16 شىلدە, 2020 news

100 ملن-نان استام ادامدى جانىنان ايىرعان بۋبون وباسى قىتاي, موڭعوليا جانە امەريكادا قايتا تارالدى

getty

ورتا عاسىرلاردا 100 ميلليوننان استام ادامدى ومىرىنەن ايىرعان "قارا ءولىم" دەگەن اتپەن تانىمال بولعان بۋبون وباسى اقش كولورادو شتاتىندا راستالدى. بۇعان دەيىن بۋبون وباسى موڭعوليادا, قىتايدا انىقتالىپ, ادامدار قايتىس بولعانى حابارلانعان. ؛

usa today باسىلىمىنىڭ جازۋىنشا, كولورادو شتاتى دجەففەرسون وكرۋگىنىڭ دەنساۋلىق ساقتاۋ باسقارماسى دەنۆەرگە جاقىن ورنالاسقان مورريسون قالاسىندا ءبىر جانۋاردان بۋبون وباسى تابىلعانىن مالىمدەگەن. بۇل وسى اۋرۋدىڭ اقش-تاعى العاشقى بەلگىلى جاعدايى.

بۋبون وباسى ادامدارعا كوبىنەسە كەمىرگىشتەر مەن بۇرگەلەردەن جۇعادى.

ىندەت "yersinia pestis" باكتەرياسىنان تۋىندايدى جانە تۇماۋعا ۇقساس بەلگىلەر, قىزبا, قالتىراۋ, باس اۋرۋى جانە السىزدىك سەزىمى بولۋى مۇمكىن.

سيمپتومدار ادەتتە جەتى كۇنگە دەيىن سوزىلادى ءارى انتيبيوتيكتەرمەن ءتيىمدى ەمدەلەدى, الايدا ەگەر ەمدەلمەيتىن بولسا, ول قوزعالمالى اۋىر تۇرگە اينالۋى, ءتىپتى, پنەۆمونيانى قوزدىرۋى مۇمكىن.

&ndash؛ بۋبون وباسى ؛&ndash؛ بۇل yersinia pestis باكتەريالارى تۋدىراتىن جۇقپالى اۋرۋ جانە ەگەر ءتيىستى ساقتىق شارالارى جاسالماسا, ادامدارعا ءۇي جانۋارلارى ارقىلى جۇعۋى مۇمكىن, &ndash؛ دەگەن اقش جەرگىلىكتى وكرۋگ دانساۋلىق ساقتاۋ باسقارماسى.

ساقتىق شاراسى رەتىندە دەنساۋلىق ساقتاۋ قىزمەتكەرلەرى اۋرۋدىڭ كەز كەلگەن جۇعۋ مۇمكىندىگىن بولدىرماۋ ءۇشىن ءۇي جانۋارلارىمەن جاناسپاۋعا جانە جابايى جانۋارلاردىڭ ەتىن جەمەۋگە شاقىردى.

بۋبون وباسى العاش موڭعوليا مەن قىتايدا بايقالعان. موڭعوليادا ىندەتكە بايلانىستى بەس اۋدان كارانتيگە جابىلعان. موڭعوليانىڭ باتىس گوۆي-التاي پروۆينسياسىنداعى 15 جاستاعى ءبىر بالانىڭ كوز جۇمعانى حابارلاندى. جەرگىلىكتە اقپارات قۇرالدارىنىڭ جازۋىنشا, بالا جابايى جانۋاردىڭ ەتىن جەگەن. ؛

وسى ايدىڭ باسىندا حوۆد پروۆينسياسىندا تاعى ەكى ادامنان ۆيرۋس بايقالعان.

2019 جىلدىڭ ساۋىرىندە باتىس موڭعوليانىڭ بايان-ولگەي پروۆينسياسىندا ؛ ەرلى-زايىپتىلار جابايى جانۋار ەتىن جەگەننەن كەيىن, بۋبون وباسىنان قايتىس بولعان.

china daily-دىڭ حابارلاۋىنشا, وسى ايدا وبا قىتايدا دا ءبىر ادامنان تابىلعان. قالا ءۇشىنشى دەڭگەيدەگى ساقتانۋ شارالارىن جاريالاعان.

 ؛&ndash؛ قازىرگى ۋاقىتتا بۇل قالادا بۋبون وبا ىندەتىنىڭ تارالۋ ءقاۋپى بار. قوعام ءوزىنىڭ قورعانىس قابىلەتىن ارتتىرىپ, دەنساۋلىعىنىڭ جاعدايى تۋرالى تەز ارادا حابارلاۋى كەرەك, ؛&ndash؛ دەپ حابارلاعان قىتايدىڭ جەرگىلىكتى دەنساۋلىق ساقتاۋ باسقارماسى.

جاڭا زەرتتەۋگە سۇيەنە وتىرىپ, موڭعوليا دەنساۋلىق ساقتاۋ مينيسترلىگى, قىتاي مەن رەسەيدىڭ, سونداي-اق موڭعوليانىڭ التاي ايماقتارىندا بۇل اۋرۋ جۇقپالى بولۋى مۇمكىن دەپ جاريالاعان. ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر