التىن وردادا "؛حرەن"؛ جوق. اقجەلكەك شىنىمەن دە كوروناۆيرۋستى ەمدەي الا ما؟

"التىن وردادا "حرەن" جوق. كۇنى بۇرىن تاپسىرىس بەرىپ قويىپ, ەرتەسى الىپ ءجۇرمىز. بۇرىن بۋماسىن 50 تەڭگەدەن ساتاتىنبىز. ءقازىر ءوزىمىز 250 تەڭگەدەن الامىز". بۇل كوكەنىس دۇكەنىنىڭ ساتۋشىسى اقەركەنىڭ ءسوزى. سوڭعى بىر-ەكى اپتادا قازاقستاندىقتار اقجەلكەكتى جاپپاي ساتىپ الىپ جاتىر. وعان وسىمدىك تامىرى "كوروناۆيرۋس پەن پنەۆمونياعا مىڭ دا ءبىر داۋا ەكەن" دەگەن الەۋمەتتىك جەلىدە جەلدەي ەسكەن اڭگىمە سەبەپ.

facebook جەلىسىندە اقجەلكەكتىڭ پايداسى تۋرالى كەڭ تاراعان جازبالاردىڭ ءبىرى &ndash؛ جۋرناليست سەرىك ابىكەنۇلىنىڭ جازعانى. ونىڭ سوزىنشە, وسىمدىك تامىرى ءيىس سەزۋگە كومەكتەسكەن.

"كەشەلى بەرى تاجىربيەدەن وتكەن ءبىر ەم-دوم جايلى جازايىن. ۇيدە ۇلكەن كىسى, كەلىنشەگىم, قىزىم اۋىرىپ جاتىر. ۇلىم كۇندىز-تۇنى ءدارىحانا ارالاپ ءجۇرىپ كەرەك دەگەن ءدارىنىڭ ءبارىن تاپتى. ءبىراق قىمبات سيستەما مەن ۋكولدان ەشبىرى سەرگىپ كەتپەدى. كۇرك-كۇرك, ىرس-ىرس. قىز بەن شەشەسى ءيىس سەزبەيدى. سودان كەشە مىنا حرەن (قازاقشاسىن بىلمەيدى ەكەم) تۋرالى ەستىپ, وقىدىم. تامىرىن قازىپ, جۋىپ 60-70 گرامدايىن ۇگىتكىشتەن وتكىزدىم دە ەكى قاسىق ؛ بال قوسىپ, سۋ ءقۇيدىم. اششىلاۋ تۇنبا بولدى. سودان ءارقايسىنا ەكى اس قاسىقتاي مولشەردە ىشكىزدىم. جارتى ساعاتتان سوڭ قىزىم: ۋرا! مۇرنىم ءيىس سەزدى! &ndash؛ دەدى. ءۇش ساعات سايىن جاڭاعى مولشەردە ءىشتى. كەشە قينالا دەمالىپ وتىرعان ۇلكەن كىسى بۇگىن تاڭدا ماعان ۇرساتىن كۇش جيىپ الىپتى, ايەلىم ءۇي جيناپ ءجۇر. اپتا بويى سورعالاعان تەر ساپ تيىلعان. جۇما بويى العان دارىلەرى مە, تۇنبا ما ايتەۋىر بۇگىن كوڭىل-كۇيلەرى جاقسى. ءيىس سەزۋگە حرەن كومەكتەسكەنى انىق ەندى" دەگەن جۋرناليست وسىمدىك تامىرىنىڭ ءدامى اششى ەكەنىن, اسقازانىندا جاراسى, اللەرگياسى بارلار جولاۋعا بولمايتىنىن, بۇل ناسيحات ەمەس, ءوزى قولدانعان ەم جايلى ايتسام دەگەن ويى ەكەنىن جەتكىزگەن.

قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ اقجەلكەكتىڭ شيپالىق مۇمكىنشىلىگى مول ەكەنىن ايتتى.

&ndash؛ "حرەن" حالىق مەديسيناسىندا بۇرىننان پايدالانىلىپ كەلەدى. ونى ۇگىتىپ, قوسپا جاساۋعا دا, كەسەك تۇرىندە تابانعا باساۋعا دا بولادى. حرەن دەنەدەگى ۆيرۋستىق ينفەكسيامەن كۇرەسۋگە كومەكتەسەدى. تابانعا باسقاندا دەنەنى قىزدىرىپ, سۋىقتى كەتىرەدى. ءارى وسى ءتاسىلدىڭ وكپەگە پايداسى مول. بۇگىنگىدەي ىندەت تاراپ جاتقاندا "حرەنمەن" ەمدەلۋدىڭ ەش زيانى جوق, &ndash؛ دەيدى عالىم.

ۋكراينانىڭ بەلگىلى دارىگەرى ەۆگەنيي كوماروۆسكيي اقجەلەكە كوزدى جاساۋراتاتىنىنىڭ ارقاسىندا كوروناۆيرۋستىق ينفەكسيا پروفيلاكتيكاسىندا پايدالى بولۋى مۇمكىن ەكەنىن ايتقان.

ونىڭ سوزىنشە, كوزجاسىنىڭ قۇرامىنداعى ليزوسين اقۋىزى ۆيرۋسقا قارسى قاسيەتكە يە.

&ndash؛ كوز جاسىنىڭ كوپ بولىگى مۇرىن-كوزجاس وزەگى ارقىلى مۇرىنعا قاراي جۇرەدى. جىلاعان كەزدە مۇرىننان سۋ اعاتىنى سودان. ال كوز جاسىندا ليزوسين بەلوگى بولادى. بۇل &ndash؛ ۆيرۋسقا قارسى امبەباپ, يممۋندىق قورعانىستى ءتۇزۋشى بىردەن-بىر بەلوك. ءجيى جىلايتىن بالالار مۇرىنى ليزوسين بەلوگىمەن شايىلاتىندىقتان سيرەك اۋىرادى. ال "حرەن" كوزدى جاساۋراتاتىن قاسيەتكە يە بولعاندىقتان, ونى پروفيلاكتيكالىق زات رەتىندە قاراستىرۋعا بولادى, &ndash؛ دەيدى ول.

factcheck.kz سايتى كوماروۆسكييدىڭ اقجەلكەكتىڭ جاساۋراتقىش قاسيەتى تۋرالى پىكىرىنە دە, الدىن الۋ قۇرالى تۋرالى پىكىرگە دە بولجام رەتىندە كەلىسۋگە بولاتىنىن, ءبىراق اقجەلكەكتىڭ ۆيرۋسقا قارسى قاسيەتى تۋرالى عىلىمي نەمەسە مەديسينالىق تۇرعىدا دالەلدەنگەن مالىمەت جوق ەكەنىن جازعان.

ال دارىگەر كاميلا مۇقاشەۆا "اقجەلكەك شىنىمەن دە ەمدىك قاسيەتكە يە, ؛ونى قوسالقى ەم ءتۇرى رەتىندە قولدانۋعا بولادى" دەپ ؛ سانايدى. ونىڭ قۇرامىندا س, ۆ دارۋمەنىنىڭ كەي توپتارى, ە جانە ا دارۋمەنى, امين قىشقىلى, جاسۇنىق, مينەرال بار.

&ndash؛ اقجەلكەك تامىرىن نەگىزگى ەمەس, قوسالقى ەم ءتۇرى رەتىندە قولدانۋعا بولادى. بىرىنشىدەن, اقجەلكەك, ءزىمبىر ىسپەتتى زات الماسۋدى جىلدامداتادى. زات الماسۋدىڭ جىلدامداۋى اعزادان توكسيندەردى تەز ءبولىپ شىعارادى. ءىس جۇزىندە دەنساۋلىققا كوروناۆيرۋستىڭ ءوزى ەمەس, ونىڭ توكسيندەرى زيان. ول اعزانى ۋلاپ, قاندى قويۋلاتادى, دەنە قىزۋى كوتەرىپ, دەنە مەن باستى اۋىرتادى. الايدا ونى ەمنىڭ نەگىزگى ءتۇرى رەتىندە ەمەس, مەديكومەنتوزدىق تەراپيامەن قاتار قولدانعان ءجون. مەنىڭشە, بۇل ناۋقاستىڭ ساۋىعۋىن جىلدامداتادى, &ndash؛ دەيدى دارىگەر.

ونىڭ سوزىنشە, اقجەلكەكتى باۋىرى, بۇيرەگى, قالقانشا بەزى, اسقازان-ىشەك جولى اۋىراتىندار, گاستريتى بارلار قولدانباعانى دۇرىس.

دارىگەر-نۋتريسيولوگ دينارا جاقىپوۆا اقجەلكەك يممۋندىق جۇيەنى كۇشەيتۋدە پايداسى مول ەكەنىن ايتتى.

&ndash؛ ۆيرۋستار شارتتى تۇردە "رنك" جانە "دنك" بولىپ بولىنەدى. اقجەلكەك "رنك" توبىنداعى ۆيرۋسقا قارسى جاقسى جۇمىس ىستەيدى. ال وتكىر رەسپيراتورلىق ۆيرۋستىق ينفەكسيا مەن كوروناۆيرۋستىق ينفەكسيا "رنك" توبىنا جاتادى. البەتتە, ءبىز اقجەلكەك covid-19-عا 100 پايىز قارسى تۇرا الادى دەپ ايتا المايمىز. الايدا ول اعزاداعى "رنك" ۆيرۋسىن انىقتاپ, ونىمەن كۇرەسىپ, يممۋندىق كلەتكالاردى تۇزەدى, &ndash؛ دەيدى نۋتريسيولوگ.

ال كوكەنىس دۇكەنىنىڭ ساتۋشىسى اقەركە "تۇرعىنداردىڭ اقجەلكەكتى جاپپاي ساتىپ الىپ جاتىر" دەيدى.

&ndash؛ التىن وردادا "حرەن" جوق. كۇنى بۇرىن تاپسىرىس بەرىپ قويىپ, ەرتەسى الىپ ءجۇرمىز. باعاسى قىمباتتاعان. بۇرىن بۋماسىن 50 تەڭگەدەن ساتاتىنبىز. ءقازىر ءوزىمىز 250 تەڭگەدەن الامىز. ءبىز بۇدان پايدا كورىپ جاتقان جوقپىز. تۇرعىندار كوپ سۇراپ كەلىپ جاتقان سوڭ اكەلىپ قويامىز, &ndash؛ دەيدى ول.