فوتو: inform.kz
بۇگىن وتكەن ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆتىڭ مالىمدەمەلەرىنە قاتىستى ساياساتتانۋشى راسۋل جۇمالى پىكىر ءبىلدىردى.
&ndash؛ بۇگىن ۇكىمەتتىڭ كەڭەيتىلگەن وتىرىسىندا ماڭىزدى شەشىمدەر جاريالاندى. اسىرەسە, جاۋاپكەرشىلىك, دەنساۋلىق ساقتاۋعا قاتىستى, ءوز جۇمىسىن دۇرىس اتقارماعان قۇزىرلى مەكەمەلەردىڭ جۇمىسىن توقتاتۋ تۋرالى ايتىلدى. ەندى وسىنىڭ ءبارى قالاي ىسكە اساتىنى ماڭىزدى. پرەزيدەنت وسىدان 2-3 كۇن بۇرىن دا تىكەلەي ەفيردە ۇندەۋ جاريالاعان بولاتىن. بۇل, قاجەتتى نارسە. سەبەبى كوروناۆيرۋسقا قاتىستى جاعداي وتە اۋىر, ەلدىڭ جاعدايى مۇشكىل. كۇن سايىن قايعىلى جاعدايلاردى ەستىپ جاتىرمىز, &ndash؛ دەيدى راسۋل جۇمالى.
ساياساتتانۋشىنىڭ ايتۋىنشا, وسىنداي جاعدايدىڭ سەبەبى كوپ, ءبىراق بىردەن-بىر سەبەپ ؛&ndash؛ اقپاراتتىڭ جەتىسپەۋى.
&ndash؛ حالىق كوروناۆيرۋسپەن بەتپە-بەت جالعىز قالدى. ءدال وسىنداي قيىن ساتتە مەملەكەت قايدا قالدى, ونىڭ قامقورلىعى قايدا قالدى؟ وسىنداي كەزەڭدە وتە قاجەتتى اقپارات ايتىلدى. ەندى وسى ايتىلعان دۇرىس وي, نەگىزدى پىكىرلەر ىسكە اسسا جاقسى. وكىنىشكە قاراي, اۋزىمىز تالاي كۇيدى. مالىمدەمە جاسالىپ, ورتا جولدا قالماسا ەكەن. وسىنداي ءقاۋىپتى جاعدايدا ءىس ناسىرعا شاپپاس ءۇشىن پرەزيدەنت ءسوزىن قولداپ, ونىڭ قاراماعىنداعى بارلىق مەملەكەتتىك قىزمەتكەر وسى ايتىلعان دۇنيەلەردى ىسكە اسىرۋى كەرەك. ولار جاڭاشا جۇمىس ىستەۋگە قانشالىقتى دايىن؟ بۇل ؛&ndash؛ ۇلكەن ماسەلە. پرەزيدەنت قاسىم-جومارت توقاەۆ قانشا رەت تىكەلەي ەفيرگە شىعىپ, ورىن العان جاعدايدى ءوز دەڭگەيىندە قاراپ, باقىلاپ وتىر. ءبىراق مينيستر, ۇكىمەت, اكىمدەردىڭ دەڭگەيىنە قارايتىن بولساق, ؛ سول باياعى ەسكى سارىن. ولار تىكەلەي ەفيرگە شىقپاي, حالىق تاراپىنان سىن بولعاننان كەيىن عانا الماتى, ەلوردا اكىمى مالىمدەمە جاسادى. بارلىق جاۋاپكەرشىلىكتى پرەزيدەنتكە تاڭىپ قويىپ, باسقا مەملەكەتتىك ورگاندار ۇندەمەي وتىراتىن ءبولسا, ؛ىس ناسىرعا شابادى. سوندىقتان ايتىلعان مالىمدەمەلەردىڭ جۇزەگە اسۋىنا قاتىستى تالاپ قويۋ كەرەك, ؛&ndash؛ دەيدى ول.
دەرەككوز: قازاقپارات
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر