vrk.news
جۇقتىرۋ ءقاۋپى جوعارى نىسانداردىڭ قىزمەتىنە شەكتەۋ ەنگىزىلدى. ناۋرىزباي اۋدانىنىڭ تۇرعىندارىن كارانتين رەجيمىن ساقتاۋعا شاقىرادى.
ناۋرازباي اۋدانىنىڭ اكىمدىگىندە ەپيدەميولوگيالىق جاعدايدى تۇراقتاندىرۋ بويىنشا قاتاڭ شەكتەۋ شارالارى كەزىندە قانداي نىسانداردىڭ قىزمەتى توقتايتىنى تۋرالى ايتتى.
ناۋرىزباي اۋدانىندا اعىمداعى جىلدىڭ 5 شىلدەسىنەن 20 شىلدەگە دەيىنگى مەرزىمدە جۇقتىرۋ ءقاۋپى جوعارى نىسانداردىڭ قىزمەتىنە شەكتەۋ ەنگىزىلدى. بارلىق ءسۇ, بازارلار, سۋپەرماركەتتەر, فيتنەس ورتالىقتاردىڭ قىزمەتى توقتايدى. ءدامحانالار مەن مەيرامحانالاردا تەك جازعى الاڭدار جۇمىس ىستەيدى, ونىڭ وزىندە الەۋمەتتىك قاشىقتىق ساقتالىپ, سانيتارلىق-ەپيدەميولوگيالىق تالاپ ورىندالۋى كەرەك. سونىمەن بىرگە, سۇلۋلىق سالوندارىنىڭ, ساۋنالار مەن مونشالاردىڭ, باسسەيندەر مەن باسقا دا قوعامدىق ورىنداردىڭ جۇمىسى توقتاتىلادى.
ناۋرىزباي اۋدانىندا بارلىعى ءۇش بازار (بارلىق, تاۋسامالى, اقبۇلاق), ەكى ساۋدا ءۇيى (ەيكوس, گلومارت), توعىز سۋپەرماركەت (اسقار, بەرەكە, بەككەر جانە باسقالارى) جانە التى فيتنەس ورتالىق (تاۋفيت, yfit جانە باسقالارى) بار. سونىمەن بىرگە اۋداندا 43 سۇلۋلىق سالونى, 14 ساۋنا, 22 مونشا, ءتورت باسسەين بار.
قالالىق قوعامدىق كولىك, سونىمەن بىرگە, قالا ماڭىنداعى اۆتوبۋس باعىتتارىن جۇمىستارىن جولاۋشىلار سانىن 50%-دان اسىرماۋ جاعدايىندا جۇمىس ىستەيدى.
قىزمەتتەرى توقتاتىلعان بارلىق نىسانداردا سانيتارلىق-پروفيلاكتيكالىق جانە سانيتارلىق ەپيدەمياعا قارسى شارالار جۇرگىزىلەدى.
ناۋرىزباي اۋدانىنىڭ پوليسيا قىزمەتكەرلەرى تاراپىنان ادامدار كوپ جينالاتىن ورىنداردا ەنگىزىلگەن شەكتەۋ شارالارىنىڭ ورىندالۋى بويىنشا پاترۋلدەۋ كۇشەيتىلەدى. كارانتين رەجيمى مەن سانيتارلىق-ەپيدەميولوگيالىق تالاپتاردى بۇزعانى ءۇشىن اكىمشىلىك جاۋاپكەرشىلىك قاراستىرىلعان.
اۋدان اكىمدىگىندە تۇرعىنداردى قالا بويىنشا قوزعالىستى شەكتەۋگە, كارانتين رەجيمىن قاتاڭ ۇستانىپ, الەۋمەتتىك قاشىقتىق پەن ماسكا رەجيمىن ساقتاۋعا شاقىرۋدا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر