06 شىلدە, 2020 news

كوروناۆيرۋس. الماتىدا اپتا سوڭىنا دەيىن تاعى 500 ورىن ازىرلەنەدى

myseldon.com

باسپاسوز كونفەرەنسياسىنىڭ بارىسىندا الماتى قالاسىنىڭ اكىمى باقىتجان ساعىنتاەۆ ەپيدەميولوگيالىق جاعدايدى تۇراقتاندىرۋ بويىنشا قابىلدانىپ جاتقان شارالار تۋرالى ايتتى.

باقىتجان ساعىنتاەۆ قالادا كوروناۆيرۋس ينفەكسياسىنىڭ تارالۋىن بولدىرماۋ بويىنشا بارلىق باعىتتا بەلسەندى جۇمىستار جۇرگىزىلىپ جاتقانىن حابارلادى. وسىلايشا, امبۋلاتورلىق دەڭگەيدە «؛ۆيرتۋالدى ينفەكسيالىق اۋرۋحانا»؛ اشىلدى. سونىمەن بىرگە, covid-19 جۇقتىرعان مۇقتاج ناۋقاستاردى, باقىلاپ, ەمىن تۇزەتۋ بويىنشا, سونىمەن بىرگە, تاۋلىك بويعى رەجيمدە تاۋەكەل توبىنداعى ناۋقاستاردىڭ اسقىنۋلارىنىڭ دامۋىن امبۋلاتورلىق دەڭگەيدە باقىلاۋ ءۇشىن مونيتورينگ ورتالىعى جۇمىسىن باستادى. اتالعان شارالار جاعدايلارى اۋىر ناۋقاستاردى, اسىرەسە قارت ادامداردى باقىلاۋدا ۇستاۋعا مۇمكىندىك بەرەدى.

&ndash؛ ەپيدەميامەن كۇرەستە تۇبەگەيلى ماسەلە &ndash؛ بارلىق اۋىرعان ادامداردىڭ ەم الۋى ءۇشىن قوسىمشا جاتاتىن ورىن قورىن قۇرۋ, ؛&ndash؛ دەپ قوستى باقىتجان ساعىنتاەۆ.

بۇگىندە قالادا كوروناۆيرۋسپەن كۇرەسكە قۋاتتىلىعى 4232 جاتاتىن ورىنعا شاقتالعان 19 ستاسيونار جۇمىلدىرىلعان &ndash؛ ءوسىم 9 ەسە كوبەيگەن. پسيحيكالىق دەنساۋلىق ورتالىعىنىڭ نەگىزىندە قوسىمشا 150 ورىن, ۋرولوگيا عىلىمي ورتالىعىنىڭ نەگىزىندە 150 ورىن اشىپ, halyk arena بازاسىنىڭ نەگىزىندە 200 ورىندى كەزەڭىمەن 1000-عا دەيىن ۇلعايتۋ كوزدەلىپ وتىر. وسىلايشا, وسى اپتانىڭ سوڭىنا دەيىن قوسىمشا 500 ورىن ازىرلەنەدى. سونىمەن بىرگە, halyk arena بازاسىنىڭ نەگىزىندە جان ساقتاۋ ءبولىمى, ءتيىستى قۇرالدارى بار تولىققاندى ستاسيونار اشىلادى, ناۋقاستارعا كيسلورود ورىندارى قولجەتىمدى بولادى.

العاشقى مەديسينالىق سانيتارلىق كومەك نىساندارىنىڭ دەڭگەيىندە ءموبيلدى بريگادالار كۇشەيتىلۋدە, ولاردىڭ قۇرامىنا قۇرامىنا ءبولىم مەڭگەرۋشىلەرى, ينفەكسيونيست دارىگەلەر, ەپيدەميولوگتار, ۋچاسكەلىك دارىگەرلەر جانە مەيىربيكەلەر ەنگەن. قازىرگى ۋاقىتتا 72 بريگادا موبيليزاسيالاندى جانە امسك 297 قىزمەتكەرى جۇمىلدىرىلدى.

بۇگىنگى تاڭدا قالادا 3000-103, 3000-505, 103 ءبىرىڭعاي call-ورتالىعى جۇمىس ىستەيدى. تۇرعىنداردان شاعىمدار مەن وتىنىشتەر تۇسكەن كەزدە ولار تىركەلىپ, كەرى بايلانىس جاساۋ ءۇشىن ەمحانا باسشىلىعىمەن قارالادى. بۇعان قوسىمشا, قالادا قيىن جاعدايدا قالعان ادامدارعا كومەكتەسۋ ءۇشىن پسيحيكالىق ساۋلىق پەن پسيحولوگيالىق كومەك كورسەتەتىن قولداۋ ورتالىعى جۇمىس ىستەپ جاتىر.

باقىتجان ساعىنتاەۆ دياگنوستيكانى دەر كەزىندە جۇرگىزۋ ءۇشىن الماتىدا قاجەتتى قۇرالداردىڭ جەتكىلىكتى ەكەنىن اتاپ ءوتتى. سوعان قاراماستان, وسىعان بايلانىستى زەرتحانالاردىڭ وتكىزۋ مۇمكىندىگىن ۇلعايتۋ بويىنشا جۇمىستار جۇرگىزىلۋدە. كوروناۆيرۋس ينفەكسياسىن دياگنوستيكالاۋ ءۇشىن قالادا كت 28 اپپاراتى جانە 70 سيفرلى رەنتگەن اپپاراتى جۇمىلدىرىلعان.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر