19 شىلدە, 2020 news
ۆيدەودان الىنعان
قىزىلوردا وبلىستىق پوليسيا دەپارتامەنتى ءتۇرعىن-ۇي كەشەنى الدىندا پوليسيا قىزمەتكەرلەرىمەن بولعان جانجالعا قاتىستى تۇسىنىك بەردى. دەپارتامەنتتەگىلەردىڭ سوزىنشە, جاسوسپىرىمدەردىڭ اراسىندا باستالعان توبەلەس پوليسيا قىزمەتكەرلەرىمەن جانجالعا ۇلاسقان. وعان ەرەسەكتەر ارالاسقان.
پوليسيا دەپارتامەنتى ءباسپاسوز قىزمەتىنىڭ مالىمەتىنشە, 18 شىلدە كۇنى تاڭەرتەڭ قىزىلوردا پوليسيا بولىمشەسىنىڭ كەزەكشى بولىمىنە كوپقاباتتى ءۇيدىڭ اۋلاسىنداعى توبەلەس تۋرالى حابارلاما تۇسكەن.
"وقيعا ورنىنا كەلگەن پوليسيا ەكيپاجى كامەلەت جاسقا تولماعان بالالاردىڭ توبەلەسىپ جاتقانىن انىقتادى. پوليسيا قىزمەتكەرلەرى ولاردى اجىراتا باستادى. ءدال وسى ۋاقىتتا وقيعانىڭ انىق-قانىعىن بىلمەستەن ەرەسەكتەر كەلىپ زاڭعا باعىنباي, قىزمەتكەرلەرگە كەدەرگى جاسادى" دەلىنگەن پد مالىمدەمەسىندە. ؛
انىقتالعانداي جاسوسپىرىمدەر اعايىندى بولىپ شىقتى. بىرەۋىنىڭ جاسى 13-تە, ەكىنشىسى 17-دە.
اتالعان دەرەك بويىنشا اكىمشىلىك قۇقىقبۇزۋشىلىق تۋرالى كودەكستىڭ 434-بابى 2-تارماعى (ۇساق بۇزاقىلىق) نەگىزىندە اكىمشىلىك حاتتاما تولتىرىلعان.
كامەلەت جاسقا تولماعان جاسوسپىرىمدەردىڭ اكەسىنە قاتىستى قىلمىستىق كودەكستىڭ 380-بابى 1-تارماعى (بيلىك وكىلىنە قاتىستى كۇش قولدانۋ) بويىنشا تەرگەۋ جۇمىستارى باستالدى.
بۇعان دەيىن جەلىدە قىزىلوردادا پوليسيا قىزمەتكەرلەرىنىڭ ءۇي اۋلاسىندا الدەكىمدەردى سۇيرەپ, كولىككە كۇشتەپ وتىرعىزباق بولعان ۆيدەوسى تاراعان. ۆيدەودان وقيعاعا ۇلكەندەر ارالاسىپ, جانعالعا ۇلاسقانىن كورۋگە بولادى.
؛&diams؛ وقي وتىرىڭىز: ؛"گۇلشارا ءابدىحالىقوۆا مىناعان نە دەيسىڭ؟ پوليسيا حالىقتى مالشا سۇيرەپ جاتىر" (ۆيدەو)
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر