كورنەكى سۋرەت
وتتەگى اپپاراتىن ساتىپ الۋعا قارجى جيناپ باستاعان بەلگىلى ءدىنتانۋشى قايرات جولدىبايۇلى بۇگىندە ەلدەن 52 ميلليون تەڭگەگە جۋىق قاراجات جينالعانىن حابارلاپ, دەنساۋلىق ساقتاۋ مينيسترلىگى الەكسەي سوي اپپاراتتى جەتكىزۋگە تەگىن ۇشاق ۇيىمداستىرىپ جاتقانىن جازدى.
"قازىرگە مەندە جينالعان قارجى 51 900 000 تەڭگە.
مينيستر ا. سوي تەگىن ۇشاق ۇيىمداستىرۋ جاعىن قاراستىرۋدا. ەگەر ۇشاق ماسەلەسى شەشىلەتىن بولسا, وندا بۇل قارجىعا 500 دانا وتتەگى كونسەنتراتورىن ساتىپ الا الامىز. مەن تاپسىرىس بەرىپ جاتقان زاۆودقا شۇعىلا قايىرىمدىلىق قورى دا تاپسىرىس بەرىپ جاتىر ەكەن. ەندى وسى قورمەن بىرىگىپ مينيستر ا. سويدان 1500 دانا كونسەنتراتوردى قازاقستانعا تەگىن جەتكىزىپ بەرۋىن سۇراپ جاتىرمىز. قولداۋلارىڭىز قاجەت. ۇشاق ويداعىداي شەشىلسە, ءبىر اپتادا وتتەگى كونسەنتراتورلارى قازاقستانعا جەتەدى. ۇلەس قوسىپ جاتقان بارشاڭىزدان اللا رازى بولسىن!
اكسيا جالعاسۋدا" دەلىنگەن قايرات جولدىبايۇلىنىڭ جەلىدەگى جازباسىندا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر