05 شىلدە, 2020 news

قىتاي-اقش اراسى ۋشىقتى: سوعىس كەمەلەرى بەتپە-بەت كەلدى

getty

ۆاشينگتون مەن بەيجىڭ اراسىنداعى قايشىلىق ۋشىعا ءتۇستى. ەكى ەلدىڭ اسكەري كەمەلەرى بەتپە-بەت كەلدى. بۇل تۋرالى قامشى ءتىلشىسى the sun گازەتىنە سىلتەمە جاساپ حابارلايدى.

اقش پەن قىتايدىڭ قاقتىعىسقا قانشالىقتى جاقىن ەكەنىن كورسەتەتىن قورقىنىشتى كورىنىس جاريالاندى. امەريكانىڭ اسكەري-تەڭىز كۇشتەرى داۋلى وڭتۇستىك قىتاي تەڭىزىندە قىتاي كەمەلەرى مەن اقش سوعىس كەمەلەرىنىڭ بىرنەشە ءجۇز مەتر قاشىقتىققا جاقىن كەلگەن سۋرەتىن جاريالادى.

اقش اسكەري-تەڭىز كۇشتەرى سۋرەتتى وزدەرىنىڭ رەسمي ۆەب-سايتى ارقىلى بولىسكەن.

بەيجىڭ ەنەرگياعا باي وڭتۇستىك قىتاي تەڭىزىنىڭ 90 پايىزىن تالاپ ەتەدى, ءبىراق برۋنەي, مالايزيا, فيليپپين, تايۆان جانە ۆەتنام دا ونىڭ بولىكتەرىنە يەلىك ەتەتىنىن ايتادى. اقش قورعانىس مينيسترلىگى پاراكەل ارالدارىنا جاقىن جەردەگى داۋلى سۋلاردا اسكەري جاتتىعۋلار وتكىزىپ جاتقان قىتاي اسكەري كۇشتەرى تۋرالى الاڭداۋشىلىق ءبىلدىردى. وعان سەبەپ, پاراكەل ارالدارى ۆەتناممەن دە, قىتايمەن دە تالاپ ەتىلەتىن داۋلى ايماق.

ىلمەك سوزدەر: اقش قىتاي بەتپە-بەت

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر