07 شىلدە, 2020 الەۋمەت

"؛كەلەسى جىلى تويلايتىن ەشكىم قالمايدى"؛. ديماش وتشاشۋ ۇيىمداستىرعانداردى سىنادى

ديماش قۇدايبەرگەن

انشى ديماش قۇدايبەرگەن ەلدە كوروناۆيرۋس ءورشىپ تۇرعانىنا قاراماستان ساليۋت اتىپ, وتشاشۋ ۇيىمداستىرعانداردى سىنعا الدى. ؛

انشى instagram پاراقشاسىندا "وتشاشۋ نەنىڭ قۇرمەتىنە؟ ءبىز كوروناۆيرۋسپەن اۋىرىپ جاتقاندار جونىنەن الەمدە العاشقى ورىنعا شىققانىمىزدىڭ قۇرمەتىنە مە؟ استانادا وتشاشۋ ۇيىمداستىرىپ جاتقاندارىڭىزدا, ادامدار تىنىس الۋ اپپاراتتارىن تاپپاي جاتتى. ءدال وسىلاي جالعاستىرا بەرىڭىزدەر, كەلەسى جىلى تويلايتىن ەشكىم قالمايدى" دەپ جازدى. ؛

كەشە, 6 شىلدە كۇنى نۇر-سۇلتاندا استانا كۇنى مەن قازاقستاننىڭ ەكس-پرەزيدەنتى نۇرسۇلتان نازارباەۆتىڭ 80 جىلدىعىنا وراي بيلىكتىڭ ۇيىمداستىرۋىمەن ويىن-ساۋىق شارالارى ءوتىپ, ارتى وتشاشۋعا ۇلاسقان. بيلىك بۇل شارالاردى ەلدە كوروناۆيرۋس ءورشىپ, ارۋحانالاردا ورىن, ءدارىحانالاردا ءدارى جەتىسپەي تۇرعانىنا قاراماستان وتكىزگەن. ؛

نۇر-سۇلتان اكىمدىگى وتشاشۋ "قالا تۇرعىندارىنىڭ كوڭىل-كۇيىن كوتەرىپ, مەديسينا قىزمەتكەرلەرىن قولداۋ ءۇشىن" ۇيىمداستىرىلعان دەپ مالىمدەدى. ؛

 ؛
ال نۇر-سۇلتانداعى وتشاشۋدىڭ ۆيدەولارى الەۋمەتتىك جەلىدە تارالا باستاعان كەزدە بيلىك ارەكەتىن سىناپ جازعاندار كوبەيدى. ولاردىڭ اراسىندا قارسىلىعىن ولەڭ ارقىلى تانىتقان اقىندار دا ؛بار.
 ؛
قازاقستاندا جىل سايىن 6 شىلدەدە استانا كۇنى مەن ەلدىڭ ەكس-پرەزيدەنتى نۇرسۇلتان نازارباەۆتىڭ تۋعان كۇنى بىرگە تويلانادى. ؛
 ؛
سوڭعى رەسمي اقپاراتقا ساي, قازاقستاندا كوروناۆيرۋسقا شالدىققاندار سانى 49 مىڭنان استى. ؛ ەلدە 264 ادام ىندەتتەن كوز جۇمدى. ؛

قازاقستاندا كوروناۆيرۋس جۇقتىرعاندار العاش رەت ناۋرىز ايىنىڭ باسىندا انىقتالا باستادى. ارتىنشا ەلدە ەكى ايعا جۋىق توتەنشە جاعداي رەجيمى جاريالانىپ, قالالار كارانتينگە جابىلدى. مامىر ايىنىڭ ورتاسىندا بيلىك توتەنشە جاعداي رەجيمىن الىپ, كارانتين شەكتەۋلەرىن جەڭىلدەتە باستاعاندا ۆيرۋس جۇقتىرعاندار سانى كۇرت ءوستى. سوڭعى ايدا ەلدە كۇنىنە كەمى 1000 ادامنان ۆيرۋس انىقتالىپ ءجۇر. ؛

قازىر ەلدەگى ءدارىحانالاردا ءدارى تاپشى. اۋرۋحانالارعا ناۋقاستار سىيماي جاتىر.

 ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر