قىتاي ەلشىلىگى پنەۆمونيانى "؛قازاقستان ۆيرۋسى"؛ دەپ اتاعان

قازاقستانداعى قىتاي ەلشىلىگى ەلدە تاراعان پنەۆمونيانى "قازاقستان ۆيرۋسى" دەپ اتاعان. بۇل تۋرالى قامشى ءتىلشىسى بريتانيالىق ؛daily mail ؛باسىلىمىنا سىلتەمە جاساپ حابارلايدى. ؛

بريتانيالىق باسىلىمنىڭ جازۋىنشا, قازاقستانداعى قىتاي ەلشىلىگى "قازاقستاندا ءولىم كورسەتكىشى كوروناۆيرۋستان دا جوعارى, ءقاۋىپتى ۆيرۋس تارادى" دەگەن مالىمدەمە جاريالاعان كەزدە, باستاپقىدا "قازاقستاندىق پنەۆمونيا ۆيرۋسى" دەپ جازعان. كەيىنىرەك بۇل تۇجىرىمداماسىن "covid ەمەس پنەۆمونيا" دەپ وزگەرتكەن. ؛

ال اعىلشىن تىلىندە شىعاتىن قىتايلىق ؛global times باسىلىمىنىڭ اقپاراتىنشا, ەلشىلىكتىڭ مالىمدەمەسىنەن كەيىن كەيبىر قىتايلىق ساراپشىلار پنەۆمونيانىڭ قىتايعا تارالۋىن بولدىرماۋ ءۇشىن شارالار قابىلداۋ كەرەك ەكەنىن ايتىپ, قازاقستان مەن قىتايدىڭ سولتۇستىك-باتىسىنداعى شىڭجاڭنىڭ شەكتەسەتىنىن ەسكەرتكەن. ؛

قىتاي ەلشىلىگىنىڭ "قازاقستاندا كوروناۆيرۋستان دا ءقاۋىپتى ۆيرۋس تارالدى" دەگەن مالىمدەمەسىنەن كەيىن باتىس باق-تارى "ورتالىق ازيا ەلىندە ءولىم كورسەتكىشى كوروناۆيرۋستان جوعارى جاڭا ۆيرۋس پايدا بولدى" دەگەن مازمۇنداعى اقپاراتتاردى جارىسا جاريالاعان. ؛

بۇل اقپاراتتار قازاقستاننىڭ دەنساۋلىق ساقتاۋ ءمينيسترى الەكسەي سويدىڭ "2020 جىلدىڭ العاشقى جارتى جىلدىعىندا پنەۆمونيادان 1172 ادام قايتىس بولدى" دەگەن مالىمدەمەسىنەن ؛كەيىن پايدا بولدى. الەكسەي سوي كەلتىرگەن دەرەككە سەنسەك, پنەۆمونيادان قايتىس بولعاندار كوروناۆيرۋس ولىمىنەن بەس ەسەگە كوپ, سەبەبى رەسمي ستاتيستيكا بويىنشا قازىرگە دەيىن قازاقستاندا covid-19-دان كوز جۇمعاندار سانى 264.

ال 3 شىلدە كۇنى قر باس سانيتار دارىگەرى ايجان ەسماعامبەتوۆا ؛2020 جىلدىڭ العاشقى التى ايىندا 1772 ادامنىڭ, ؛ماۋسىمدا 628 ادامنىڭ ؛پنەۆمونيادان قايتىس بولعانىن ايتقان. ؛بۇل ەسەپ بويىنشا, پنەۆمونيادان كوز جۇمعاندار covid-19-دان قازا تاپقانداردان 7 ەسە كوپ.

رەسمي ستاتيستيكا بويىنشا, پنەۆمونيادان قايتىس بولعانداردىڭ سانى covid-19-دان كوز جۇمعانداردان بەس ەسە, ءتىپتى, جەتى ەسەگە دەيىن كوپ بولۋى, ارينە, الەمنىڭ نازارىن قازاقستانعا اۋدارادى. ءتىپتى, كەيبىر ەلدەردە "قازاقستاننان ابايلاڭدار, ول مەملەكەتتە كوروناۆيرۋستان دا ءقاۋىپتى جاڭا ۆيرۋس پايدا بولدى" دەگەن ەسكەرتۋلەر باستالىپ كەتكەن.

الايدا وسى اقپاراتتاردان كەيىن لوندوندا شىعاتىن daily mail باسىلىمى بريتانيالىق جانە قىتايلىق ؛ەپيدەميولوگتاردان سۇحبات الىپ, مەديسينالىق ماماندار قازاقستاندا تارالعان پنەۆمونيانى شىن مانىندە covid-19 دەپ سانايتىنىن جاريالاعان.

بەيجىڭدەگى قىتايدىڭ باس ەپيدەميولوگى جانە ۇلىبريتانيا ۋورۆيك ۋنيۆەرسيتەتىنىڭ ۆيرۋسولوگى قازاقستاندا تارالىپ جاتقان "بەلگىسىز پنەۆمونيانى" ەپيدەميولوگيالىق تۇرعىدان covid-19 دەپ تۇجىرىمدايتىنىن جەتكىزگەن. ؛

قازاقستاندىق ؛نەيروحيرۋرگ دارىگەر مىڭجىلقى بەردىقوجاەۆ "پنەۆمونيادان قايتىس بولىپ جاتقان ادامداردىڭ 99 پايىزىنىڭ ولىمىنە كوروناۆيرۋس سەبەپ" دەپ ؛ايتقان.

ال جۇما كۇنى دۇنيەجۇزىلىك دەنساۋلىق ساقتاۋ ۇيىمى قازاقستانداعى "بەلگىسىز پنەۆمونيانى" ءىس جۇزىندە انىقتالماعان covid-19 دەپ مالىمدەگەن. ؛