ap
اقش اسكەري-تەڭىز كۇشتەرى 2014 جىلدان بەرى العاش رەت وڭتۇستىك قىتاي تەڭىزىنە سوعىس ۇشاقتارىن تاسىمالداۋشى ەكى توپتى جىبەردى. بۇل تۋرالى قامشى ءتىلشىسى نيۋ-يورك تايمس باسىلىمىنا سىلتەمە جاساپ حابارلايدى.
باسىلىم ۆاشينگتوننىڭ بۇل ارەكەتى بەيجىڭ اسكەري كۇشتەرىنىڭ داۋلى ايماقتا جاتتىعۋ وتكىزۋىنە جاۋاپ رەتىندە بولعانىن جازدى. ؛
&ndash؛ ەركىن جانە اشىق ءۇندى-تىنىق مۇحيتى ايماعىن قولداۋ ءۇشىن "uss nimitz" جانە "uss ronald reygan" سوعىس ۇشاقتارىن تاسيتىن اسكەري كەمەلەر وڭتۇستىك قىتاي تەڭىزىندە قوسارلى تاسىمالداۋشى وپەراسيالار مەن جاتتىعۋلار وتكىزدى,&ndash؛ دەپ حابارلاعان اقش اسكەري-تەڭىز كۇشتەرى.
ال, قىتايدىڭ ازاتتىق ارمياسى داۋلى پاراكەل ارالدارىندا بەس كۇندىك جاتتىعۋ وتكىزۋدە. ۆەتنام مەن فيليپپين جاتتىعۋعا نارازىلىق بىلدىرگەن.
پەنتاگون بەيجىڭنىڭ اسكەري جاتتىعۋلارى كورشى ەلدەرمەن كەلىسىم بويىنشا قىتاي مىندەتتەمەلەرىن بۇزعانىن ايتىپ, بەيجىڭدى "وڭتۇستىك قىتاي تەڭىزىندەگى جاعدايدى ودان ءارى ناشارلاتتى" دەپ ايىپتاعان.
قىتاي مەن اقش قارۋلى كۇشتەرىنىڭ ستراتەگيالىق سۋلاردا وتكىزگەن ءبىر ۋاقىتتاعى جاتتىعۋلارى سوڭعى كەزدەگى بىرنەشە وپەراسيالاردىڭ ەڭ ماڭىزدىسى بولىپ ەسەپتەلەدى, ويتكەنى بۇل وقيعا "ەكى دەرجاۆانىڭ ازيا-تىنىق مۇحيتىنا ۇستەمدىك الۋ ءۇشىن كۇرەسۋى" دەپ قارالۋدا.
ۆەتنام مەن مالايزيانىڭ بالىق اۋلاۋ جانە مۇناي ىزدەۋ كەمەلەرىنە قىتاي اسكەري كۇشتەرى ءقاۋىپ توندىرگەننەن كەيىن اقش ءساۋىر ايىندا وڭتۇستىك قىتاي تەڭىزىنە بىرنەشە رەت سوعىس كەمەلەرىن جىبەرگەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر