covid-19-عا قاتىستى سۇراق-جاۋاپتار: ؛

كوپ مولشەردە سۋ ءىشۋ كوروناۆيرۋستان جازىلۋعا كومەكتەسە مە؟

سۋدى كوپ ءىشۋ كوروناۆيرۋستى نەمەسە اۋرۋدى جوياتىنىنا جانە اسقازان قىشقىلى ۆيرۋسىن ولتىرەتىنىنە ەشقانداي دالەل جوق. دەگەنمەن, دەنساۋلىقتى ساقتاۋ ءۇشىن, بۇل ۇسىنىلادى. ادامداردىڭ دەنساۋلىعى ءۇشىن جانە سۋسىزدانۋدىڭ الدىن الۋ ءۇشىن كۇن سايىن جەتكىلىكتى مولشەردە سۋ بولۋى كەرەك.

الكوگولدى تۇتىنۋ covid-19 ۆيرۋسىن ولتىرە مە؟

الكوگولدى ىشىمدىكتەردى ءىشۋ ۆيرۋستى جويمايدى. ەگەر ادام ۆيرۋس جۇقتىرسا, ءسپيرتتى ىشىمدىك ءىشۋ دەنساۋلىققا ءقاۋىپ ءتوندىرۋى مۇمكىن. ؛الكوگول ( 60%-دان كەم ەمەس كونسەنتراسيادا) تەرىڭىزگە دەزينفەكسيا رەتىندە جۇمىس ىستەيدى, ءبىراق ونى ىشكەندە ءسىزدى ەمدەۋ ءرولىن اتقارمايدى.

كوروناۆيرۋستى زاتتاردان جۇقتىرۋ مۇمكىن بە؟

ادامدار ۆيرۋس ينفەكسياسى بار زاتتارعا قول تيگىزىپ, سودان كەيىن كوزدەرىن, مۇرنىن نەمەسە اۋزىن ۇستاسا, covid-19-دى جۇقتىرىپ الۋى مۇمكىن.

نارەستەلەردە كوروناۆيرۋس اۋرۋى پايدا بولۋى مۇمكىن بە؟

كەز-كەلگەن جاستاعى ادامدار ۆيرۋستى جۇقتىرۋى مۇمكىن, ءبىراق بالالار اراسىندا covid-19 وقيعاسى سيرەك كەزدەسەدى.

كوروناۆيرۋس اۋرۋى بار ناۋقاستاردا ادەتتەگى دەنە تەمپەراتۋراسى قانداي؟

ادامنىڭ قالىپتى تەمپەراتۋراسى سىرتقى تەمپەراتۋرا مەن اۋا-رايىنا قاراماستان, شامامەن 36,5°؛, 37°؛c ارالىعىندا بولادى. ءوزىڭىزدى كوروناۆيرۋستان قورعاۋدىڭ ءتيىمدى ءادىسى ؛&ndash؛ قولىڭىزدى الكوگول نەگىزىندەگى قول سۇرتكىشپەن, انتيسەپتيكپەن ءسۇرتۋ نەمەسە سابىندى سۋمەن جۋىپ تازارتۋ.

كوروناۆيرۋس جۇقتىرعان ادامنىڭ قانداي سيمپتومدارى بار؟

بۇل ۆيرۋسقا بايلانىستى, ءبىراق ءجيى كەزدەسەتىن بەلگىلەرگە قىزۋ, جوتەل, ەنتىگۋ, تىنىس الۋ قيىندىقتارى جانە قول-اياق اۋرۋى كىرەدى. نەعۇرلىم اۋىر جاعدايلاردا ينفەكسيا پنەۆمونياعا, اۋىر جەدەل رەسپيراتورلىق سيندرومعا, بۇيرەك السىزدىگىنە جانە ءتىپتى ولىمگە سوقتىرۋى مۇمكىن.

كوروناۆيرۋس قالاي تارالادى؟

جاريالانعان ەپيدەميولوگيا مەن ۆيرۋسولوگيا زەرتتەۋلەرىنىڭ مالىمەتتەرى covid-19 نەگىزىنەن سيمپتوماتيكالىق ادامداردىڭ تىنىس الۋى ارقىلى, جۇقتىرعان ادامدارمەن تىكەلەي بايلانىستا بولۋ ارقىلى نەمەسە لاستانعان زاتتارمەن جاناسۋ ارقىلى جۇعاتىنى دالەلدەندى.

كوروناۆيرۋس ازىق-تۇلىك ارقىلى تارالۋى مۇمكىن بە؟

كوروناۆيرۋستار بەلگىلى ءبىر ۋاقىت ىشىندە تومەن جانە مۇزداتىلعان تەمپەراتۋرادا ءومىر سۇرەتىنى دالەلدەنگەن. دەگەنمەن, تاماق گيگيەناسى مەن تاماق ونىمدەرىنىڭ قاۋىپسىزدىگىنە كەپىلدىك بەرىلسە, ۆيرۋستىڭ ازىق-تۇلىك ارقىلى تارالۋىنان ساقتانۋعا بولدى.

كوروناۆيرۋس ءقاۋىپتى مە؟

كوپتەگەن ادامدار covid-19 جۇققاندا, جەڭىل اۋىرادى, ءبىراق كەيبىر ادامدار قاتتى اۋىرۋى مۇمكىن. سيرەك جاعدايدا اۋرۋ ولىمگە اكەلەدى. ەگدە جاستاعى ادامدار مەن بۇرىن مەديسينالىق اۋرۋ تاريحى بار ادامدارعا (مىسالى, جوعارى قان قىسىمى, جۇرەك اۋرۋى نەمەسە قانت ديابەتى) ءقاۋىپ ءتوندىرۋى مۇمكىن.

كوروناۆيرۋستىق اۋرۋدىڭ قالپىنا كەلۋ ۋاقىتى قانشا كۇن؟

قازىرگە دەيىنگى زەرتتەلگەن مالىمەتتەردى قولدانا وتىرىپ, اۋىر جاعدايلاردان باستالعاننان كلينيكالىق قالپىنا كەلۋگە دەيىنگى ۋاقىت شامامەن 2 اپتادان 3-6 اپتاعا دەيىن جالعاسادى. اۋىر نەمەسە ورتاشا اۋرۋلارى بار ناۋقاستار 3-6 اپتادا قالپىنا كەلۋى مۇمكىن.

كوروناۆيرۋتىڭ ءولىم-جىتىم دەڭگەيى قانشا پايىز؟

covid-19-دىڭ ءولىم-جىتىم دەڭگەيى ءار ەلدە جانە ءار ايلاردا ءارتۇرلى. ەڭ جوعارى ءولىم-جىتىم دەڭگەيى ؛يتاليادا 14 پايىز, قىتايدىڭ ۋحان قالاسىندا قاڭتار ايىندا 20 پايىزدان اسقان. ءقازىر گەرمانيادا 4 پايىز شاماسىندا. ال الەم بويىنشا ورتا ەسەپپەن 4 پايىز مولشەرىندە. دەگەنمەن, بۇل داتالار ءالى وزگەرۋى مۇمكىن, سەبەبى بۇل ۆيرۋس جۇقتىرعانداردىڭ ناقتى سانىن قانشالىقتى دالدىكپەن انىقتاۋعا بايلانىستى. راستالعان covid-19 اۋرۋلارى مەن ءىس جۇزىندە ىندەتتى جۇقتىرعانداردىڭ ايىرماشىلىعى ءولىم-جىتىم موشلەرىنىڭ ناتيجەسىنە اسەر ەتەدى.

پاندەميا كەزىندە بارلىق جاستاعى ادامدار ءۇشىن مۇمكىندىگىنشە بەلسەندى بولۋ وتە ماڭىزدى. دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) بەلسەندى بولۋ كومپانياسى سىزگە دۇرىس جاتتىعۋ جاساۋعا جانە كوڭىل-كۇيىڭىزدى كوتەرۋگە كومەكتەسەدى. قامشى ءتىلشىسى ؛ددسۇ رەسمي سايتىنداعى ؛پايدالى جاتتىعۋلار ؛مەن ؛اپقاراتتاردى ؛قازاق تىلىنە اۋدارىپ ۇسىنادى.

پاندەميا ۋاعىندا دۇرىس تاماقتانۋ دا وتە ماڭىزدى. كوروناۆيرۋس كەزىندە قانداي تاماقتار پايدالى ەكەنىن بىلگىڭىز كەلسە, ددسۇ-نىڭ دۇرىس تاماقتانۋ تۋرالى نۇسقاۋىن وقىڭىز.

تالعار دالەلعازى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر