە پسيحوالەۋمەتتىك قولداۋ

دۇرىس تاماقتانۋ دەنساۋلىق پەن يممۋنيتەتتى جاقسارتادى, ءبىراق ولار سيقىرلى تاياق ەمەس. سوزىلمالى اۋرۋمەن اۋىراتىن ادامداردىڭ covid-19 جۇقتىرعانىنا ؛ كۇمان تۋسا, نەمەسە راستالسا, ولاردىڭ دەنساۋلىعىن ساقتاۋ ءۇشىن پسيحيكالىق دەنساۋلىعىنا جانە ديەتاسىنا قولداۋ قاجەت بولۋى مۇمكىن. ول ءۇشىن ءتيىستى تۇردە دايىندالعان دەنساۋلىق ساقتاۋ ماماندارىنان كەڭەس جانە پسيحوالەۋمەتتىك قولداۋ سۇراعان ءجون.

تالعار دالەلعازى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر