ءناپاقاسىن بەيىت باسىنان تاۋىپ جۇرگەن ناتاليا جارينەۆا

09 شىلدە, 2020 news

ناپاقاسىن بەيىت باسىنان تاۋىپ جۇرگەن ناتاليا جارينەۆا

فوتونى تۇسىرگەن اۆتور

ناتاليا جارينەۆا شيرەك عاسىردان بەرى الماتىداعى كەڭساي-1 زيراتىندا بەيىتتەرگە كۇتىم جاساۋمەن اينالىسادى. ارام شوپتەردى جۇلادى, گۇل ەگەدى, ءمارمار تاستاردىڭ, گرانيتتىڭ تازالىعىن قاداعالايدى. مۇنىسى &ndash؛ ءبىر جاعىنان ەرمەك, ەكىنشى جاعىنان &ndash؛ كۇنكورىس قامى.

ا

ناتاليا ۆاسيلەۆنا بەيىت باسىنا گۇل وتىرعىزىپ جاتىر

 ؛

ناتاليا ۆاسيلەۆنا 1959 جىلى الماتىداعى تاستاق ىقشاماۋدانىندا تۋعان. 1973 جىلعا دەيىن ءوزىنىڭ تۋعان اتاسىنىڭ باسقا ادام ەكەنىن, ۇلتىنىڭ تاتار ەكەنىن بىلمەي كەلىپتى.

 ؛

&ndash؛ وتباسىمىز قالاي بارعانى بەلگىسىز, جاس كەزىندە اتام قىتايداعى ازاماتتىق سوعىسقا قاتىسىپ, سول جاقتا قايتىس بولىپتى. ارتىندا ايەلى مەن 4 جاستاعى بالاسى, ءىنىسى  ؛قالعان. ول كەزدە قىتايدان قايتۋ قيىن بولعان كورىنەدى. قايتار كەزىندە ۇيلەنگەندەرگە اسا شۇيلىكپەيدى ەكەن. سوندىقتان كىشى اتامىز اجەمىزگە ۇيلەنىپ, اعاسىنىڭ بالاسىن, ياعني ءبىزدىڭ اكەمىزدى باۋىرىنا باسىپتى. كەيىن ءدام-تۇزدارى جاراسىپ, ءۇي بولىپ كەتكەن. اتامىز ۇلىن دا, ءبىزدى دە جانىنداي جاقسى كوردى. الايدا قۇپيالارى تۋرالى "ەشكىمگە ءتىس جارمايمىز" دەپ شەشكەن. تەك اجەمىز دۇنيەدەن وتەردە, 1973 جىلى بار بىلگەنىن ايتىپ كەتتى. اكەمنىڭ شىن اتى ۆاسيليي ەمەس, راۆيل ەكەن. ءبىز تاتار ۇلتىنان بولىپ شىقتىق, &ndash؛ دەگەن ناتاليا جارينەۆا وتباسىلىق سىردىڭ ەرتەرەك اشىلماعانىنا وكىنەدى. سول كەزدەگى وقيعادان بار بىلەرى وسى عانا.

 ؛

زيرات كۇتۋشىسىنىڭ جاستىق شاعى الماتى ماڭىنداعى جالعامىس اۋىلىندا وتكەن. اكەسى قورا-قوپسى ۇستاعىسى كەلگەندىكتەن, اۋىلدا تۇرۋدى ءجون ساناپتى. مەكتەپتى, ارتىنشا قازىرگى قابانباي باتىر مەن ناۋرىزباي باتىر كوشەلەرى قيىلىسىنداعى مەديسينالىق ۋچيليششەنى بىتىرگەن. وقۋدى ءتامامداعاندا رەسەيدىڭ چيتا وبلىسىنداعى اسكەري بولىمشەدە جۇمىس ىستەۋگە جولداما بەرىلىپتى. الايدا الماتىدان كەتكىسى كەلمەي, وسىندا قالىپ قويعان. كەلەسى جولداما تۇركسىب ساناتورييىنە بەرىلىپ, ول جەردە شيپاجاي جابىلعانعا دەيىن مەدبيكە بولىپ جۇمىس ىستەيدى. ارتىنشا №12 قالالىق اۋرۋحانانىڭ تراۆماتولوگيا بولىمىنە اۋىسقان. كەيىن ەكىنشى قىزىنىڭ سىرقاتىنا بايلانىستى جۇمىستى قويىپ, ۇيدە وتىرۋىنا تۋرا كەلگەن.

 ؛

&ndash؛ ۇزاق جىلدان بەرى وسى كەڭساي جاقتا تۇرىپ كەلەمىز. ەكى قىزىم بار. تۇڭعىشىمىز ءقازىر تۇرمىستا. قازاق جىگىتكە كۇيەۋگە تيگەن. بىزگە ەكى نەمەرە سىيلادى. ەكىنشى قىزىم رەگينا 7 جاسىندا ترومبوسيتوپەنيكالىق پۋرپۋرا سىرقاتىنا شالدىقتى. ۇيدەن ءوز بەتىنشە شىعا المايدى. دەنەسىن جارالاپ السا, جارانىڭ جازىلۋى ۇزاققا سوزىلادى. مۇرنى ءجيى قانايدى. ۇيدەن باسقا جەردە مۇرنى قاناسا, توقتاتۋ قيىن. قىزىم ءۇشىن جۇمىستى تاستادىم. قىزىم ۇيدەن شىقپايدى. مەكتەپ كەزىندە مۇعالىمدەر ۇيگە كەلىپ وقىتتى. ءوزى ءبىلىمدى. ءتۇرلى كۋرستار وقىپ, قارجى سالاسى بويىنشا مامان اتاندى. اعىلشىن ءتىلىن بىلەدى. تەك ۇيدەن باسقا جاقتا ءوزىن جايلى سەزىنبەيدى. مۇگەدەكتىگى بويىنشا جاردەماقى الادى. كۇيەۋىمىز ەكەۋمىزدە زەينەتاقى بار. 26 جىلدان بەرى ءۇيدىڭ جانىنداعى زيراتقا كۇتىم جاساپ, قوسىمشا تيىن-تەبەن تابام, &ndash؛ دەپ ناتاليا جارينەۆا بۇل جۇمىسقا قالاي كەلگەنىن, تانىمال ادامدارمەن قالاي تانىسقانىن ايتىپ بەردى.

 ؛

ايتۋىنشا, بىردە زيرات ماڭىندا سەرۋەندەپ جۇرگەنىندە بەلگىسىز جىگىت جاقىنداپ, ءجون سۇراسقان سوڭ ارا-تۇرا اناسىنىڭ بەيىتىنە كوز قىرىن سالىپ, ءشوبىن وتاپ, كۇتىم جاساپ تۇرۋىن وتىنگەن. ونىسى ءۇشىن اي سايىن اقى تولەپ تۇراتىنىن ايتقان. بۇل 1996 جىل بولاتىن. ال جاقىنداعان جىگىت &ndash؛ بەلگىلى كينورەجيسسەر, قازاق دەرەكتى كينوسىنىڭ نەگىزىن قالاۋشى, قازاق كسر-نىڭ حالىق ءارتيسى وراز ابىشەۆتىڭ ۇلى قانات ابىشەۆ.

ا

وراز ابىشەۆ پەن مارۋا شىنتاسوۆانىڭ زيراتى

 ؛

سودان بەرى ناتاليا جارينەۆا زيراتقا كۇن سايىن بارادى. ونى زيرات قىزمەتكەرلەرى تۇگەل تانيدى. بەيىت باسىنا ءجيى كەلەتىن الماتىلىقتاردىڭ دا وعان كوزى ۇيرەنگەن. اراسىندا بەلگىلى ادامدار دا از ەمەس. ءوزىنىڭ سوزىنشە, ءانشى ەرمەك سەركەباەۆپەن كورىسكەن سايىن قالجىڭداسىپ, جاقسى قارىم-قاتىناستا بولعان. "ەرمەك سەركەباەۆ وتە ءازىلقوي جان ەدى" دەپ ەسكە الادى ول.

سونداي-اق كەيىپكەرىمىز اكادەميك, تاعامتانۋشى تورەگەلدى شارمانوۆپەن دە جاقىن ارالاسادى.

ناتاليا جارينەۆا 2005 جىلى كەڭەس وداعىنىڭ باتىرى, حالىق قاھارمانى, ارميا گەنەرالى ساعادات نۇرماعامبەتوۆپەن تانىسقان. ول باتىردىڭ زايىبى ؛ليرا نۇرماعامبەتوۆانىڭ زيراتىن دا قايتىس بولعان كەزىنەن بەرى ءوز كۇتىمىنە العان. بىلتىر عانا باتىردىڭ نەمەرەسى جاستاي دۇنيەدەن ءوتىپتى. ول دا وسى جەردە جەرلەنگەن.

ا

ا

ساعادات نۇرماعامبەتوۆ پەن ليرا نۇرماعامبەتوۆانىڭ زيراتى

 ؛

ناتاليا جارينەۆا ساعادات نۇرماعامبەتوۆ اتاعى مەن داڭقىنا قاراماستان وتە قاراپايىم, كوڭىلى كىرشىكسىز تازا, كەز كەلگەن اداممەن جاقىنىنداي سويلەسەتىن كىشىپەيىل بولعانىن ايتادى. حالىق قاھارمانى مارقۇم ايەلىنىڭ باسىنا ءار جۇما سايىن كەلىپ تۇرۋعا تىرىسىپتى.

كۇتۋشى "ساعادات نۇرماعامبەتوۆ پەن ليرا نۇرماعامبەتوۆانىكى سەكىلدى, وراز ابىشەۆ پەن مارۋا شىنتاسوۆالاردىكىندەي ماحاببات ءقازىر جوق" دەپ سانايدى. ول "بۇرىنعى كەزدە ءبىرىن-بىرى شىنايى سۇيەتىن, بىرىنە-بىرى ادال جۇپتار كوپ بولعان" دەگەن پىكىردە.

ناتاليا جارينەۆا مارقۇمدار كىسىلىگى مول ادام بولعانىن, تىرشىلىكتە جاقسى سىيلاسقاندىقتان ولاردىڭ زيراتىنا بار پەيىلىمەن كۇتىم جاسايتىنىن جەتكىزدى. ءوزىنىڭ سوزىنشە, ساعادات نۇرماعامبەتوۆتىڭ قىزى مەن وراز ابىشەۆتىڭ ۇلى كۇتۋشى قىزمەتىنە ءدان ريزا. بولاشاقتا دا قىزمەتىن پايدالانا بەرۋگە نيەتتى.

زيرات تازالىقشىسى كەڭساي-1 بەيىتىندە الدىن الا الىنىپ قويىلعان جەر بولماسا, بوس ورىن جوق ەكەنىن, سوندىقتان مۇندا جەرلەۋ ءراسىمىنىڭ ءجيى بولمايتىنىن, دۇنيەدەن قايتقاندار كەڭساي-2 زيراتىنىڭ قوينىنا تاپسىرىلاتىنىن ايتتى. زيرات اكىمشىلىگىندەگىلەر ءقابىر قازۋشى, تاس قالاۋشى سەكىلدى قىزمەتكەرلەرىمەن سۇحباتتاسۋعا رۇحسات بەرمەدى. "باسشىلىق رۇحسات بەرمەسە, سۇحبات بەرە المايمىز. باسىمىز ەكەۋ ەمەس" دەگەن كەڭساي-2 زيراتىنداعى ءقابىر قازۋشىلار تەك سوڭعى ۋاقىتتا قايتىس بولعانداردىڭ كوبەيگەنىن, كەيدە ءتىپتى جەرلەۋ ءراسىمىنىڭ قاس قارايعانشا جالعاساتىنىن جەتكىزدى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر