قىتاي ەلشىسى "؛قازاقستان ۆيرۋسى"؛ دەگەن مالىمدەمەسىنەن كەيىن الەكسەي سويمەن تەلەفوندا سويلەسكەن

قىتايدىڭ قازاقستانداعى ەلشىلىگى پنەۆمونيانى "قازاقستان ۆيرۋسى" دەپ جاريالاعاننان كەيىن, قىتاي ەلشىسى چجان سياو ەكى ەلدىڭ اراسىنداعى "ستراتەگيالىق سەرىكتەستىكتەردى جوعارى باعالاپ", قازاقستان دەنساۋلىق ساقتاۋ ءمينيسترى الەكسەي سويمەن تەلەفوندا سويلەسكەن. ەلشىلىكتىڭ ؛رەسمي سايتىنداعى مالىمدەمەگە سايكەس, سوي covid-19 ەپيدەمياسى كەزىندە كورسەتكەن قولداۋى ءۇشىن قىتايعا العىسىن بىلدىرگەن. الايدا نۇر-سۇلتان قالاسىندا ورنالاسقان ەلشىلىك بۇل جولى ىندەتتى "قازاقستان ۆيرۋسى" دەپ ەمەس, "كورونالىق پنەۆمونيا" دەپ اتاعان.

بۇعان دەيىن قىتاي ەلشىلىگى ەلدە تاراعان بەلگىسىز پنەۆمونيانى "قازاقستان ۆيرۋسى" دەپ اتاپ, "قازاقستاندا كوروناۆيرۋستان دا ءقاۋىپتى ۆيرۋس تارالدى" دەپ مالىمدەگەن. ەلشىلىكتىڭ مالىمدەمەسىنەن كەيىن كەيبىر قىتايلىق ساراپشىلار پنەۆمونيانىڭ قىتايعا تارالۋىن بولدىرماۋ ءۇشىن شارالار قابىلداۋ كەرەك ەكەنىن ايتىپ, قازاقستان مەن قىتايدىڭ سولتۇستىك-باتىسىنداعى شىڭجاڭنىڭ شەكتەسەتىنىن ەسكەرتكەن. كوپ وتپەي, باتىس باق-تارى "ورتالىق ازيا ەلىندە ءولىم كورسەتكىشى كوروناۆيرۋستان جوعارى جاڭا ۆيرۋس پايدا بولدى" دەگەن مازمۇنداعى اقپاراتتاردى جارىسا جاريالاعان. ؛

بۇل اقپاراتتار قازاقستاننىڭ دەنساۋلىق ساقتاۋ ءمينيسترى الەكسەي سويدىڭ "2020 جىلدىڭ العاشقى جارتى جىلدىعىندا پنەۆمونيادان 1172 ادام قايتىس بولدى" دەگەن مالىمدەمەسىنەن ؛كەيىن پايدا بولدى. الەكسەي سوي كەلتىرگەن دەرەككە ساي, پنەۆمونيادان قايتىس بولعاندار كوروناۆيرۋس ولىمىنەن بەس ەسەگە كوپ, سەبەبى رەسمي ستاتيستيكا بويىنشا قازىرگە دەيىن قازاقستاندا covid-19-دان كوز جۇمعاندار سانى 264.

ال 3 شىلدە كۇنى قر باس سانيتار دارىگەرى ايجان ەسماعامبەتوۆا ؛2020 جىلدىڭ العاشقى التى ايىندا 1772 ادامنىڭ, ؛ماۋسىمدا 628 ادامنىڭ ؛پنەۆمونيادان قايتىس بولعانىن ايتقان. ؛بۇل ەسەپ بويىنشا, پنەۆمونيادان كوز جۇمعاندار covid-19-دان قازا تاپقانداردان 7 ەسە كوپ.

بۇل الەم نازارىن قازاقستانعا اۋداردى. ءتىپتى, كەيبىر ەلدەردە "قازاقستاننان ابايلاڭدار, ول مەملەكەتتە كوروناۆيرۋستان دا ءقاۋىپتى جاڭا ۆيرۋس پايدا بولدى" دەگەن ەسكەرتۋلەر باستالىپ كەتكەن.

الايدا وسى اقپاراتتاردان كەيىن لوندوندا شىعاتىن ؛daily mail ؛باسىلىمى بريتانيالىق جانە قىتايلىق ؛ەپيدەميولوگتاردان سۇحبات الىپ, مەديسينالىق ماماندار قازاقستاندا تارالعان پنەۆمونيانى شىن مانىندە covid-19 دەپ سانايتىنىن جاريالاعان.

بەيجىڭدەگى قىتايدىڭ باس ەپيدەميولوگى جانە ۇلىبريتانيا ۋورۆيك ۋنيۆەرسيتەتىنىڭ ۆيرۋسولوگى قازاقستاندا تارالىپ جاتقان "بەلگىسىز پنەۆمونيانى" ەپيدەميولوگيالىق تۇرعىدان covid-19 دەپ تۇجىرىمدايتىنىن جەتكىزگەن. ؛

قازاقستاندىق ؛نەيروحيرۋرگ دارىگەر مىڭجىلقى بەردىقوجاەۆ "پنەۆمونيادان قايتىس بولىپ جاتقان ادامداردىڭ 99 پايىزىنىڭ ولىمىنە كوروناۆيرۋس سەبەپ" دەپ ؛سانايتىنىن ايتقان.

ال جۇما كۇنى دۇنيەجۇزىلىك دەنساۋلىق ساقتاۋ ۇيىمى قازاقستانداعى "بەلگىسىز پنەۆمونيانى" ءىس جۇزىندە انىقتالماعان covid-19 دەپ مالىمدەگەن. ؛