الماتىعا 1 ملن-نان استام پاراسەتامول جەتكىزىلدى

الماتىعا تاۋار ۇزدىكسىز كەلۋدە, 1 ملن-نان استام پاراسەتامول كەلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

بۇگىن الماتى قالاسى اكىمى باقىتجان ساعىنتاەۆ فارميندۋستريا وكىلدەرىمەن سەلەكتورلىق جيىن وتكىزدى, وندا دارىلىك پرەپاراتتار مەن مەديسينالىق بۇيىمداردى توقتاۋسىز جەتكىزۋدى قامتاماسىز ەتۋ ماسەلەلەرى ءسوز بولدى. وندىرىستىك كومپانيالاردىڭ, ءدارىحانالىق جەلىلەردىڭ جانە سالالىق قاۋىمداستىق وكىلدەرى دارىلىك قۇرالداردىڭ قورى مەن جوسپارلى جەتكىزىلىمدەر تۋرالى حابارلادى. سونىمەن بىرگە, ولار تاۋارلاردى راسىمدەۋ جانە ولاردى الۋ پروسەدۋرالارى تۋرالى ايتتى.

دارىحانالارداعى دارى-دارمەكتەردىڭ بار-جوعىنا قاتىستى سۇراقتار كولەمىن ەسكەرە وتىرىپ, "inkar" جشس باس ديرەكتورى ءاليا ەرىمبەتوۆا وسى جاعداي تۋرالى, سونىمەن بىرگە كەزەككە قاتىستى تۇسىنىكتەمە بەردى.

&ndash؛ كەزەكتەر بار, الەۋمەتتىك قاشىقتىقتى ساقتاۋ كەرەك ەكەنىن ەسكەرە وتىرىپ, 20-25 ادامنان ارتىق كىرگىزبەيمىز. ناۋقاستار سانى كوپ, ءبىراق ءبىز جاعدايدىڭ تۇزەلىپ كەلە جاتقانىن بايقاپ وتىرمىز. الماتىعا تاۋار توقتاۋسىز كەلۋدە, "inkar" جشس-نە 1 ملن-نان استام پاراسەتامول جەتكىزىلدى, ؛&ndash؛ دەدى ءاليا ەرىمبەتوۆا.

سونىمەن بىرگە, جۇكتى جونەلتۋگە بايلانىستى ادام فاكتورى تۇرعىسىنان ۇلكەن قيىندىقتار بار. سوعان قاراماستان, ءقازىر بۇكىل كەڭسە جۇمىس ىستەپ تۇر, ادامدار تاۋاردى بوساتىپ الۋ ءۇشىن دەمالىسسىز ەڭبەك ەتۋدە.

سونىمەن قاتار, ول فارمكومپانيالار دا مۇنداي دۇرلىگۋدى كۇتكەن جوق دەپ اتاپ ءوتتى. ءاليا ەرىمبەتوۆا ءونىمنىڭ ساپاسى بۇرىنعىسىنشا جوعارى دەڭگەيدە ەكەنىنە سەندىردى.

&ndash؛ ءبىز بارلىق اۋرۋحانالاردى تاۋارلارمەن قامتاماسىز ەتەمىز. ناۋرىز ايىنان باستاپ باق-تا كوپتەگەن جامان نارسەلەر جازىلدى, دەگەنمەن, ەل مەن قالا باسشىلىعى جاعدايدى شەشۋگە, جەڭۋگە وتە مۇددەلى دەپ سانايمىن, ول ءۇشىن كوپتەگەن دۇرىس قادامدار جاسالدى. ءقازىر ۇكىمەت بارىنە قولايلى بولۋ جولدارىن قاراستىرۋدا ؛&ndash؛ بارلىق مۇمكىن نارسەنى تەزدەتىپ, جەڭىلدەتۋدە. ءوز كەزەگىندە, وندىرۋشىلەر حالىق ءۇشىن وتكىزۋ جۇيەسى جولعا قويىلعان ەسكى كومپانيالاردىڭ جەتكىزۋىنە باسىمدىق بەرەدى, ؛&ndash؛ دەپ اتاپ ءوتتى ول.

سونىمەن قاتار, ول ءدارىحانالاردا كوروناۆيرۋستىق پاندەميانى ەسكەرە وتىرىپ, حالىق اراسىندا ەڭ تانىمال 41 دارى-دارمەكتىڭ بار ەكەنى تۋرالى ءتۇسىندىردى.

&ndash؛ ءبىر اپتانىڭ ىشىندە دەكسامەتازون مەن ەڭ تاپشى ونىمدەرگە دەگەن شيەلەنىس ازايادى, ؛&ndash؛ دەدى ءاليا ەرىمبەتوۆا.

ەسكە سالساق, بۇگىن الماتى قالاسىنىڭ اكىمى باقىتجان ساعىنتاەۆ فارميندۋستريا وكىلدەرىمەن دارى-دارمەكتەر مەن مەديسينالىق ماقساتتاعى بۇيىمداردى ۇزدىكسىز جەتكىزۋدى قامتاماسىز ەتۋ ماسەلەلەرى تالقىلانعان سەلەكتورلىق كەڭەس وتكىزدى. قالا اكىمى ءتيىستى قىزمەتتەرگە دارى-دارمەكتەر مەن ونىمدەردىڭ ۇزدىكسىز ءوتۋىن قامتاماسىز ەتۋدى تاپسىردى. قاجەت بولعان جاعدايدا سالىقتىق جانە كەدەندىك اكىمشىلەندىرۋدى, سونداي-اق يمپورتتىق تاۋارعا سايكەستىك سەرتيفيكاتتارىن الۋ ءراسىمىن جەدەلدەتۋدى دە تاپسىردى.