06 شىلدە, 2020 news

ۇلىبريتانيا: كوروناۆيرۋس ساياساتىندا قازاقستاننان ۇلگى الايىق

getty

ۇلىبريتانيالىق the telegraph گازەتى قازاقستاندى "الەم بويىنشا قايتا كارانتين جاريالاعان ءبىرىنشى ەل" دەپ اتاپ, بىرىككەن كورولدىكتىڭ قازاقستاننان ۇلگى الىپ, كوروناۆيرۋس ءورشىپ كەتسە, قايتا كارانتين جاريالاعانى دۇرىس ەكەنىن جازدى. بۇل تۋرالى قامشى ءتىلشىسى حابارلايدى. ؛

ۇلىبريتانيادا سەنبى كۇنى شەكتەۋ شارالارى الىنعاننان كەيىن, قالالاردا ادامدار الەۋمەتتىك قاشىقتىقتى ساقتاماي, بارلار مەن مەيرامحانالارعا جينالىپ, الەۋمەتتىك رەتسىزدىك پايدا بولعان سوڭ, ؛ۇلىبريتانيا ۇكىمەتى الاڭداۋشىلىعىن بىلدىرگەن بولاتىن. ؛

سوعان بايلانىستى the telegraph گازەتى "كوروناۆيرۋس تولقىنىنىڭ توتەنشە جاعدايىندا قازاقستان الەم بويىنشا كارانتيندى ءبىرىنشى جاريالادى" دەپ مالىمدەپ, انگليادا كوروناۆيرۋس ءورشىپ كەتسە, قازاقستاننىڭ ىستەگەنىن قايتالاۋدى حابارلادى. ؛

"قازاقستان بۇكىلحالىقتىق وقشاۋلاۋدى قايتا ەنگىزگەننەن كەيىن, بوريس دجونسونعا كوروناۆيرۋستىڭ ەكىنشى تولقىنى تۋرالى جان-جاقتى ەسكەرتۋ بەرىلدى" دەپ جازدى لوندوندا شىعاتىن گازەت. ؛

"مامىر ايىندا كوروناۆيرۋستىق شەكتەۋلەردى ازايتقان سوڭ, ؛ينفەكسيالاردىڭ كوبەيۋىنە بايلانىستى ورتالىق ازياداعى ەل الەمدە العاشقىلاردىڭ ءبىرى بولىپ لوكداۋن شارالارىن رەسمي تۇردە ەنگىزدى. ەلدە 47171 ۆيرۋس جۇقتىرۋشى بار, ال سوڭعى 24 ساعات ىشىندە 1000-نان استام جاڭا جاعداي تىركەلگەن... توتەنشە جاعداي قازاقستاندا رەسمي تۇردە 11 مامىردا اياقتالعان, ول كەزدە كوۆيد-19 جۇقتىرعاندار سانى 5 126, ال, كوز جۇمعاندار 31 ادام بولعان" دەپ جازدى بريتانيالىق گازەت. ؛

باسىلىم ۇلىبريتانيادا بارلار مەن مەيرامحانالاردىڭ سەنبى كۇنى اشىلعانىن, ازاماتتاردىڭ الەۋمەتتىك قاشىقتىقتى ساقتاماي, توپتاسىپ تويلاتىپ جۇرگەنىن جازدى. پرەمەر-مينيستر ؛بوريس دجونسوننىڭ كوروناۆيرۋس شەكتەۋىنەن شىعۋ ستراتەگياسىنىڭ سوڭعى كەزەڭىن اياقتاۋ جوسپارى تۋرالى دا ايتا كەتكەن گازەت "ينفەكسيا كۇشەيىپ كەتسە دەنساۋلىق ساقتاۋ قىزمەتكەرلەرى وقشاۋلاۋ شارالارىن قايتا قولدانۋى مۇمكىن" دەپ ەسكەرتتى.

ال, انگليانىڭ باس دارىگەرى, پروفەسسور كريس ۋيتتي كەلەسى قادامدار ءقاۋىپسىز ەمەس ەكەنىن ەسكەرتكەن. ول تاعى "بۇل جەردە باستى ماقسات ادامداردى بىرىكتىرۋ. بۇل (شەكەتۋ شارالارىن الۋ) الەۋمەتتىك جاعىنان جاسالعان كەرەمەت نارسە, ءبىراق سونىمەن بىرگە ۆيرۋس تۇرعىسىنان دا كەرەمەت نارسە... سوندىقتان ءبىز بارلاردا كوڭىل كوتەرىپ جاتقاندا, الەۋمەتتىك قاشىقتىقتى ساقتاۋ ءۇشىن ناقتى تارتىپكە يە بولۋىمىز كەرەك" دەگەن.

ايتا كەتەيىك, بۇعان دەيىن نيۋ-يورك تايمس ستاتيستيكاسى قازاقستاندى كوروناۆيرۋستىڭ كوبەيۋى بويىنشا الەمنىڭ الدىنا شىققانىن جاريالاعان. كوۆيد-19 تارالۋى ءورشىپ كەتكەن سوڭ قازاقستاندا 5 شىلدەدەن باستاپ كارانتين جاريالانعان بولاتىن.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر