ءوندىرىستى ءبىر ساتكە توقتاتۋعا بولمايدى – الماتىداعى مەديسينالىق بۇيىم شىعاراتىن كومپانيا

07 شىلدە, 2020 news

وندىرىستى ءبىر ساتكە توقتاتۋعا بولمايدى – الماتىداعى مەديسينالىق بۇيىم شىعاراتىن كومپانيا

اشىق دەرەككوز

الماتىدا پاندەميا كەزىندە مەديسينالىق بۇيىم شىعاراتىن زاۋىتتارعا اۋىر جۇكتەمە بەرىلدى. ءقازىر ءار ءوندىرۋشى تابىس ەمەس, تەك قاجەتتىلىككە جۇمىس ىستەپ جاتقان جايى بار.

بۇگىن الماتىدا ورنالاسقان «؛juldyz kenan co ltd.»؛ جشس جۇمىسى تۋرالى بىلدىك. بۇل وتاندىق ءوندىرۋشى نارىقتا 28 جىل بويى جۇمىس ىستەپ كەلەدى.

مۇندا مەديسينالىق قۇرالدار, اپپاراتى مەن جابدىقتار, ينگالياتور, كاتەتەر, زوند, شپاتەل تاعى دا باسقا قۇرالدار جاسالادى.

«؛بىزدىڭ نارىقتا جۇمىس ىستەپ كەلە جاتقانىمىزعا 28 جىل بولدى. كوبىنەسە ونىمدەرىمىز رەانيماسيا, حيرۋرگيا, پەرزەنتحانالارعا كەرەك. ءبىز 10 جىلعا ۇكىمەتتىڭ ءوندىرىستى قولداۋ تۋرالى باعدارلاماسى بويىنشا كەلىسىمشارتقا وتىرعانبىز. سونىمەن قاتار «؛دامۋ»؛ قورى ارقىلى نەسيەمىزدىڭ 7 پايىزىن وتەۋگە دەمەۋقارجى بولىنگەن. «؛سك فارماسيا»؛ كەلىسىمى بويىنشا 1,5 ايدا وڭىرلەرگە مەديسينالىق جابدىق جەتكىزىپ تۇرامىز. «؛سك فارماسياعا»؛ ارنالعان 51 اتاۋلى ءونىم شىعارامىز. ءبىز شىعارىپ جاتقان ءونىمنىڭ شيكىزاتىنىڭ 70-80 پايىزى ءوز جەرىمىزدە الىنادى. ال 20 پايىزى شەتەلدەن كەلەتىن پوليۆينيلحلوريد دەگەن شيكىزات. ول بىزدە شىعارىلمايدى. قىتاي, يتاليا, گەرمانيا, پولشادان الامىز»؛, - دەدى جشس ديرەكتورى باعلان باققۇلوۆا.

ونىڭ ايتۋىنشا, ءقازىر شەتەلدەن شيكىزات جەتكىزۋگە قيىندىق جوق.

«؛زاۋىتتارىمىز حالىقارالىق سەرتيفيكات بويىنشا شيكىزات ءوندىرىسىن اۋديتتەن وتكىزگەن. ولارمەن كوپ جىلعا دەگەن قارىم قاتىناس كەلىسىمشارتى بار. جىلىنا 2-3 رەت بىزگە شيكىزات جىبەرىپ تۇرادى»؛,- دەدى باس ديرەكتور.

قازىر زاۋىتتا 40 ادام جۇمىس ىستەيدى. قوعامدىق كولىك توقتاعانعا دەيىن جۇمىسكەرلەر تاڭعى 8:00-دەن كەشكى 19:00 دەيىن جۇمىس ىستەپ كەلگەن.

«؛ناۋرىز, ساۋىردە كارانتين كۇشەيتىلگەن ۋاقىتتا ءبىز ءوندىرىستى جاپپاۋ ءۇشىن جۇمىسكەرلەرىمىزگە پاتەر, قوناق ءۇي جالداپ, سەنبى-جەكسەنبى كۇندەرى 2 اۋىسىم قويىپ وتىردىق. بارلىق قىزمەتكەرلەرىمىزدىڭ جاعدايىن جەكە-جەكە ءبىلىپ وتىردىق. ءبىز مەملەكەتتىك تاپسىرىس اياسىندا موينىمىزعا العان مىندەتتەمەلەرىمىزدى تولىق وتەيمىز»؛, - دەدى باعلان باققۇلوۆا.

 ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر