قازاقستاندا اليمەنت ءوندىرۋ جەڭىلدەيدى

ادىلەت مينيسترلىگى ؛اتقارۋشىلىق ءىس جۇرگىزۋدىڭ ساپاسىن جاقسارتۋ ارقىلى ازاماتتاردىڭ قۇقىقتارىن قورعاۋ مەن ۋاقىتىلى ىسكە اسىرۋعا ەرەكشە نازار اۋدارىلاتىنىن حابارلادى.

بۇل ؛18 شىلدەدەن باستاپ كۇشىنە ەنەتىن "قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋدى جانە قىلمىستىق زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭعا سەيكەس جۇزەگە اسپاق.

قابىلدانعان تۇزەتۋلەر جەكە سوت ورىنداۋشىلارىنا اليمەنتتى, جالاقىنى, زەينەتاقىنى, جاردەماقىنى وندىرۋدە, ؛ ازاماتتاردىڭ ءومىرى مەن دەنساۋلىعىنا كەلتىرىلگەن زياندى وتەۋ تۋرالى اتقارۋشىلىق قۇجاتتاردى ورىنداۋدا قوسىمشا مىندەت جۇكتەمەك.

"بۇرىن كەيبىر جەكە سوت ورىنداۋشىلار, ولاردى اسا قىزىقتىرماعاندىقتان ماجبۇرلەپ ورىنداتۋ شارالارىن قولدانۋ مەرزىمىن سوزاتىن. ەندى ماجبۇرلەپ ورىنداتۋ ءشارالارى ؛بىر اي ىشىندە قابىلدانباسا, جەكە سوت ورىنداۋشىسى ليسەنزياسىنان ايىرىلۋى مۇمكىن" دەلىنگەن مينيسترلىك تاراتقان اقپاراتتىق حابارلامادا.

بۇدان باسقا, مەملەكەتتىك ەڭبەك ينسپەكتورىنىڭ جالاقىنى تولەۋ تۋرالى ۇيعارىمىنا اتقارۋشىلىق قۇجات مارتەبەسى بەرىلەدى. ؛بۇل جۇمىس بەرۋشى تاراپىنان قۇقىقتارى بۇزىلعان ازاماتتارعا جالاقىنى ءوندىرىپ الۋ ماسەلەلەرىن تەز شەشۋگە, سوتقا جۇمسالاتىن ۋاقىتى مەن سوت شىعىندارىن ۇنەمدەۋگە مۇمكىندىك بەرەدى.